‘‘‘பிள்ளையார் என் வழித்துணை!'' - நெகிழ்கிறார் நித்யஸ்ரீ

விநாயகர் கலெக்‌ஷன்

‘‘என் பாட்டி டி.கே.பட்டம்மாள், சிறந்த விநாயகர் பக்தை. வீட்டுல அவங்க ஒரு பெரிய விநாயகர் சிலை வெச்சிருந்தாங்க. வெளியே கிளம்பும்போதெல்லாம், அந்த விநாயகரோட கன்னங்களைப் பிடிச்சு ‘போயிட்டு வர்றேன்’னு சொல்லிட்டுதான் கிளம்பு வாங்க. வீட்டுக்கு வந்ததும் அதை கொஞ்சுற தோட, அந்த சிலைகூட அடிக்கடி பேசிட்டு இருப்பாங்க. அதைப் பார்த்து வளர்ந்த எனக்கும், சின்ன வயசுல இருந்தே விநாயகர் இஷ்ட தெய்வம் ஆகிட்டார்!’’

- ஜீவன் ததும்புகிறது நித்யஸ்ரீ மகாதேவனின் குரலில். பாட்டியைப் போலவே நித்யஸ்ரீயும் சிறந்த விநாயகர் பக்தை. கடந்த எட்டு வருடங்களாக இவர் சேகரித்துவரும் விநாயகர் சிலை கலெக்‌ஷன்கள், அவர் வீடெங்கும் வீற்றிருக்கின்றன.

‘‘1991-ல நான் காலேஜ்ல படிச்சுட்டு இருந்த சமயத்துல, எனக்குக் கிடைச்ச முதல் இசை வாய்ப்பு, ஒரு நிறுவனத்துக்காக நான் பாடிக்கொடுத்த விநாயகர் கீர்த்தனைகள் அடங்கிய சி.டி. அதில் இருந்து ஒவ்வொரு கச்சேரிக்குப் போகும்போதும் வீட்டில் விநாயகருக்கு பூஜை செய்துட்டுதான் கிளம்புவேன். எனக்குத் திருமணமான சமயத்தில் என் மாமியார், அவங்க மாமியார் அவங்களுக்குக் கொடுத்த விநாயகர் சிலையை எனக்குக் கொடுத்தாங்க. அது இன்றும் எங்க பூஜை அறையில் பிரதானமா இருக்கு. 15 வருஷத்துக்கு முன்னாடி, ராஜ கணபதி சிலை அரிதாதான் கிடைக்கும். அதை வாங்கி வழிபடணும்னு நான் நினைச்ச சில தினங்களிலேயே, என் நண்பர் ஒருத்தர் பரிசா அதை எனக்குக் கொடுத்தார். அந்தச் சிலையை பூஜை அறையில் ஒரு சின்ன ஊஞ்சல்ல அமர வெச்சு வழிபட ஆரம்பிச்சேன்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்