விநாயகர் சதுர்த்தி பிரசாதங்கள்

பாலாடைக் கொழுக்கட்டை

தேவையானவை:
 சிறிய சைஸ் பாலாடை
- அரை கப்
 பெருங்காயம் - ஒரு சிட்டிகை
 கேரட் துருவல் - 4 டேபிள்ஸ்பூன்
 பச்சைப் பட்டாணி
- 2 டேபிள்ஸ்பூன்
 உப்பு - தேவையான அளவு
 அரிசி மாவு - ஒரு கப்
 தேங்காய்த் துருவல்
  - 2 டேபிள்ஸ்பூன்
 நல்லெண்ணெய், தேங்காயெண்ணெய்
- தலா ஒரு டேபிள்ஸ்பூன்
 கடுகு - ஒரு டீஸ்பூன்
 காய்ந்த மிளகாய் - 2
 கறிவேப்பிலை - ஒரு கொத்து
 நறுக்கிய கொத்தமல்லித்தழை
- 2 டேபிள்ஸ்பூன்
 பொட்டுக்கடலை
- ஒரு டேபிள்ஸ்பூன்

செய்முறை:
பாலாடையை ஒரு கப் நீர் விட்டு, உப்பு சேர்த்து அரை வேக்காடாக வேக விடவும். பிறகு, பட்டாணியையும் சேர்க்கவும். இரண்டும் சேர்ந்து வெந்ததும் வாணலியில் ஒரு டேபிள்ஸ்பூன் தேங்காயெண்ணெய் விட்டு, கடுகு, காய்ந்த மிளகாய், பெருங்காயம், கேரட் துருவல், தேங்காய்த்துருவல், கறிவேப்பிலை சேர்த்து வதக்கி, இதில் சேர்க்கவும். எல்லாமாகச் சேர்ந்து வந்ததும், ஒரு டேபிள்ஸ்பூன் பொட்டுக்கடலை மாவு தூவி கலந்து விட்டு, கொத்தமல்லித்தழை தூவி இறக்கவும். இதுதான் பூரணம். ஆறியதும் சிறிய அளவு உருண்டைகளாக உருட்டி வைக்கவும்.
கனமான அடிப்பகுதியுள்ள ஒரு பாத்திரத்தில் 2 கப் நீர் விட்டு உப்பு, நல்லெண்ணெய் சேர்க்கவும். நீர் கொதித்ததும் அரிசி மாவைச் சேர்க்கவும். மாவு வெந்ததும் இறக்கி, கை பொறுக்கும் சூடு வந்ததும், மாவை உருட்டி சொப்பு செய்து உள்ளே பூரண உருண்டையை வைத்து மூடி, இட்லித் தட்டில் வைத்து 8 நிமிடம் சிம்மில் வேகவைத்து எடுக்கவும். வித்தியாசமான சுவையில் பாலாடைக் கொழுக்கட்டை தயார்.

குறிப்பு:
பாலாடை சூப்பர் மார்க்கெட்டுகளில் கிடைக்கும்.
இந்த கொழுக்கட்டை கேரளாவில் பிரசித்திபெற்றது.

சாபுதானா வடை

தேவையானவை:
 ஜவ்வரிசி - அரை கப்
 உருளைக்கிழங்கு, பச்சைமிளகாய் - 2
 மெல்லியதாக நறுக்கிய இஞ்சி
- ஒரு டீஸ்பூன்
 வேர்க்கடலை - கால் கப்
 சர்க்கரை -
 நறுக்கிய கொத்தமல்லித்தழை
- ஒரு டேபிள்ஸ்பூன்
 அரிசி மாவு - 2 டேபிள்ஸ்பூன்
 உப்பு - தேவையான அளவு
 எண்ணெய் - பொரிப்பதற்கு தேவையான அளவு

செய்முறை:
முதலில் ஜவ்வரிசியை தேவையான அளவு நீர் விட்டு 5 மணி நேரம் ஊற வைக்கவும். உருளைக்கிழங்கை உப்பு சேர்த்து வேக விடவும். ஜவ்வரிசி ஊறியதும் கைகளால் மசித்து, வெந்த உருளைக்கிழங்கையும் சேர்த்து மசிக்கவும், வேர்க்கடலையை ஒன்றிரண்டாகப் பொடித்து, பச்சைமிளகாயை நறுக்கி இஞ்சி, கொத்தமல்லித்தழை, சர்க்கரை, அரிசி மாவு, சேர்த்து எல்லாவற்றையும் நன்றாகக் கலந்து எண்ணெயைக் காய வைத்து காய்ந்ததும், கலந்த மாவை வடைகளாகத் தட்டிப் போட்டு (சிம்மில் வைத்து) ஒரு புறம் வெந்ததும் திருப்பிப் போட்டு, பொன்னிறமானதும் எடுக்கவும். பொரித்த வடைகளை வடிதட்டில் போட்டு எண்ணெயை வடிய விடவும்.

