Published:Updated:

ஜிப்... இணையற்ற சாதனையின் வடிவம்!

ஜிப்... இணையற்ற சாதனையின் வடிவம்!
பிரீமியம் ஸ்டோரி
ஜிப்... இணையற்ற சாதனையின் வடிவம்!

நாம் பிடிக்க வேண்டிய கடைசி பஸ் - 2வடிவமைப்புக.சத்தியசீலன்

ஜிப்... இணையற்ற சாதனையின் வடிவம்!

நாம் பிடிக்க வேண்டிய கடைசி பஸ் - 2வடிவமைப்புக.சத்தியசீலன்

Published:Updated:
ஜிப்... இணையற்ற சாதனையின் வடிவம்!
பிரீமியம் ஸ்டோரி
ஜிப்... இணையற்ற சாதனையின் வடிவம்!

டிவமைப்பு(டிசைன்) என்கிற ஒரு துறை, எந்தப் புள்ளியில் தொடங்குகிறது என்று கேட்டால், மானுட வாழ்வில் அன்றாட சிக்கல்களை எளிமைப்படுத்துவது தான் டிசைன் என்று நான் நினைக்கிறேன். டிசைனின் நோக்கமும், பயன்பாடும் மக்கள் வாழ்வியலை இடையறாது எளிமைப்படுத்திக் கொண்டு செல்வதாகத்தான் இருக்கிறது.  

ஜிப்... இணையற்ற சாதனையின் வடிவம்!

வடிவமைப்புக்கு வண்ணச் சார்பு கிடையாது. எல்லா வண்ணங்களையும் எடுத்துக்கொள்ளும்; எல்லா வண்ணங்களையும் ஆராயும்; எல்லா வண்ணங்களையும் பயன்படுத்தும். ஆனால், எந்த வண்ணம் எந்த இடத்தில் பொருந்தும் என்பதைச் சிந்தித்துச் செயல்படும். அதனால்தான் என்னவோ, உலகத்தில் உள்ள டிசைனர்கள் கறுப்பு அல்லது வெள்ளை உடைகளை அணிகிறார்கள். நீங்கள் நன்றாக யோசித்தால், இந்த இரண்டும்தான் எல்லா வண்ணங்களும் சேரக்
கூடியவையாக இருக்கின்றன.

உலகில் மாற்றங்களை உருவாக்கிய தலைசிறந்த வடிவமைப்புகள் பல இருந்தாலும், சிலவற்றைப் பற்றி மட்டும் இங்கே பேசலாம். அந்த வடிவமைப்புக்கு அடிப்படையில் என்னவெல்லாம் தேவையாக இருந்தது; இப்படி ஒரு வடிவமைப்பு உருவாக உந்துதலாக, காரணியாக எவையெல்லாம் இருந்தன; அவை பின்னாளில் எப்படி உருவாக்கமாக மாறியது என்பதுபோன்ற கேள்விகளுக்கு விடை தேடும் அதே வேளையில், வடிவமைப்புத் துறைக்குள் செல்வதற்கு எல்லோராலும் முடியும். அதற்கு என்ன மாதிரியான முயற்சிகளை, சிந்தனைகளை உருவாக்கலாம் என்பது பற்றியும் பேசுவோம்.

 வடிவமைப்பு என்பது ஒரு முக்கியமான, கட்டுமான, ப்ராசஸ் என்ற வழிமுறைகளால் முறைப்படுத்தப்படுகிறது. அதற்கு ஓர் எதிர்கால நோக்கம் உண்டு. அதற்குப் பயன்பாடுகள் உண்டு. முக்கியமான ஒரு பொருளை, வடிவமைப்பு சார்ந்த பரிசுகளை உங்களுக்குக் கொடுப்பதற்காக, பரிசுப்பொருள்களை வாங்கி, ஒரு பையில் போட்டு எடுத்துவந்திருக்கிறேன். இனி, பையைத் திறந்து ஒவ்வொன்றாக எடுத்து உங்களுக்குத் தர வேண்டியதுதான். 

என் பரிசுப் பையைத் திறக்கிறபோது, முதலில் கண்ணில் தென்படுகிறது ஜிப்.  ஜிப் என்ற வார்த்தைக்குத் தமிழில் சரியான சொல் இருந்தால், தெரிந்து கொள்ள ஆசைப்படுகிறேன்; பயன்படுத்தவும் செய்வேன். இப்போது ஜிப் என்று நாம் சொல்வதை ஜிப்பர் என்றுதான் சொல்ல வேண்டும். ஏனென்றால், இந்த ஜிப்புக்கு வயது 100-ஐ தாண்டிவிட்டது. அதனால், அதை நாம் கொஞ்சம் மரியாதையாகச் சொல்ல வேண்டும்.

