Published:Updated:

மோட்டார் கிளினிக் - கேள்வி பதில்

மோட்டார் கிளினிக் - கேள்வி பதில்

மோட்டார் கிளினிக் - கேள்வி பதில்

மோட்டார் கிளினிக் - கேள்வி பதில்

Published:Updated:
மோட்டார் கிளினிக்  - கேள்வி பதில்

ஆர்.ராஜ்கமல், விருதுநகர்.

மோட்டார் கிளினிக்  - கேள்வி பதில்

மாருதி 'செர்வோ’ எனும் சின்ன காரை, இந்தியாவில் விற்பனைக்குக் கொண்டு வர இருப்பதாக காரின் படங்களுடன் எனக்கு இ-மெயில்கள் வருகின்றன. இந்த கார் உண்மையிலேயே விற்பனைக்கு வர இருக்கிறதா?

மோட்டார் கிளினிக்  - கேள்வி பதில்

ஜப்பானில் விற்பனையில் இருக்கும் செர்வோ காரை, இந்தியாவில் விற்பனைக்குக் கொண்டு வரும் திட்டம் எதுவும் மாருதியிடம் இல்லை. ஆனால், அதற்குப் பதில் புதிய 800 காரை அடுத்த ஆண்டு ஜனவரி - பிப்ரவரி மாதவாக்கில் விற்பனைக்குக் கொண்டு வர இருக்கிறது மாருதி!

மோட்டார் கிளினிக்  - கேள்வி பதில்

100 சிசி பைக் வாங்க வேண்டும். என்னுடைய வயது 42. டிவிஎஸ் ஸ்டார், ஹீரோ ஸ்ப்ளெண்டர், ஹோண்டா சிபி ட்விஸ்ட்டர் ஆகிய இந்த மூன்றில் எந்த பைக்கை வாங்கலாம்? அதிக மைலேஜும் வசதியான பயணமும்தான் என்னுடைய தேவை.

 - எம்.மணிவண்ணன், குடியாத்தம்.

 ##~##

ஹீரோ ஸ்ப்ளெண்டர் பைக்கை நீங்கள் வாங்கலாம். இது நல்ல மைலேஜ் தரும் என்பதோடு, நீடித்து உழைக்கக் கூடியது. வசதியான பயணத்துக்கும் கியாரண்டி தரக் கூடிய பைக். மெயின்டனன்ஸ் செலவுகளும் குறைவு. டிவிஎஸ் ஸ்டார் பைக்கின் பர்ஃபாமென்ஸ் சிறப்பாக இல்லை. ஹோண்டா சிபி ட்விஸ்ட்டர் 100 சிசி பைக்குகளில் ஒரு ஸ்போர்ட்டியான பைக். இது இளைஞர்களுக்குத்தான் சரியான பைக்காக இருக்கும்!

மோட்டார் கிளினிக்  - கேள்வி பதில்

முதன்முதலாக கார் வாங்கப் போகிறேன். ஹேட்ச்பேக் கார்களை விட டிக்கி வைத்த கார்கள்தான் எனக்குப் பிடிக்கும். அதனால், ஹூண்டாய் ஆக்ஸென்ட் கார் வாங்கலாம் என இருக்கிறேன். இந்த காரை வாங்குவது நல்ல சாய்ஸ்தானா?

- பி.நவீன்குமார், திருநெல்வேலி.

ஹூண்டாய் ஆக்ஸென்ட் பெட்ரோல் இன்ஜினுடன் மட்டுமே கிடைக்கிறது. இது நல்ல சாய்ஸ்தான் என்றாலும், ஆக்ஸென்ட் மார்க்கெட்டில் அவுட்- டேட்டட் கார். இதை இப்போது நீங்கள் வாங்கினால் மூன்று நான்கு ஆண்டுகள் கழித்து விற்கும்போது, ரீ-சேல் மதிப்பு மிகவும் குறைவாக இருக்கும். அதனால், இந்த செக்மென்ட்டில் தற்போது விற்பனையில் முன்னணியில் இருக்கும் மாருதி ஸ்விஃப்ட் டிசையர் அல்லது டாடா இண்டிகோ மான்ஸா ஆகிய கார்களை பரிசீலிப்பது நல்லது!

மோட்டார் கிளினிக்  - கேள்வி பதில்

ராயல் என்ஃபீல்டு தண்டர்பேர்டு பைக் வாங்கலாமென இருக்கிறேன். ட்வின் ஸ்பார்க் மாடல்களில் ஏதும் பிரச்னைகள் வர வாய்ப்பிருக்கிறதா? ராயல் என்ஃபீல்டு பைக்குகளின் பில்டு குவாலிட்டி எப்படி?

 - ஏ.ஆண்டர்சன் ஜேக்கப், கோவை.

ட்வின் ஸ்பார்க்கில் எந்தப் பிரச்னையும் இல்லை. ஆனால், ராயல் என்ஃபீல்டு பைக்குகளில் சின்னச் சின்ன பிரச்னைகள் வர வாய்ப்பு உண்டு. பில்டு குவாலிட்டி ஓகேதான். ஆனால், சரியான இடைவெளிகளில் பைக்கை சர்வீஸ் செய்யாவிட்டால், என்ஃபீல்டு பைக்குகள் அதிக செலவு வைத்துவிடும்.

