Published:Updated:

எந்திரன் - 14

எந்திரன் - 14
பிரீமியம் ஸ்டோரி
எந்திரன் - 14

இன்ஜின் எப்படி வேலை செய்கிறது?தொடர் தொழில்நுட்பம் பரணி ராஜன்

எந்திரன் - 14

இன்ஜின் எப்படி வேலை செய்கிறது?தொடர் தொழில்நுட்பம் பரணி ராஜன்

Published:Updated:
எந்திரன் - 14
பிரீமியம் ஸ்டோரி
எந்திரன் - 14

டந்த இதழில், இன்ஜினின் முக்கிய பாகங்கள் குறித்துப் பார்த்தோம். இப்போது இன்ஜின் எவ்வாறு இயங்குகிறது என்பதைப் பார்க்கலாம்.

1. இன்டேக் ஸ்ட்ரோக் (Intake stroke) :

இன்டேக்தான் முதல் ஸ்ட்ரோக். இந்த ஸ்ட்ரோக்கின்போது பிஸ்டன் TDC (Top dead center) நிலையில் இருந்து, BDC (Bottom dead center) நிலை நோக்கிப் பயணிக்கும். அப்போது சிலிண்டரில், பிஸ்டனின் மேற்புறம் வெற்றிடம் உருவாகிறது. அது, வெளியே இருந்து காற்று + பெட்ரோல் கலந்த எரிபொருள் கலவையை உள்ளே இழுக்கிறது. அதேசமயம், அதாவது பிஸ்டன் கீழிறங்கத் துவங்கும்போது, இன்லெட் வால்வுகள் மெதுவாகத் திறக்க ஆரம்பிக்கும். இதன் வழியாக, வெளியே இருந்து எரிபொருள் கலவை உள்ளிழுக்கப்படும். மருத்துவர்கள் ஊசி போடும்போது சிரிஞ்ஜை பின்னோக்கி இழுத்து, அதனுள் மருந்தை உள்ளெடுக்கும் முறையை இங்கு பொருத்திப் பார்த்துப் புரிந்துகொள்ளலாம். இப்படி உள்ளே இழுக்கப்படும் எரிபொருள் கலவையின் அளவு, இன்லெட் வால்வின் பரப்பளவைப் பொருத்தது. பெரிய வால்வு என்றால், அதிகமாக எரிபொருள் கலவை உள்ளிழுக்கப்படும். எரிபொருள் கலவை அதிகமானால், எரிதல் இன்னும் சிறப்பாக நடந்து, அதிக ஆற்றல் நமக்குக் கிடைக்கும். இந்த ஸ்ட்ரோக் நடக்கும்போது 90 சதவிகிதம் எக்ஸ்ஹாஸ்ட் வால்வுகள் மூடி இருக்கும். இல்லை என்றால், முந்தைய சுற்றில் மிச்சமான வெளியேறு வாயுக்களும் உள்ளிழுக்கப்பட்டு, அது எரிபொருள் கலவையுடன் கலந்து எரிதலின் திறனைப் பாதிக்கும்.

2. கம்ப்ரெஸன் ஸ்ட்ரோக்

கம்ப்ரெஸன் ஸ்ட்ரோக்கின்போது பிஸ்டன் BDC நிலையில் இருந்து, TDC நிலைக்கு நகரும். அவ்வாறு நகர ஆரம்பிக்கையில், இன்லெட் வால்வு மூடிக்கொள்ளும். எக்ஸ்ஹாஸ்ட் வால்வுகள் இப்போதும் மூடியே இருக்கும். அதனால், பிஸ்டனின் மேல்நோக்கிய இயக்கம், சிலிண்டருக்குள் இருக்கும் (முந்தைய ஸ்ட்ரோக்கில் உள்ளிழுக்கப்பட்ட) எரிபொருள் கலவையை அழுத்தும். இரு வால்வுகளும் மூடப்பட்ட நிலையில், அடைக்கப்பட்டிருக்கும் அறைக்குள் இருக்கும் எரிபொருள் கலவை, பிஸ்டனால் தொடர்ந்து அழுத்தப்படுகிறது. இதனால், அந்த எரிபொருள் கலவையின் வெப்பநிலை உயரும். பிஸ்டன் TDC நிலையை நெருங்கும் நேரத்தில், அழுத்தப்பட்ட எரிபொருள் கலவை, ஸ்பார்க் ப்ளக்கின் மூலம் தீப்பொறியால் எரிக்கப்படுகிறது.

