சங்கடம் தீர்க்கும் சந்நிதிகள்..!

இத்தொடரின் மற்ற பாகங்கள்:
பேச்சுத் திறன், கல்விச் செல்வம்... வாரிவழங்கும் தருமபுரீஸ்வரர்!

மிழகத்தில் சைவமும் தமிழும் விளக்கமுற அரும்பணியாற்றிய எண்ணற்ற ஆதீனங்களும் மடங்களும் உள்ளன. அத்தகைய ஆதீனங்களுள் ஒன்று... மயிலாடுதுறைக்கு அருகில் தருமபுரம் என்னும் தலத்தில் அமைந்திருக்கும் தருமபுர ஆதீனம். இங்கே மிகவும் புராதனமான அபயாம்பிகை சமேத தருமபுரீஸ்வரர் கோயில் அமைந்திருக்கிறது. இந்தத் தலத்தில்தான் குருஞானசம்பந்தர் ஆதீனம் கண்டார்.

தருமபுர ஆதீன வளாகத்துக்குள் அமைந்திருக்கும் தருமபுரீஸ்வரர் ஆலயம் அகத்தியரால் ஏற்படுத்தப்பட்டு, அவருடைய வழிவந்த முனிவர்களால் வழிபடப் பெற்ற கோயிலாகும். ஆதியில் வில்வ விருட்சங்கள் நிறைந்திருந்ததால், வில்வாரண்யம் என்ற பெயரில் விளங்கிய இந்தத் தலத்தில் உள்ள இறைவனை யமதர்மன் வழிபட்டதால், அவன் பெயரிலேயே தருமபுரம் என்று அழைக்கப்படுகிறது. யமன் வழிபட்டதாகச் சொல்லப்படும் திருத்தலங்களில் தருமபுரமும் ஒன்று.

ஆலயத்தில் இறைவன் தருமபுரீஸ்வரர் என்னும் திருப்பெயர் கொண்டு அற்புத தரிசனம் தருகிறார். அம்பிகை, யமனுக்கு அபயம் அருளியதால் அபயாம்பிகை என்னும் திருப்பெயர் கொண்டு பக்தர்களுக்கு அருள்பொழிகிறாள். இங்குள்ள இறைவனை வழிபட்டால், யமபயம் இருக்காது என்பது பக்தர்களின் நம்பிக்கை. மேலும் ஏழரைச் சனி, அஷ்டமத்து சனி, சனிதசை நடப்பவர்கள் சனிக்கிழமைகளில் இங்கு வந்து வழிபட... சனியினால் ஏற்படும் பாதிப்புகள் குறையும், பேசும் திறனும், கல்வியில் மேன்மையும் கிடைக்கும் என்றும் பக்தர்கள் நம்பிக்கையுடன் சொல்கிறார்கள்.

திருக்கடவூரில் தான் செய்த தவற்றுக்குப் பிராயச்சித்தம் செய்வதற்காக ஈசனை யமதர்மன் பூஜித்த தலம், தருமபுரம்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்