இது ஆஃப்ரோடு பைக் இல்லை!

இ ந்தியாவில் விற்பனையாகும் பைக்குகளில், விலைக்கேற்ற மதிப்பை அளிக்கும் பைக்குகளில் ஒன்று, நின்ஜா 650. அதன் சகோதரன்தான் வெர்சிஸ் 650. ‘கொஞ்சம் அதிக விலைக்கு, நல்ல பைக்’ என்கிறது கவாஸாகி.

அட்வென்ச்சர் - டூரிங் மற்றும் ஸ்போர்ட்ஸ் பைக் என டூயல் பர்ப்பஸ் பைக்காக இருக்கும் வெர்சிஸ் 650-ன் இருக்கை உயரம், 840 மிமீ. எடையோ 216 கிலோ. ஆனால், சிட்டி டிராஃபிக்கில் இந்த அளவுகள் பிரச்னையாக இல்லை. நின்ஜா 650 பைக்கைவிட கொஞ்சம் பவர் குறைந்திருந்தாலும், பைக்கின் டார்க் ரேட்டிங்கில் மாற்றம் இல்லை. திராட்டில் ரெஸ்பான்ஸ் சிறப்பாக உள்ளது.

. ட்வின் - ஹெட்லைட்ஸ் செமி பேரிங், சாலையில் இருப்பவர்களை நம் பக்கம் திரும்பிப் பார்க்க வைக்கிறது. நெடுஞ்சாலையில் பைக் அமைதியாகச் சென்றாலும், ஹெல்மெட்டில் காற்று மோதும் சத்தம், மிக அதிகமாகக் கேட்கிறது. விண்ட் ஸ்க்ரீனை அட்ஜஸ்ட் செய்தபிறகு, சத்தம் கொஞ்சம் குறைகிறது. 5,500 ஆர்பிஎம்-ல் 110 கி.மீ வேகத்தில் க்ரூஸ் செய்ய முடிவது சூப்பர். 21 லிட்டர் ஃப்யூல் டேங்க் தாராளம்.

. ஸ்ட்ரீட் டயர்கள் இருந்தாலும், மோசமான சாலைகளை ஓரளவு சமாளிக்கிறது வெர்ஸிஸ். மோனோஷாக் சஸ்பென்ஷனை இறுக்கமாக செட் செய்துவிட்டதால், ஷார்ப்பாக இருக்கிறது ஸ்டீயரிங். ஆனால், ஆஃப் ரோடில் வேகமாகச் செல்லச் செல்ல, பைக்கின் அதிக எடை வேலையைக் காட்டுகிறது. இதனால் நிதானமான வேகத்தில் பைக்கை ஓட்டுவதற்குச் சிறப்பாக இருக்கிறது. மிக மோசமான சாலைகளில், சஸ்பென்ஷன் அத்தனை மேடு பள்ளங்களையும் அசத்தலாக, கட்டுக்குலையாமல் சமாளிக்கிறது. இந்த நிலையில், கவாஸாகியே இந்த பைக்கை ஆஃப் ரோடு பைக்காக நினைக்கவில்லை என்பதால், ஆஃப் ரோடு டயர்களைக் கொடுக்கவில்லை. அதனால், ஆஃப் ரோடில் இந்த பைக்கில் இருந்து அதிகம் எதிர்பார்க்க முடியாது. ஆஃப் ரோடு டயர்களும், ரிம்களும் இருந்தால், வெர்சிஸ் எங்கோ சென்றுவிடும்; எங்கு வேண்டுமானாலும் சென்றுவிடும்.

. விலை அதிகம் என்பதால், 80 சதவிகித ரைடர்கள் எதிர்பார்ப்பதை, 100 சதவிகிதம் நிறைவேற்றக்கூடிய பைக் இது.

இது ஆஃப்ரோடு பைக் இல்லை!

Vikatan Correspondent