நோய் நாடி..! - ‘‘மலச்சிக்கல்... மலைக்க வேண்டாம்!’’

- சரிசெய்துகொள்ள மருத்துவரின் பரிந்துரைகள்...கம்ப்ளீட் மெடிக்கல் கைடு!

‘‘படுத்ததும் உறக்கம், எழுந்ததும் மலம்கழித்தல்.... இதுவே ஆரோக்கிய வாழ்வு. ஆனால், இன்று 90% பேர் மலச்சிக்கலால் அவதிப்படுகிறார்கள். அதை சரிசெய்துகொள்ளக்கூடிய வாழ்க்கைமுறை மாற்றங்கள் மற்றும் சிகிச்சைகள் பற்றிப் பார்ப்போம்’’ என்று அதுபற்றிய மருத்துவ விழிப்பு உணர்வு தகவல்களை விரிவாகப் பகிர்ந்தார், சென்னை, ராஜீவ்காந்தி அரசு பொது மருத்துவமனையின் குடல் மற்றும் இரைப்பை சிறப்பு மருத்துவர் டாக்டர் கே.பிரேம்குமார்.

மலம் வெளியேறும் முறை

உட்கொள்ளும் உணவானது இரைப்பை, முன் சிறுகுடல், சிறுகுடல் என்று பயணப் பட்டு தன்னிடமுள்ள சத்துக்களை எல்லாம் ரத்தத்துக்குக் கொடுத்துவிட்டு, சக்கையாகப் பெருங்குடலுக்குச் செல்லும். அதில் 80% தண்ணீர் இருக்கும். இந்தத் தண்ணீரின் பெரும் பகுதியும் உறிஞ்சப்பட்டு மலத்தை வெளியேற்ற வேண்டியது பெருங்குடலின் வேலை.

இயல்பான கழிவறைப் பழக்கம் எது?

இந்திய வாழ்க்கை முறைப்படி ஒருவர் தினமும் குறைந்தபட்சம் ஒரு தடவை யாவது மலம் கழித்தாக வேண்டும். காலையில் எழுந்தவுடன் மலம் கழித்தே ஆக வேண்டும் என்கிற கட்டாயமில்லை. காலை,  மாலை,  இரவு என்று நேரம் வேறுபடலாம். இதுவே மேற்கத்திய நாடுகளில் ஒருவர் சராசரியாக வாரத்தில் குறைந்தது 4, 5 தடவை மலம் கழித்தாலே போதும். இந்தியர்களுக்கு ஒவ்வொரு முறையும் 200 - 250 கிராம் அளவுக்கு சாதாரணமாக மலம் வெளியேறக் கூடும். அதுவே மேற்கத்திய நாட்டினருக்கு 100 - 200 கிராம் மலம் கழித்தாலே போதும். சிலருக்கு திடீரென ஓரிரு நாள் மலம் வெளியேறாமல் போகலாம். உணவு, வேலை, உடல்நிலை, சூழல் போன்றவை அதற்குக் காரணமாக இருக்கலாம். அச்சப்பட வேண்டியதில்லை.

Do you like the story?

Please Appreciate the Author by clapping!

Editor’s Pick

மாதத்திற்கு 7 பிரீமியம் கட்டுரைகள் படிக்க பதிவு செய்யுங்கள்அனைத்து பிரீமியம் கட்டுரைகளையும் படிக்க சந்தா செய்யுங்கள்