இதை வடிவமைத்தவர் கயோடின் சன்பேக். 1917-ம் ஆண்டு மார்ச் 20 அன்று  இந்தக் காப்புரிமையைப் பதிகிறார். இந்தக் காப்புரிமையின் வரிசை எண் 12,19,881 அதாவது, 1917-ம் ஆண்டில் கிட்டத்தட்ட 12 லட்சம் பேட்டன்கள் அமெரிக்காவில் பதிவு செய்திருக்கிறார்கள் என்பது மலைப்பாக இருக்கிறது. ஆனால், நாம் பயன்படுத்துகிற ஜிப்பர் கிட்டத்தட்ட 100 ஆண்டுகளைத் தொட்டுவிட்டது. இந்த 100 ஆண்டுகளில் எவ்வளவு மாற்றங்களுக்கு உட்பட்டாலும் அடிப்படையில் இது இயங்குகிற விதம் ஒரே மாதிரியாக இருக்கிறது. இந்த ஜிப்பரைக் கண்டுபிடித்தவர்கள் யார் என்பது கூகுளில் இருந்தாலும், இதுபற்றிய சிந்தனைதான் நான் உங்களிடம் பகிர்ந்துகொள்ளக்கூடிய விஷயமாக இருக்கிறது.

இதற்கு முன்பாக இந்த ஜிப், ஏதோ ஒரு நாளில் நடந்துவிடவில்லை. குளிர் பிரதேசங்களில் உடை உடுத்துகிறபோது, மேலாடையை இணைக்கும் பொத்தான் வரிசைக்கு இடையே உள்ள இடைவெளி மூலமாகக் குளிர் உடம்பைத் தீண்டுகிறபோது, இதற்கு ஒரு தீர்வு காண யோசித்தார்கள். பொத்தான்களில் இடைவெளி இல்லாமல் தொடர்ச்சியாக மூடி திறக்கக்கூடிய ஒரு பொத்தான் அல்லது கொக்கியைத் தையல் மெஷினால் தைத்துவிட்டால், மறுபடியும் பிரிக்க முடியாது. தைக்கிற தையலைப் பிரிக்க வேண்டும் என்றால், அதற்கு நேரம் ஆகும். விரைவில் திறந்து மூடக்கூடிய, இடைவெளி இல்லாமல், குளிர்காற்றுப் புக முடியாத ஒரு விஷயத்தை, ஒரு சாதனத்தைக் கண்டுபிடிக்க வேண்டும் என்று, 1850-களின் தொடக்கத்தில் இருந்தே முயற்சிகள் நடைபெற்றன.

தையல் மெஷினைக் கண்டுபிடித்த எலியாஸ் ஹவ்வே 1851-ம் ஆண்டு ‘ ஆட்டோமேட்டிக் கன்டினியுஸ் குளோத்திங் குளோசர்’ என்று சொல்லி ஒரு காப்புரிமையை (பேட்டன்)வாங்கினார். ஆனால், இது ஏட்டளவிலான கோட்பாட்டுக்குத்தான். 40 ஆண்டுகளாக புராடெக்ட்டாக அது வடிவம் பெறவில்லை. ஒரு கான்செப்ட் வரைந்து வைத்திருந்தார். அது கிட்டத்தட்ட இந்த மாடர்ன் ஜிப்பருக்கு அருகில் இருக்கக்கூடிய, வரலாற்றில் முதலில் பதியப்பட்ட ஒரு புராடெக்ட். 1859-ல் அதற்கு ஜிப்பர் என்ற பெயர்கூட இல்லை. அது ஆட்டோமேட்டிக் கன்டினியுஸ் குளோத்திங் குளோசர். தானாக இயங்கக்கூடிய, இடைவெளி அற்ற உடை மூடி என்று சொல்லலாம். இந்த டிசைன் தியரியாகவே அதாவது, ஏட்டுச் சுரைக்காயாகவே 40 ஆண்டுகளாக இருந்தது. உலகில் உள்ள கண்டுபிடிப்புகள் ஒவ்வொன்றையும் மக்கள் வந்து பார்த்துத் தெரிந்துகொள்ளக்கூடிய வேர்ல்டு ஃபேர் கண்காட்சி, 1893-ல் அமெரிக்காவில் சிகாகோவில் நடந்தது. அதில், இதன் புரோட்டோ டைப் காட்சிப்படுத்தப்பட்டது. ஆனால், அது வெற்றிபெறவில்லை. அதை அப்படியே விட்டுவிட்டார்கள். அதன் பின்புதான் கயோடின் சன்பேக் என்பவர், 1917-ல் இப்போது நாம் பார்க்கிற வடிவத்தில் ஒரு ஜிப்பாக அதை வடிவமைத்தார்.   

ஒட்டுமொத்த விகடனுக்கும் ஒரே ஷார்ட்கட்!

ஜிப்... இணையற்ற சாதனையின் வடிவம்!