லட்டு

தேவையானவை:
 கடலை மாவு - 2 கப்
 சர்க்கரை - 3 கப்
 லெமன் ஃபுட்கலர் - கால் டீஸ்பூன்
 ஏலக்காய்பொடி - அரை டீஸ்பூன்
 நெய் - 6 ஸ்பூன்
 எண்ணெய் - பொரிப்பதற்கு தேவையான அளவு
 உடைத்த முந்திரிப் பருப்பு
- 3 டேபிள்ஸ்பூன்

செய்முறை:
வாணலியில் எண்ணெயைக் காய வைக்கவும். கடலை மாவை நீர் விட்டு இட்லி மாவு பதத்்துக்குக் கரைத்து, பூந்திக் கரண்டியில் ஊற்றி, காய்ந்து கொண்டிருக்கும் எண்ணெயில் தேய்க்கவும். ஒரு புறம் வெந்ததும் திருப்பிப் போட்டு, வெந்த பூந்திகளை வடிசட்டியில் போடவும். எண்ணெய் நன்றாக வடிந்து விடும். கனமான அடிப்பகுதியுள்ள ஒரு பாத்திரத்தில் சர்க்கரையைப் போட்டு மூழ்கும் வரை, நீர் ஊற்றி ஃபுட் கலர் சேர்த்து பாகு தயாரிக்கவும். ஏலக்காய்ப்பொடி சேர்க்கவும். பாகு கொதிக்கும்போது இடையிடையே நெய் விடவும். பாகு கொதி வந்ததும் இறக்கி மீதியுள்ள நெய்யில் முந்திரியை வறுத்துச் சேர்க்கவும். பூந்தியைச் சேர்த்து நன்றாகக் கலந்து லட்டாகப் பிடிக்கவும். இதை விநாயகர் சதூர்த்தியில் அவருக்குப் படைப்போம்.

கரஞ்சி

தேவையானவை:
மேல் மாவுக்கு:
 மைதா மாவு - ஒரு கப்
 உப்பு - சிறிதளவு
 பால் - 5 டேபிள்ஸ்பூன்

பூரணத்துக்கு:
 துருவிய தேங்காய் - ஒரு கப்
 நெய் - 4 டீஸ்பூன்
 பொடித்த சர்க்கரை - கால் கப்
 ஏலக்காய்த்தூள், ஜாதிக்காய்த்தூள் - ஒரு சிட்டிகை
 வறுத்த எள் - 2 டேபிள்ஸ்பூன்
 பாதாம், முந்திரி, உலர்ந்த திராட்சை
- தலா 10
 எண்ணெய் - பொரிப்பதற்கு தேவையான அளவு

செய்முறை:
மைதா மாவை உப்பு, பால், தண்ணீர் சேர்த்துப் பிசைந்து (சப்பாத்தி மாவு பதம்) அரை மணி நேரம் ஊற விடவும். மேலே ஒரு வெள்ளைத் துணியால் மூடவும். வாணலியில் நெய் விட்டு தேங்காய்த் துருவலைப் பொன்னிறமாக வறுத்து தனியே எடுத்து வைக்கவும். பாதாம், முந்திரிப்பருப்பு இவற்றை கொரகொரப்பாகப் பொடிக்கவும். வறுத்த தேங்காய், பொடித்த முந்திரி, பாதாம், சர்க்கரைத்தூள், ஏலக்காய்த்தூள், உலர்ந்ததிராட்சை, ஜாதிக்காய்த்தூள் எள் இவற்றை ஒன்றாகக் கலக்கினால் பூரணம் தயார். பிசைந்து வைத்த மேல் மாவை சிறிய சிறிய உருண்டைகளாக எடுத்துத்தட்டி, மெல்லிய பூரிகளாக இட்டு ஒரு புறத்தில், ஒரு டேபிள்ஸ்பூன் பூரணத்தை வைத்து பூரியின் விளிம்புக்கு முன்பே மூடி விடவும். மீதி பகுதியை கைகளால் மொத்தமாக முறுக்கி விடவும். நன்றாக அழுத்தி விடவும். எண்ணெயைக் காய வைத்து இரண்டு இரண்டாகப் போட்டுப் பொரித்து எடுக்கவும். இது 10 தினங்கள் வரை கெடாது.

