மாப்பிள்ளையை மயக்கும் மல்லி மட்டன்! - சுவை மணம் நிறம் | Thennagam hotel in Nungambakkam - Aval Vikatan KItchen | அவள் கிச்சன்

வெளியிடப்பட்ட நேரம்: 06:00 (01/05/2019)

மாப்பிள்ளையை மயக்கும் மல்லி மட்டன்! - சுவை மணம் நிறம்

செட்டிநாடு, கொங்கு, நாஞ்சில், நடுநாடு, தொண்டை மண்டலம், பாண்டிநாடு எனத் தமிழகத்தில் ஒவ்வொரு வட்டாரத்துக்கும் ஒவ்வோர் உணவுப் பாரம்பர்யம் உண்டு. அந்தந்த வட்டாரங்களில் விளையும் உணவுப்பொருள்கள், தட்பவெப்பம், மசாலாவைப் பொறுத்து ஒவ்வொரு வட்டாரத்தின் உணவும் தனித்தன்மை பெறும். 

தென்னிந்தியாவில் அசைவத்துக்குப் புகழ்பெற்ற பகுதி செட்டிநாடு. ஆடு, கோழி இறைச்சிகளில் தொடங்கி கடலுணவுகள் வரை செட்டிநாட்டு ஆச்சிமார்கள் கைவண்ணத்துக்கு இணையே இல்லை. மல்லித்தழை, கறிவேப்பிலை, முந்திரி, தேங்காய், பட்டை, கசகசாவென  மருத்துவக் குணமும் சத்தும் நிறைந்த பொருள்கள் இவர்களின் சமையலில் மிகுந்திருக்கும். சுவை, நிறம், வாசனை என எல்லாவற்றுக்கும் தனித்தனியாக மெனக்கெடுவார்கள். அசலான செட்டிநாட்டு அசைவ விருந்து சாப்பிட வாய்த்தால், காலம் முழுவதும் அது நாவை விட்டு நீங்காது.

‘மல்லி மட்டன்’ என்பது செட்டி நாட்டின் ஓர் அசைவக் கறி. திருமண மான மகள், மாப்பிள்ளையை அழைத்துக் கொண்டு விருந்துக்கு வரும்போது மணக்க மணக்க இந்த தொடுகறியை செய்து மாப்பிள்ளையை மயங்கச் செய்து விடுவார்கள். பச்சை நிறத்தில் கமகமக்கும் வாசனை கொண்ட இந்தத் தொடுகறியை, செட்டிநாட்டு உணவகங்கள் என்று போர்டு தொங்கவிட்டுக்கொண்டிருக்கும் எந்த உணவகத்திலும் சாப்பிட வாய்க்கவில்லை.

நீங்க எப்படி பீல் பண்றீங்க