காத்திருத்தல், காதலில் மட்டுமல்ல... வேறு சில தருணங்களிலும் சுகம்தான்!

கோவை அலங்கார் விலாஸ்

`ஆக்கப்பொறுத்தவனுக்கு ஆறப்பொறுக்கலையா?’ என்ற பழமொழிக்கேற்ப நல்ல உணவுக்காகக் காத்திருக்கலாம், தவறில்லை. கையேந்தி பவனில் தொடங்கி நட்சத்திர ஹோட்டல் வரை இன்று எல்லா உணவகங்களிலும் சில நிமிடக் காத்திருப்புக்குப் பிறகே உணவு கிடைக்கும்.

அப்படிக் கிடைக்கும் உணவு, காத்திருப்பை நியாயப்படுத்துமா என்றால் சந்தேகம்தான். சென்னை அண்ணாநகர் மற்றும் பெரியமேட்டில் திறக்கப்பட்டுள்ள `கோவை அலங்கார் விலாஸ்’ ஹோட்டல்களின் உணவுகள், `இன்னும் கொஞ்ச நேரம் இருந்தால்தான் என்ன..?’ என்று நம்மை பாடவைக்கும் அளவுக்கு அறுசுவையைத் தாண்டி அசத்துகின்றன.

பெயருக்கேற்றபடி கொங்கு நாட்டு உணவுகள் இங்கே ஸ்பெஷல். இந்த உணவுகள், பல ஹோட்டல்களிலும் கிடைக்கின்றன. `உணவுத் திருவிழா’ என்ற பெயரில் அடிக்கடி கொங்கு ஸ்பெஷல் உணவுகள் இடம்பெறுவதுமுண்டு. ஆனால், அவை அசல் கொங்கு நாட்டுச் சுவையில்தான் உள்ளனவா என்பது விவாதத்துக்குரிய விஷயம்.

கோவை அலங்கார் விலாஸில் அந்த ஏமாற்றமும் தவிர்க்கப்படுகிறது. ஆடம்பரமற்ற இன்டீரியர், அளவான இருக்கைகள், எளிமையான சூழ்நிலை, ஏராளமான உணவுகள், கனிவான சேவை, பணிவான உரையாடல் என ஒவ்வொருவரையும் ரசனையுடன் ருசிக்க அழைக்கிறது கோவை அலங்கார் விலாஸ் உணவகம். கோழி ரசம் மற்றும் ஆட்டுக்கால் சூப் இரண்டில் ஏதேனும் ஒன்றுடன் உணவைத் தொடங்கலாம்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்