அனுபவங்கள் பேசுகின்றன!

இத்தொடரின் மற்ற பாகங்கள்:
ஒவ்வொன்றுக்கும் பரிசு: ரூ. 200 / ராமமூர்த்தி

அசரவைத்த ஆசிரியர்!

எனக்குத் தெரிந்த பெண் ஒருவர் அரசுப் பள்ளியில் மகளை ஆறாம் வகுப்பில் சேர்ந்திருந்தார். மதிய உணவு கொடுப்பதற்காக பள்ளிக்குச் சென்றிருந்தபோது, அம்மாவிடமிருந்து சாப்பாட்டுக் கூடையை அவசரமாக எடுத்துச் சென்று சாப்பிட்டு வந்த மகளிடம் ``சாப்பாடு எடுத்துவர லேட்டானதால பசியா இருந்தியா... அதனாலதான் சாப்பாடு கூடையைப் பிடுங்கிக்கிட்டு ஓடினாயா? என்று கேட்டாராம். அதற்கு, ``இல்லம்மா, எங்க வகுப்புக்கு புதுசா ஒரு டீச்சர் வந்திருக்காங்க, அவங்க மதியம் எங்ககூடத்தான் உட்கார்ந்து சாப்பிடுவாங்க. அதோட எப்படி சாப்பிடணும், எது சத்தான உணவு, எதெல்லாம் சாப்பிடக் கூடாதுன்னு சொல்லுவாங்க. சாப்பிட்டு முடிச்சதும், ஏதாவது விளையாட்டு சொல்லிக் கொடுப்பாங்க’' என்று மகள் கூறினாளாம்.

அரசுப் பள்ளி ஆசிரியர் என்றாலே மாணவர்களிடம் அதிக அக்கறை காட்டாதவர்களாக பல நேரங்களில் சித்திரிக்கப்படுகிறார்கள். இந்நிலையில், அந்த ஆசிரியரின் செயல்பாடு பாராட்டும்படி இருந்தது. `இதுபோன்ற ஆசிரியர்கள் பெருகினால், அரசுப் பள்ளியில் பிள்ளைகளைச் சேர்க்க அதிகமான பெற்றோர்கள் முன்வருவார்கள்’’ என்று தோன்றியது.

- சிவசித்ரா, சிட்லபாக்கம்

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்