Published:Updated:

வாகன உலகின் பிதாமகன்!

வாகன உலகின் பிதாமகன்!
பிரீமியம் ஸ்டோரி
வாகன உலகின் பிதாமகன்!

நாம் பிடிக்க வேண்டிய கடைசி பஸ் - 14 - தொடர்

வாகன உலகின் பிதாமகன்!

நாம் பிடிக்க வேண்டிய கடைசி பஸ் - 14 - தொடர்

Published:Updated:
வாகன உலகின் பிதாமகன்!
பிரீமியம் ஸ்டோரி
வாகன உலகின் பிதாமகன்!

ரிய புகையைக் கக்கியபடி, 100 ஆண்டுகளுக்கும் மேலாக ஓடிக்கொண்டிருந்த கரிவண்டி என அழைக்கப்பட்ட ரயில், அது அறிமுகமான காலத்தில் பெரும் வியப்பை ஏற்படுத்தியது!

வாகன உலகின் பிதாமகன்!

நீராவி இன்ஜினால் ஓடிய  அந்த வாகனமே மோட்டார் வாகன உலகத்தின் துவக்கப்புள்ளி. ரயிலை  இப்போது பலரும் தொடர்வண்டி  என்று  குறிப்பிட்டாலும், புகைவண்டி என்று சிறிது காலம்வரை அது குறிப்பிடப்பட்டதற்குக் காரணம் அதை இயக்கிய நீராவி இன்ஜினே!

நீரும் நெருப்பும் சேர்ந்து காற்றில் (ஆவி) ஏற்படுத்திய அழுத்த மாற்றம் ஒரு விசையை, சக்தியை உருவாக்கியது. அந்தச் சக்தியை நெறிப்படுத்தி குறிப்பிட்ட திசையில் பயன்படுத்தினால், அது நிலத்தில் சுழலும் சுழற்சியை ஏற்படுத்தும். அந்த விசையை விரிவுபடுத்தினால் வேறு பலப் பல வழிகளில் பயன்படுத்த இயலும் என்பதைச் சாத்தியப்படுத்தியது இந்த நீராவி இன்ஜின்.

பல்வேறு நாடு, மொழி இனங்களின் கலவையான முயற்சி மற்றும் பல்வேறு காலகட்டங்களில் கையாளப்பட்ட ஆராய்ச்சி ஆகியவற்றால் மெருகேற்றப்பட்டு, அது இறுதி வடிவத்தை 17-ம் நூற்றாண்டின் இறுதியில் பெற்றது.

ஒட்டுமொத்த விகடனுக்கும் ஒரே ஷார்ட்கட்!

வாகன உலகின் பிதாமகன்!

கொதிக்கும் வெந்நீரின் ஆவியைத் தொடர்ந்து அவதானித்து வந்த ‘ஹெரோன்’  எனும் கணித அறிஞர் பற்றி இங்கே குறிப்பிட வேண்டும். கி.பி. முதல் நூற்றாண்டில் வாழ்ந்தவர் இவர்.

அலெக்ஸாண்ட்ரியாவைச் சேர்ந்த இந்த அறிஞர்தான் நீராவியின் மூலம் பல செயல்களைச் சாதிக்கலாம் என பல பரிசோதனைகளை மேற்கொண்டவர். 1500 ஆண்டுகளுக்குப் பிறகு, ‘HORO ENGINE' என்ற ஒன்று ஐரோப்பாவில் உருவாக்கப்பட்டது. இது கெமிக்கல் லேப்களில் பரிசோதனைகளுக்குப் பயன்பட்டது. அதைத் தொடர்ந்து  ‘ஆய்லோபைல்' (AEOLIPILE) என்றொரு இயந்திரம் உருவாக்கப்பட்டது.  நீரைக் கொதிக்க வைத்து, அதிலிருந்து திமிறி எழும் நீராவியை ஒரு குழாயில் செலுத்தி ஒரு முள் சக்கரத்தின் முள்ளில் செலுத்தினால், நீராவியின் உந்து சக்தியால் முள் சக்கரம் சுழலும்.

டெனிஸ் பாபின் என்ற ப்ரெஞ்ச் அறிஞர், ‘STEAM DIGESTER' என்ற பெயரில் ப்ரஷர் குக்கர் போன்ற ஒன்றை வரைந்து நிறுவினார். அது நல்ல நம்பிக்கையைத் தரவே, தானியங்கி நீராவி இயந்திரத்தை நோக்கிய ஆய்வுகளைத் தொடர்ந்தார்.  அதே காலகட்டத்தில் லண்டனில்  ‘தாமஸ் சாவரி' பாபினின் கான்செப்ட்போலவே ஒரு வடிவத்தை ஆய்ந்து கொண்டிருந்தார்.

1712-ல் தாமஸ் நியூகாமென் ஒரு இன்ஜின் மாதிரியை (PROTOTYPE) வடிவமைக்கும் வரை ஆராய்ச்சிகள் ஏட்டுக்கறியாகவே இருந்தன. அதன் பிறகு ‘ஜேம்ஸ்வாட்’ பிறந்து வந்த பிறகுதான் நீராவி இன்ஜின் முழு வடிவம் பெற்றது.

ஆக, எல்லாப் பொருட்களும் முதல் முயற்சியிலேயே அதன் இறுதி வடிவத்தைப் பெற்று விடுவதில்லை. நீராவி இன்ஜினைப்போல ஒரு சில இயந்திரங்கள் இறுதி வடிவத்தைப் பெற பலர் அறிஞர்களின் உழைப்பும் பல நூற்றாண்டுகளும் பிடிக்கும்.  

- வடிவமைப்போம்

 க.சத்தியசீலன் 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism