என் டைரி - 381

இத்தொடரின் மற்ற பாகங்கள்:
விலகும் மகள்... உருகும் உள்ளம்!

ரு பெண்ணுக்கு வாழ்வில் வரக்கூடாத கொடுமைகளை நான் அனுபவித்துக்கொண்டிருக்கிறேன். 53 வயதான நான் இதுநாள் வரையிலும் என் குடிகார கணவரின் கொடுமையால் பட்ட அவதிகள் கொஞ்சநஞ்சமல்ல. என் வேதனைகளை எல்லாம் என் மகன் மற்றும் மகளை வளர்ப்பதில் மறந்திருந்தேன். தாய் வீட்டார் தந்த ஆறுதலான வார்த்தைகள் என்னை மேலும் அமைதிப்படுத்தின.

வயதுக்கு வந்த மகளைப் பார்த்தாவது என் கணவர் என்றாவது குணம் மாறுவார் என்ற நம்பிக்கையில் இருந்தேன். நான் நினைத்த மாதிரியே  இந்த இரண்டு மாதங்களாக என் கணவர் குடியை நிறுத்திவிட்டு என்னை அன்போடு கவனித்துக்கொள்கிறார்.

ஒரு சந்தோஷம் கிடைத்தால் கூடவே ஒரு துக்கமும் ஒட்டிக் கொள்ள வேண்டும் என்பதுதான் என் தலை எழுத்துப் போல..! உடல்நலம் சரியில்லாமல் மருத்துவமனைக்குப் போயிருந்த எனக்கு புற்றுநோய் தாக்கி இருப்பதாக அதிர்ச்சி கொடுத்தார்கள் மருத்துவர்கள். வாழ்வில் கடைசி நிலையில் இருப்பதாக நினைத்தாரோ என்னவோ... குடிப்பதை நிறுத்திவிட்டு என்னை அன்போடு பார்த்துக் கொள்கிறார் கணவர்.

மருந்துகளும் கணவரின் அன்பும் என்னை இந்த நோயில் இருந்து மீட்டெடுக்கும் என்ற நம்பிக்கையில் இருந்த அதே வேளையில், மகளின் மன மாற்றம் என்னை மனதளவில் பாதிக்கச் செய்கிறது. எனக்கு வந்துள்ள இந்த நோயைக்கண்டு மிகவும் பயந்துபோன என் மகள், என்னிடம் நெருங்கி வருவதை தவிர்த்துவிடுகிறாள். குமுறல் தாங்காமல் மகளிடம் அழுதேன். அவள் இப்போது என்னை முற்றிலும் ஒதுக்கிவிட்டு தூரத்து உறவினர் வீட்டில் தங்கி இருக்கிறாள். கணவனும் மகனும் அவள் செய்கையைக் கண்டிக்க முடியாமல் என்னை மட்டுமே தேற்றிக்கொண்டிருக்கிறார்கள்.

நோயின் வலியைவிட மகள் காட்டும் அந்நியம் என்னை கொஞ்சம் கொஞ்சமாய் சாகடிக்கிறது. அவளின் அன்பும் ஆதரவும் கிடைக்க எனக்கு வழி சொல்லுங்கள் தோழிகளே!

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்