ஜிப்பர் பிறகு, உடையில் இருந்து மெள்ள காலணிகளுக்குச் சென்றது. அது இன்னும் மேம்பட்டும் மாறுபட்டும் தோல் பொருள்களுக்குச் சென்றது. இப்போது அது எல்லா இடங்களிலும் இருக்கிறது. கிட்டத்தட்ட 100 ஆண்டுகளைத் தாண்டி இந்த ஜிப்பர், எந்த இன்ஜினும் இல்லாமல் இரண்டு தண்டவாளங்கள் இடையே ஓடக்கூடிய ரயிலாக இருக்கிறது. அந்த ஜிப்பைத் திறந்துதான் உங்களுக்கான பொருளைக் காட்டப் போகிறேன்.

1. முதன்முதல் வடிவமைக்கப்பட்ட ஜிப் 50 ஆண்டுகளுக்குப் பிறகுதான் இப்போது இருக்கும் வடிவத்தைப் பெற்றது. நாம் நினைப்பதைப்போல எந்த ஒரு பொருளுமே எளிதாகவோ அல்லது எதிர்பாராத விதமாகவோ கண்டுபிடிக்கப்படுவது இல்லை. யாரோ முன்னெடுக்கிறார்கள்; அதற்குப் பலர் கூடுதல் அழகையும் பயன்பாட்டையும் சேர்க்கிறார்கள்; ஒரு கட்டத்தில் யாரோ இறுதி வடிவம் கொடுக்கிறார்கள். ஆகவே, இந்த ஜிப் உருவாகவும் ஒரு தனி நபர்தான் காரணம் என்று சொல்லிவிட முடியாது. ஏனென்றால், இங்கே ஒருவரின் கனவைப் படிப்படியாக பலர் நனவாக்குவார்கள்.

2. இன்றைய காலகட்டத்தில்  நமது தட்பவெட்ப, சமூக, பொருளாதார அரசியல் சூழ்நிலைக்கு ஏற்ப, நாம் வடிவமைக்க வேண்டியவை இந்த நாட்டிலேயே நிறைய இருக்கின்றன. 50 ஆண்டுகளுக்கு முன்பு இல்லாத பல புதிய பொருள்கள் இன்று இருக்கின்றன. அதேபோல, 50 ஆண்டுகளுக்குப் பிறகு இப்போது புழக்கத்தில் இல்லாத பல பொருள்கள் பயன்பாட்டுக்கு வந்திருக்கும். அப்போது பற்பல மாறுபாடுகளை நாம் சந்திக்க இருக்கிறோம். அந்த மாற்றங்களுக்குத் தயாராக வேண்டுமானால், இன்றே நாம் தொலைநோக்கோடு செயல்பட ஆரம்பிக்க வேண்டும்.

நம்மைச் சுற்றி இருக்கிற பல பொருள்கள் மாறினாலும் ஜிப்பர் போன்ற ஒரு சில  பொருள்கள், ஆண்டுகள் பலவானாலும் மாறுவதில்லை. அதைக் கனவு கண்டவர் இன்று இல்லை; அதற்கு 1893-ல் மாதிரி வடிவம் கொடுத்தவர் இல்லை; 1917-ல் இதை வடிவமைத்தவர் இன்று இல்லை. ஆனால், இந்த ஜிப்பர் இன்றும் இருக்கிறது. இது ஏன் இப்படிக் காலத்தைக் கடந்தும் புழக்கத்தில் இருக்கிறது? காரணம், ஜிப்பின் வடிவமைப்பு மிக மிக எளிமையான வடிவம். அதை ஒரு குழந்தையால்கூட இயக்க முடியும். குழந்தையாக இருந்தபோது அதை இயக்குவதில் எனக்குப் பெரும் ஆர்வம் இருந்தது. ஜிப்பரின் பயன்பாடுகள் நாளுக்கு நாள் அதிகரித்துக்கொண்டே வருகின்றன. பல்லே இல்லாத ஜிப்பர்கூட வரப்போகிறது.

இதற்கு மேலும் ஜிப்பரின் வடிவம் மாற்றம் காணலாம். ஆம், வடிவமைப்பு என்பது நிரந்தரமானது இல்லை. வடிவமைப்பில் மாற்றங்கள் நிகழ முக்கியப் பங்காற்றப் போவது இளைஞர்கள்தான்.

உதாரணத்துக்குச் சொல்ல வேண்டும் என்றால், கார் டிசைனிங்கில் புதியவர்கள் தொடுகிற எல்லைகள், வணிகரீதியாகப் பெரும் வெற்றிபெறுகின்றன. அண்மைக்காலத்தில் ஃபோக்ஸ்வாகன் போலோ பெரும் மாற்றத்தைக் கொண்டுவந்தது. அது பற்றிப் பிறகு பார்க்கலாம்.

சிக்கல்களான பிரச்னைகளுக்கு எளிமையான டிசைன் மூலம் தீர்வு காண்பதுதான் வடிவமைப்பின் அடிநாதம். அடுத்த இதழில் ஒரு வடிவமைப்பாளரின் சாதனைகள் வாயிலாக இதை நாம் பார்ப்போம்.

 - வடிவமைப்போம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism