தாத்தா தோட்டத்து திருமணம்! - அசத்திய இன்ஜினீயரிங் ஜோடி

பாரம்பர்யம்

போஸ்டர்கள், பிளெக்ஸ் பேனர்கள் கட்டி பிரமாண்டமான மண்டபங்களிலும், ஸ்டார் ஹோட்டல்களிலும் திருமணங்கள் நடக்கும் இன்றைய காலத்தில், அமெரிக்காவைச் சேர்ந்த இன்ஜினீயர் தனது சொந்த ஊரான விருதுநகரில், அதுவும் தங்களது தோட்டத்தில்... கலாசாரம் மாறாமல் பாரம்பர்யமாகவும், வித்தியாசமாகவும் தனது திருமணத்தை நடத்தியிருக்கிறார்.

விருதுநகர் அழகாபுரி ரோட்டில் உள்ள சந்திரகிரிபுரம் கிராமத்தில் இருக்கும் ‘தாத்தா தோட்டத்தில்’தான் இந்த திருமணம் நடந்தது. சந்திரகிரிபுரத்தில் இருந்து தாத்தா தோட்டத்துக்கு செல்லும் வழியில் சணல் துணிகளில் எழுதி தொங்கவிடப்பட்டிருந்த வரிகள் வழிகாட்டியாக இருந்ததோடு கொஞ்சம் வித்தியாசமாகவும் இருந்தன. தோட்டத்துக்குள் நுழைந்தவர்களை, நவதானிய விதைகளால் வரவேற்பு கோலமும், அதைச் சுற்றி வைக்கப்பட்டிருந்த மண்ணாலான அகல் விளக்கு ஒளியும் பிரகாசமாக வரவேற்றன.

திருமணத்துக்கு வந்திருந்த சிறுவர்கள் பம்பரமும், கோலிக்குண்டும் விளையாடிக்கொண்டிருந்தனர். சிறுமிகள் சொப்பு சாமான்கள் வைத்து விளையாட, பெண்கள் பல்லாங்குழி ஆடிக்கொண்டிருந்தனர். `கல்யாண வீடா... விளையாட்டு மைதானமா?’ என்று வியக்குமளவு, இன்றைய தலைமுறையினர் மறந்துபோன சிலம்பம் உள்ளிட்ட பல விளையாட்டுகளை உற்சாகமாக விளையாடிக்கொண்டிருந்தனர்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்