மோட்டார் கிளினிக்  - கேள்வி பதில்

ஸ்கோடா ஆக்டேவியா எனக்கு மிகவும் பிடித்த கார். ஆனால், இந்த கார் இப்போது விற்பனையில் இல்லை. புதிய ஆக்டேவியா விற்பனைக்கு வர இருப்பதாகக் கேள்விப்பட்டேன். புதிய ஆக்டேவியா எப்போது விற்பனைக்கு வரும்?

 -எஸ்.சௌந்தர், சென்னை-14.

ஆக்டேவியாவின் உற்பத்தியை முழுவதுமாக ஸ்கோடா நிறுத்தி விட்டது. ஆக்டேவியாவுக்குப் பதில் விலை குறைவான மிட்-சைஸ் காரை அடுத்த ஆண்டு மே - ஜூன் மாதவாக்கில் விற்பனைக்குக் கொண்டு வர இருக்கிறது. 'லாரெட்டா’ என்ற பெயரில் அது விற்பனையாகலாம்.  போக்ஸ்வாகன் வென்ட்டோ காரில் இருக்கும் அதே 1.6 லிட்டர் பெட்ரோல் மற்றும் டீசல் இன்ஜின்களே இதிலும் பொருத்தப்பட இருக்கின்றன. இதன் விலை 8-10 லட்ச ரூபாய் இருக்கும் என எதிர்பார்க்கலாம்!

மோட்டார் கிளினிக்  - கேள்வி பதில்

நான் ஹார்லி டேவிட்சன் பைக்குகளின் பரம ரசிகன். ஹார்லி டேவிட்சன் ரோட்ஸ்ட்டர் பைக் வாங்கலாமென முடிவெடுத்திருக்கிறேன். ஆனால், இந்த பைக்கை வாங்க, தற்போது சென்னையில் ஷோ-ரூம் இல்லை. சென்னையில் ஹார்லி டேவிட்சன் எப்போது ஷோ-ரூம் திறக்கும்?

மோட்டார் கிளினிக்  - கேள்வி பதில்

அருண், இ-மெயில்

ஹார்லி டேவிட்சன் ஷோ-ரூம், சென்னை ராஜீவ் காந்தி சாலையில் (பழைய மகாபலிபுரம் சாலை) விரைவில் திறக்கப்பட இருக்கிறது. ஒன்றிரண்டு மாதங்கள் பொறுத்திருந்தால், சென்னையிலேயே உங்கள் கனவு பைக்கை வாங்கலாம்!

மோட்டார் கிளினிக்  - கேள்வி பதில்

ஹேட்ச்பேக் கார் வாங்கலாமென இருக்கிறேன். செவர்லே பீட் டீசல் வாங்கலாமா? அல்லது ஹோண்டாவின் புதிய காரான பிரையோ வாங்கலாமா? இரண்டில் எந்த கார் சிறந்தது?

கே.பிரபு கிருஷ்ணன், தேனி.

மோட்டார் கிளினிக்  - கேள்வி பதில்

பெட்ரோல் காரையும், டீசல் காரையும் ஒப்பிட முடியாது. செவர்லே பீட் டீசல் விலை குறைவான, அதிக மைலேஜ் தரும் டீசல் கார். பிரையோ, ஹோண்டாவின் உலகத் தரத்துடன் வடிவமைக்கப்பட்டு இருக்கும் சின்ன கார். ஆனால், இதில் இருப்பது பெட்ரோல் இன்ஜின். 1.2 லிட்டர் பெட்ரோல் இன்ஜின், நகரப் பயன்பாட்டிற்கு ஏற்ப சிறப்பான பர்ஃபாமென்ஸை வெளிப்படுத்துகிறது. மேலும், இரண்டு கார்களுமே மார்க்கெட்டில் புத்தம் புது கார்கள். இவற்றின் பராமரிப்பு மற்றும் சர்வீஸ் செலவுகள் பற்றி இனிமேல்தான் தெரிய வரும். பெட்ரோல் காரை வாங்குவதா அல்லது டீசல் காரை வாங்குவதா என்பதை நீங்கள்தான் முடிவு செய்ய வேண்டும்!

மோட்டார் கிளினிக்  - கேள்வி பதில்

நான் டொயோட்டா இனோவா வாங்கலாம் எனத் திட்டமிட்டிருக்கிறேன். அடுத்த ஆண்டு புதிய இனோவா விற்பனைக்கு வர இருப்பதாக நண்பர்கள் சொல்கிறார்கள். புதிய இனோவாவின் வருகைக்காகக் காத்திருக்கலாமா? அல்லது இப்போதைய இனோவாவையே வாங்கலாமா?

- எம்.முகமது கனி, காட்பாடி.

 புதிய இனோவா, 2012 ஜூன் - ஜூலை மாதவாக்கில்தான் விற்பனைக்கு வர இருக்கிறது. மேலும், புதிய இனோவாவின் இன்ஜினில் எந்த மாற்றமும் இருக்காது. முன் பக்கத் தோற்றம் மற்றும் காரின் உள்பக்கத்தில் மட்டுமே சில மாற்றங்கள் இருக்கும். இதற்காக நீங்கள் ஒரு வருடம் காத்திருக்க வேண்டிய அவசியம் இல்லை. அதனால், நீங்கள் தற்போதைய இனோவாவையே வாங்கலாம். ஆனால், இப்போது விற்பனையில் இருக்கும் இனோவாவில் இருந்து முற்றிலும் மாறுபட்ட புதிய இனோவா, 2014-ம் ஆண்டு இந்தியாவில் விற்பனைக்கு வர இருக்கிறது!