Published:Updated:

`ராயல் என்ஃபீல்டு பைக் வாங்கப் போறீங்களா?' - அதிரடி ஆஃபரை வெளியிட்ட ஐஷர் குழுமம்

ராயல் என்ஃபீல்டு
ராயல் என்ஃபீல்டு ( Autocar India )

மார்ச் மாதத்தில் பைக்கை புக்செய்து அல்லது பணம் கட்டியிருந்தால்கூட, இந்த ஆஃபர் அவர்களுக்குக் கிடைக்கும். இந்த Reward திட்டத்தில், Extended வாரன்ட்டி கட்டாயமாக வழங்கப்படுகிறது.

மே 31, 2020 வரையிலான காலகட்டத்தில் புக் செய்யப்படும் டூ-வீலர்களுக்கு, 10,000 ரூபாய் மதிப்பிலான ஸ்பெஷல் ஆஃபரை வழங்கியிருக்கிறது ராயல் என்ஃபீல்டு. நீட்டிக்கப்பட்ட வாரன்ட்டி - ஆக்ஸசரீஸ் - Apparel ஆகியவற்றை இதில் பெற்றுக்கொள்ளலாம்.

ஆனால், ஒரு கண்டிஷன்...

நீங்கள் புக் செய்த பைக்கின் ஆன்-ரோடு விலையை முழுவதுமாக மே 31, 2020-க்குள்ளாகச் செலுத்திவிட வேண்டும். எனவே, இந்தத் தேதிக்குள் உங்களின் பைக் டெலிவரி ஆனாலும் ஆகாவிட்டாலும் பரவாயில்லை. மேலும், மார்ச் மாதத்தில் பைக்கை புக்செய்து அல்லது பணம் கட்டியிருந்தால் கூட, இந்த ஆஃபர் அவர்களுக்குக் கிடைக்கும் என்பது செம.

RE Online Configurator
RE Online Configurator
Autocar India

இந்த Reward திட்டத்தில், Extended வாரன்ட்டி கட்டாயமாக வழங்கப்படுகிறது. எனவே, இன்டர்செப்டர் 650 பைக்கின் Ride Sure - Basic Plus பேக்கேஜின் விலை 5,500 ரூபாய் என்பதை வைத்துப் பார்த்தால், மீதமிருக்கும் 4,500 ரூபாய்க்கு மட்டுமே ஆக்ஸசரீஸ் அல்லது Official Merchandise வாங்கலாம். ஒருவேளை இந்த லிமிட்டைத் தாண்டிவிட்டால், பின்னர் வாங்கக்கூடிய பொருள்களுக்கு 20% தள்ளுபடி கிடைப்பது பெரிய ப்ளஸ். நீங்கள் பைக்கை புக் செய்திருக்கும் டீலரிடம் இருக்கக்கூடிய ஸ்டாக்கில் மட்டுமே நீங்கள் தேர்ந்தெடுக்க முடியும் என்பது மட்டுமே நெருடல்.

புதிய ராயல் என்ஃபீல்டு கிளாஸிக்கில் அனலாக் டிஜிட்டல் மீட்டர்!

ஏனெனில், ராயல் என்ஃபீல்டின் இணையதளத்தில் இருக்கக்கூடிய Online Configurator-ல், பலவிதமான ஆக்ஸசரிகளை முன்பதிவு செய்யமுடியும். தவிர இந்த 10,000 ரூபாய் ஆஃபரை, பைக்கின் ஆன்-ரோடு விலையில் டிஸ்கவுண்டாகவோ கேஷ் ஆகவோ பெறமுடியாது. தற்போது 120-க்கும் அதிகமான ராயல் என்ஃபீல்டு டீலர்கள் இயங்கித் தொடங்கிவிட்ட நிலையில், புதிய வாகன விற்பனையைப் பிரபலப்படுத்தும் நோக்கில் இந்த முயற்சியைச் செய்திருப்பதாகவே தோன்றுகிறது. இவை எந்தளவுக்குப் பலன்தரும் என்பது இனிதான் தெரியும்.

Eicher Group
Eicher Group
Autocar India

கொரோனாவால் அமலில் இருக்கும் ஊரடங்கு உத்தரவு முற்றிலுமாக முடிந்த பிறகு, Meteor 350 பைக்கை (அடுத்த தலைமுறை தண்டர்பேர்டு) ராயல் என்ஃபீல்டு களமிறக்கக்கூடும். மற்றபடி நடப்பு நிதியாண்டில், 1.5-2 லட்ச ரூபாய் (க்ளாஸிக் 350 சீரிஸ் - 3.98 லட்சம் பைக்குகள்) மற்றும் 2-3 லட்ச ரூபாய் (650சிசி மாடல்கள் - 20,188 பைக்குகள்) பைக் செக்மென்ட்டில், முதல் இடத்தை இந்த நிறுவனத்தின் தயாரிப்புகளே பெற்றுள்ளன.

கொரோனா தொடர்பான நிவாரணப் பணிகளுக்காக, 50 கோடி ரூபாயை ஐஷர் குழுமம் வழங்கியது தெரிந்ததே. RE-யின் தயாரிப்புகளின் மீதான வாரன்ட்டி மற்றும் சர்வீஸ் சேவைகள், 2 மாதம் நீட்டிக்கப்பட்டுவிட்டது.

அடுத்த கட்டுரைக்கு