Published:Updated:

க்ளைமேக்ஸை நெருங்கும் மோட்டோ ஜீபி!

க்ளைமேக்ஸை நெருங்கும் மோட்டோ ஜீபி!

 ##~##

ன்னும் மூன்று சுற்றுகளே மீதம் இருக்கின்றன. இந்த ஆண்டின் மோட்டோ ஜீபி சாம்பியன் யார் என்பதில் யமஹாவுக்கும், ஹோண்டாவுக்கும் கடுமையான போட்டி. யமஹாவின் ஜார்ஜ் லாரன்சோ 310 புள்ளிகளுடன் முதல் இடத்திலும், ஹோண்டாவின் டேனி பெட்ரோஸா 282 புள்ளிகளுடன் இரண்டாம் இடத்திலும் இருக்கின்றனர். வெற்றி பெறப் போவது யார் என்பது இன்னும் சில வாரங்களில் தெரிந்துவிடும்! 

ஸ்பெயின்

மோட்டோ ஜீபி பைக் ரேஸ் பந்தயத்தின் 14-வது சுற்று, ஸ்பெயினில் உள்ள அரகான் மைதானத்தில், செப்டம்பர் 30-ம் தேதி நடைபெற்றது. யமஹாவின் லாரன்சோ முதல் இடத்தில் இருந்தும், ஹோண்டாவின் டேனி பெட்ரோஸா இரண்டாம் இடத்தில் இருந்தும் ரேஸைத் துவக்கத் தகுதி பெற்றனர். இருவருமே ஸ்பெயின் நாட்டு வீரர்கள் என்பதால், ரசிகர்கள் பெருமளவில் குவிந்திருந்தனர்.

க்ளைமேக்ஸை நெருங்கும் மோட்டோ ஜீபி!

ரேஸ் துவங்கியதுமே யமஹா, ஹோண்டா பைக்குகள் பறக்க... பின் வரிசையில் இருந்த ராஸிக்கும், ஜோனத்தன் ரியாவுக்கும் இடையே மோதல். காயம் அடைந்திருக்கும் நடப்பு சாம்பியன் கேஸி ஸ்டோனருக்குப் பதிலாக, ஹோண்டா அணியில் இடம் பெற்றிருக்கும் ஜோனத்தன் ரியாவை முந்திச் செல்ல முயன்ற வாலன்டினோ ராஸியின் பைக், கட்டுப்பாட்டை இழந்து ரேஸ் டிராக்கை விட்டு மண் தரையில் இறங்கியது. இருப்பினும், திறமையாகச் சமாளித்து மீண்டும் ரேஸ் டிராக்கினுள் நுழைந்தார் ராஸி. இதற்கிடையே டுகாட்டியின் மற்றொரு வீரர் நிக்கி ஹேடனின் பைக் கட்டுப்பாட்டை இழந்து ரேஸ் டிராக்கின் ஓரத்தில் இருந்த விளம்பரப் பலகையில் மோதியது. இதனால், ரேஸில் இருந்து வெளியேறினார் ஹேடன். 10-வது லேப்பின்போது முதல் இடத்துக்கு முன்னேறிய டேனி பெட்ரோஸாவை, லாரன்சோவால் வீழ்த்த முடியவில்லை. 6 விநாடிகள் வித்தியாசத்தில் பெட்ரோஸா முதல் இடம் பிடித்து வெற்றி பெற்றார். கடந்த நான்கு ரேஸ்களில் பெட்ரோஸா பெற்றிருக்கும் மூன்றாவது வெற்றி இது. மான்ஸ்டர் யமஹாவின் ஆன்ட்ரி டொவியிஸோஸோ மூன்றாவது இடம் பிடித்தார்.

க்ளைமேக்ஸை நெருங்கும் மோட்டோ ஜீபி!

ஜப்பான்

ஜப்பானில் உள்ள மோட்டிகி ரேஸ் டிராக்கில், மோட்டோ ஜீபியின் 15-வது சுற்று கடந்த அக்டோபர் 14-ம் தேதி நடைபெற்றது. காயம் காரணமாக ரேஸில் இருந்து விலகி இருந்த நடப்பு சாம்பியன் கேஸி ஸ்டோனர், ஜப்பான் ரேஸில் மீண்டும் களம் இறங்கினார். யமஹாவின் ஜார்ஜ் லாரன்சோ முதல் இடத்தில் இருந்தும், டேனி பெட்ரோஸா இரண்டாம் இடத்தில் இருந்தும், கால் க்ரட்ச்லோ மூன்றாம் இடத்தில் இருந்தும் ரேஸைத் துவக்க தகுதி பெற்றனர். கேஸி ஸ்டோனர் ஏழாவது இடத்தில் இருந்தும், வாலன்டினோ ராஸி ஒன்பதாவது இடத்தில் இருந்தும் ரேஸைத் துவக்கினர்.

க்ளைமேக்ஸை நெருங்கும் மோட்டோ ஜீபி!
க்ளைமேக்ஸை நெருங்கும் மோட்டோ ஜீபி!

ரேஸின் துவக்கத்திலேயே லாரன்ஸோவைப் பின்னுக்குத் தள்ளிவிட கடுமையாக முயன்றார் பெட்ரோஸா. இருப்பினும், லாரன்சோவை முந்த முடியவில்லை. ஒவ்வொரு வளைவிலும் இரண்டு பைக்குகளும் முட்டிக்கொள்ளும் அளவுக்கு நெருங்கிவர... ரசிகர்கள் மத்தியில் செம பரபரப்பு! இதற்கிடையே 12-வது லேப்பின்போது லாரன்சோவைப் பின்னுக்குத் தள்ளினார் பெட்ரோஸா. அதன் பிறகு, லாரன்சோவால் பெட்ரோஸாவை முந்த முடியவில்லை. 24 லேப்புகளின் முடிவில் 4 விநாடிகள் வித்தியாசத்தில் வெற்றி பெற்றார் பெட்ரோஸா. லாரன்சோ இரண்டாவது இடமும், சான் கார்லோ அணியின் ஆல்வரோ பட்டிஸ்டுடா மூன்றாவது இடமும் பிடித்தனர். காயத்துக்குப் பின் களம் இறங்கிய நடப்பு சாம்பியன் ஸ்டோனர், ஐந்தாவது இடம் பிடித்தார். வாலன்டினோ ராஸிக்கு ஏழாவது இடம் கிடைத்தது.

க்ளைமேக்ஸை நெருங்கும் மோட்டோ ஜீபி!

பெட்ரோஸாவா, லாரன்சோவா - கோப்பை யாருக்கு? என் கிற சஸ்பென்ஸ் உடைய இன்னும் சில வாரங்களே இருக்கின்றன!

இந்த இதழ் உங்கள் கைகளில் கிடைக்கும் முன், மோட்டோ ஜீபியின் அடுத்த சுற்று மலேசியாவில் அக்டோபர் 21-ம் தேதி நடந்து முடிந்திருக்கும்.

- சார்லஸ்