எந்திரன் - 14

3. பவர் (அ) கம்பஸன் ஸ்ட்ரோக்

ஸ்பார்க் ப்ளக்கின் மூலம் எரிக்கப்பட்ட எரிபொருள் கலவையின் மூலக்கூறுகள், உள்ளிருக்கும் எல்லா எரிபொருளையும் எரிக்கத் தொடங்கும். அதனால், அதிக அழுத்தத்தில் இருந்த எரிபொருள் நன்கு எரியும். இதனால் வெளிப்படும் ஆற்றல், பிஸ்டனைக் கீழ்நோக்கி வேகமாகத் தள்ளும் (TDC to BDC). பிஸ்டனின் இந்த கீழ்நோக்கிய இயக்கம்தான், க்ராங்க்‌ ஷாஃப்ட்டைச் சுழலவைக்கிறது. இந்த ஸ்ட்ரோக்கின்போது, எல்லா வால்வுகளும் மூடியே இருக்கும்.

4. எக்ஸ்ஹாஸ்ட் ஸ்ட்ரோக்

எக்ஸ்ஹாஸ்ட் ஸ்ட்ரோக்கில், பிஸ்டன் BDC நிலையில் இருந்து, TDC நிலைக்குத் திரும்பும். செல்லும் வழியில் வாயுவைச் சேர்த்து மேலே தள்ளிக்கொண்டு போகும். இந்த நேரத்தில் எக்ஸ்ஹாஸ்ட் வால்வு திறந்துகொள்ளும். பிஸ்டனால் மேலே தள்ளப்படும் வாயு, இந்த எக்ஸ்ஹாஸ்ட் வால்வு திறப்பின் வழியாக வெளியேறுகிறது. இப்படி வெளியேற்றப்பட்ட வாயு சைலன்ஸரின் வழியாக வெளியேறும்.

ஒட்டுமொத்த விகடனுக்கும் ஒரே ஷார்ட்கட்!

இப்படி இன்ஜினில் ஒருமுறை ஆற்றல் வெளிப்பட, மேற்கூறிய நான்கு ஸ்ட்ரோக்குகளும் நிகழ வேண்டும். இந்த வகை இன்ஜின்கள், 4 ஸ்ட்ரோக் இன்ஜின்கள். பவர் ஸ்ட்ரோக்கில் கிடைக்கும் பிஸ்டனின் கீழ்நோக்கிய இயக்கமே, க்ராங்க்‌ ஷாஃப்ட்டைச் சுழலவைத்து நமக்குத் தேவையான இயந்திர ஆற்றலைத் தருகிறது. க்ராங்க்‌ ஷாஃப்ட்டுடன் ஃப்ளைவீல், கியர்பாக்ஸ் இணைக்கப்பட்டிருக்கும். சிலிண்டரின் மேற்புறம் வால்வுகள் மற்றும் ஸ்பார்க் ப்ளக் இருக்கும் பகுதி சிலிண்டர் ஹெட் (Cylinder head) என அழைக்கப்படுகிறது. சிலிண்டர் ஹெட்டுடன் இணைந்திருக்கும் பகுதி இன்லெட் மேனிஃபோல்டு (inlet manifold) எனப்படும். இதன் வழியேதான் பெட்ரோல் மற்றும் காற்றுக் கலவை இன்ஜின் உள்ளே நுழைகிறது. எக்ஸ்ஹாஸ்ட் வால்வுடன் சைலன்ஸர் இணைந்திருக்கும்.

