‘டார்க் இஸ் பியூட்டிஃபுல்’ எனக் கொண்டாடுவோம்!

எது அழகு?கு.ஆனந்தராஜ்

“மாநிறம் என்ற காரணத்தி னாலேயே நான் புறக்கணிக்கப்பட்ட சூழல்கள் நிறைய. பல் மருத்துவரான நான், `திறமைதான் வெற்றிக்குத் தேவை’ என்பதை நிரூபிக்க, நிறத்துக்கு முக்கியத் துவம் கொடுக்கும் மாடலிங் துறையிலும் களமிறங்கினேன். ‘மிஸஸ் கோயம்புத்தூர்’ பட்டம் மற்றும் ‘மிஸஸ் இந்தியா எர்த்’ போட்டியில் இரண்டாமிடம் வென்ற தோடு, அதில் மூன்று டைட்டில்களையும் வென்றேன். அடுத்ததா, ‘மிஸஸ் யுனிவர்ஸ்’ போட்டியில் கலந்துக்கவிருக்கேன்...’’

- உற்சாகமும் புன்னகையுமாகப் பேசுகிறார் கோயம்புத்தூரைச் சேர்ந்த காயத்ரி நடராஜன்.

“என் பூர்வீகமான சேலத்தில் பள்ளிப் படிப்பை முடிச்சேன். நாலு வயதில் இருந்து பரதம் கத்துக்கிட்டேன். இருந்தாலும், பள்ளிக் கலை நிகழ்ச்சிகளில் என் நிறம் காரணமாகப் பின்வரிசையில் தான் நிற்கவைக்கப்படுவேன். திறமை இருந்தும், நாடகங்களில் முக்கியக் கதாபாத்திரங்கள் எனக்குக் கிடைக்காமல் போகும். 16 வயதில் பரதநாட்டிய அரங்கேற்றம் செய்தப்போ, எனக்கு ஒரு தன்னம்பிக்கை கிடைச்சது. `பிடிஎஸ்’ மருத்துவப் படிப்பில் சேர்ந்தாலும், தொடர்ந்து நிறைய நடன நிகழ்ச்சிகளில் பல காஸ்ட்யூம்களில் ஆடினேன். ஒரு கட்டத்தில், மாடலிங் துறையில் கவனம் செலுத்த ஆரம்பிச்சேன். ஆனால், ஒரு மாடலிங் நிகழ்ச்சியில் என் நிறத்தைச் சுட்டிக்காட்டி அதில் என்னைப் பங்கேற்கவே அனுமதிக்கலை. ‘இந்த நிறமுள்ள உனக்கெல்லாம் மாடலிங் ஆசையா’னு பலர் கேலி செய்தாங்க. இதுபோன்ற பல சூழல்கள்தான் `கறுப்பு என்பது அழகு, சிவப்பு என்பது திறமை யல்ல’னு நிரூபிக்கும் வைராக்கியத்தை எனக்குள் ஏற்படுத்தின.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்