சிவ்டா

தேவையானவை:
 வெள்ளை அவல் - 200 கிராம்
 வேர்க்கடலை - 25 கிராம்
 முந்திரிப்பருப்பு - 10 கிராம்
 பொட்டுக்கடலை - 50 கிராம்
 பல்பல்லாகக் கீறிய தேங்காய்
- 6 டேபிள்ஸ்பூன்
 திராட்சை - ஒரு டேபிள்ஸ்பூன்
 நறுக்கிய பச்சைமிளகாய்
- 2 டேபிள்ஸ்பூன்
 உப்பு - தேவையான அளவு
 கடுகு, சீரகம் - கால் டீஸ்பூன்
 எண்ணெய் - 2 டேபிள்ஸ்பூன்
 மஞ்சள்தூள் - கால் டீஸ்பூன்
 மல்லித்தூள் (தனியாத்தூள்)
- அரை டீஸ்பூன்
 கறிவேப்பிலை - ஒரு கொத்து

செய்முறை:
கனமான அடிப்பகுதியுள்ள வாணலியில் ஒரு ஸ்பூன் எண்ணெய் விட்டு அவலை, கொஞ்சம் கொஞ்சமாக வறுத்துத் தனியே எடுத்து வைக்கவும். மீதியுள்ள எண்ணெயையும் ஊற்றி, கடுகு, சீரகம், கறிவேப்பிலை, பச்சைமிளகாய் என ஒவ்வொன்றாகப் போட்டுத் தாளித்து பிறகு வேர்க்கடலை, முந்திரி, பொட்டுக்கடலை தேங்காய் என ஒவ்வொன்றாகப் போட்டு வறுத்து உப்பு சேர்த்து மஞ்சள்தூள், மல்லித்தூள் (தனியாத்தூள்) சேர்த்து இறுதியில், வறுத்த அவலையையும் சேர்த்துக் கலந்து இறக்கி, உலர் திராட்சையையும் கலந்து விடவும். இதுவே அவல் சிவ்டா.

மூங் தால் கிச்சடி

தேவையானவை:
 பச்சரிசி - ஒரு கப்
 பயத்தம் பருப்பு - அரை கப்
 உப்பு - தேவையான அளவு
 மஞ்சள்தூள் - அரை டீஸ்பூன்
 காய்கறிகள் - ஒரு கப், (கேரட், உருளைக்கிழங்கு, பீன்ஸ் எல்லாம் சேர்ந்தது) (மீடியம் சைஸில் நறுக்கவும்)
 மிளகாய்த்தூள் - ஒரு டேபிள்ஸ்பூன்

தாளிக்க:
 நெய் - ஒரு டேபிள்ஸ்பூன்
 பச்சைமிளகாய் - 2
(பொடியாக நறுக்கவும்)
 தக்காளி - ஒன்று
(பொடியாக நறுக்கவும்)
 சீரகம் - அரை டீஸ்பூன்
 மெல்லியதாக நறுக்கிய இஞ்சி
- ஒரு டீஸ்பூன்
 கறிவேப்பிலை - ஒரு கொத்து

தூவி இறக்க:
 நறுக்கிய கொத்தமல்லித்தழை
- 2 டேபிள்ஸ்பூன

செய்முறை:
ஒரு பாத்திரத்தில் அரிசி, பருப்பு, காய்கறிகள், உப்பு, மஞ்சள்தூள், மிளகாய்த்தூள் சேர்த்து 3 கப் நீர் விட்டு, வேகவிட்டு எடுத்துக் கொள்ளவும். வாணலியில் நெய் விட்டு தாளிக்க வேண்டியதைச் சேர்த்துத் தாளித்து வதக்கவும். இவற்றை வெந்த சாதம், பருப்புக் கலவையில் சேர்த்து ஒரு முறைக் கிளறி இறக்கி, கொத்தமல்லித்தழை தூவி அலங்கரிக்கவும்.

பருப்புப் பாயசம்

தேவையானவை:
 பயத்தம் பருப்பு - ஒரு கப்
 கடலைப்பருப்பு - கால் கப்
 வெல்லம் - 2 கப்
 துருவிய தேங்காய் - கால் கப்
 ஏலக்காய்ப்பொடி - ஒரு சிட்டிகை
 நெய் முந்திரித்துண்டுகள்
- 2 டேபிள்ஸ்பூன்

செய்முறை:
கடலைப்பருப்பு, பயத்தம் பருப்பு இரண்டையும் வெறும் வாணலியில் லேசாக வறுத்து தண்ணீர் சேர்த்து (அதிகம் குழையாமல்) வேக விடவும். வெந்ததும் வெல்லத்தைச் சேர்த்து கொதிக்க விடவும். ஏலக்காய்ப்பொடி சேர்க்கவும். வாணலியில், நெய் விட்டு துருவிய தேங்காய், முந்திரிப்பருப்பு சேர்த்து வறுத்து, பாயசத்தில் கொட்டி இறக்கவும்.
குறிப்பு: மெல்லியதாக நீளவாக்கில் நறுக்கிய பாதாம்பருப்பு, முந்திரிப்பருப்பு, தேங்காய், பிஸ்தா இவற்றை வறுத்துச் சேர்த்தால் ரிச்சான பருப்புப் பாயசம் தயார்.

- எஸ்.ராஜகுமாரி, படங்கள்:  எம்.உசேன்

Do you like the story?

Please Appreciate the Author by clapping!

Editor’s Pick