எந்திரன் - 14

சிலிண்டர் ஹெட்டில் இரண்டு கேம் ஷாஃப்ட்டுகள் (Cam shafts) இருக்கும். ஒன்று - இன்லெட் வால்வுகளின் இயக்கத்துக்கு; இன்னொன்று - எக்ஸ்ஹாஸ்ட் வால்வுகளின் இயக்கத்துக்கு. இந்த கேம் ஷாஃப்ட்டுகள் டைமிங் செயினுடன் (Timing chain), செயின் மூலமாகவோ அல்லது பெல்ட் மூலமாகவோ இணைக்கப்பட்டிருக்கும். க்ராங்க்‌ ஷாஃப்ட்டின் சுழற்சியைப் பொறுத்து, கேம் ஷாஃப்ட்டின் சுழற்சி மாறுபடும். இந்த கேம் ஷாஃப்ட்டில் நீளமான ஷாஃப்ட்டின் வால்வுகளை இயக்கும் விதத்தில் லோப்ஸ் (LOBEs) வடிவமைக்கப்பட்டு இருக்கும். வால்வுகளுடன் இணைந்திருக்கும் இந்த லோப்ஸ் சுழற்சியின் மூலம், வால்வுகளைத் திறந்து மூடும்.

எந்திரன் - 14

எரிபொருள் பயன்பாட்டினை வைத்து, 4 ஸ்ட்ரோக் இன்ஜின்களை இரண்டாகப் பிரிக்கலாம். 1. பெட்ரோல் இன்ஜின்; 2. டீசல் இன்ஜின்.

- (எந்திரன் பேசுவான்)

IV ஸ்ட்ரோக் டீசல் இன்ஜின்

எந்திரன் - 14

4 ஸ்ட்ரோக் டீசல் இன்ஜினின் செயல்பாடு, கிட்டத்தட்ட 4 ஸ்ட்ரோக் பெட்ரோல் இன்ஜினைப் போலவே இருக்கும். ஆனால், சில முக்கிய வித்தியாசங்கள் உள்ளன. அதற்கு முன்பு, பெட்ரோல்/டீசலுக்கு இடையே உள்ள முக்கிய வேறுபாட்டைப் பார்ப்போம். பெட்ரோலின் சுய எரிதல் வெப்பநிலை, டீசலைவிட அதிகம். அதனால்தான் பெட்ரோலை எரிப்பதற்குத் தனியாக ஸ்பார்க் ப்ளக் தேவைப்படுகிறது. ஆனால் டீசல், உயரழுத்த வெப்பநிலையில் தானாகவே பற்றிக்கொள்ளும். அதற்கேற்ப அழுத்தத்தை ஏற்படுத்திக் கொடுத்தாலே போதும். மேலும், பெட்ரோல் இன்ஜினில் காற்று + பெட்ரோல் கலவை இன்லெட் வால்வு வழியாகச் செல்லும். ஆனால், டீசல் இன்ஜினில், வெறும் காற்று மட்டுமே இன்லெட் வால்வு வழியாகச் செல்கிறது. கம்ப்ரெஸன் ஸ்ட்ரோக்கில்கூட, பிஸ்டனால் காற்று மட்டுமே அழுத்தப்படும். ஸ்பார்க் ப்ளக் பற்றவைப்பதற்குப் பதிலாக, அந்த நேரத்தில் டீசல் இன்ஜெக்டர் (Diesel injector) வழியாக எரிபொருள் சிலிண்டரில் செலுத்தப்படுகிறது. பிஸ்டனால் அழுத்தப்பட்ட காற்று, தற்போது அந்தச் சூழலின் வெப்பநிலையையும் உயர்த்தி இருக்கும். அந்த வெப்பநிலை டீசலின் சுயஎரிதல் வெப்பநிலையைவிட அதிகமாக இருப்பதால், அங்கு ஸ்ப்ரே செய்யப்பட்ட டீசல் துளிகள் எளிதில் தீப்பற்றிக்கொள்கின்றன. மேலும் மேலும் டீசல் இன்ஜெக்ட் செய்யப்படுவதால், அவையும் சேர்ந்து எரியும். இப்படி ‘பவர் ஸ்ட்ரோக்’ பெட்ரோல் இன்ஜினில் இருந்து வேறுபடுகிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism