“செமையா சிரிங்க... லைஃப் நல்லா இருக்கும்!”

ஹீரோயின் புதுசுபொன்.விமலா

“அம்மா கர்ப்பமா இருந்தப்ப ஒருநாள்கூட ரெஸ்ட் எடுத்துக்காம எங்களுக்காக கஷ்டப்பட்டிருக்காங்க. என்னோட தங்கச்சி பிறக்கிற நாள் வரைக்கும்கூட அவங்க பார்லர்ல வேலை பார்த்துட்டுதான் இருந்தாங்க. அந்த அளவுக்கு எனக்கு ரோல்மாடலா இருக்கிற அம்மா பெயரான பினுவைத்தான் என் பெயருக்குப் பின்னாடி என் லைஃப் லாங் சேர்த்துக்கணும்னு ஆசைப்படுகிறேன்’’ - நன்றியோடு பேசுகிறார் நடிகை அர்த்தனா பினு. தெலுங்கு, மலையாளம் என அக்கறைச் சீமைப்படங்களில் நடித்தவர் தமிழில் `தொண்டன்’ திரைப்படத்தின் மூலம் தமிழுக்கு அறிமுகமானவர். மாடலிங், ஆங்கரிங், நடிகை எனப் பட்டாசு தெறிக்கவிடும் அர்த்தனா பினு, தான் கடந்துவந்த பாதையை அலட்டல் இல்லாமல் ஷேர் செய்கிறார்.

 ``நான், அம்மா பினு, தங்கச்சி மீகல், தாத்தா, பாட்டினு அழகான குடும்பம். சின்ன வயசுலேருந்தே எனக்கு சினிமாவுல நடிக்கணும்னு ஆசை. அடிக்கடி அம்மாவோட சாரியை எடுத்துக் கட்டிக்கிட்டு சாந்துப்பொட்டெல்லாம் வெச்சுக்கிட்டு கண்ணாடி முன்னாடி நின்னு நடிச்சுப் பார்த்துப்பேன். `ஐயம் எ ஆக்ட்ரெஸ்... ஐயம் எ ஆக்ட்ரெஸ்’னு மனசு பல தடவை சொல்லிக்கிட்டே இருந்துச்சு. நான் ப்ளஸ் டூ படிச்சுட்டு இருந்தப்ப ஏசியா நெட் டி.வி சேனல்ல ஆங்கரிங் பண்ண முதன்முறையா வாய்ப்பு கிடைச்சது. அந்த நேரம் எனக்குச் சிறகு முளைச்ச மாதிரி இருந்துச்சு’’ - கொஞ்சும் மலையாளம் கலந்த தமிழில் பேசும் அர்த்தனா பினுவுக்குச் சொந்த ஊர் திருவனந்தபுரம். படித்துக்கொண்டிருக்கும் போதே ஆங்கரிங் வாய்ப்பு, விளம்பரங்களில் நடிப்பது என நிற்காமல் ஓடிக்கொண்டிருந்த கதையை அர்த்தனா மூச்சுவிடாமல்  சொல்லும்போது வியக்கிறது நமக்கு.

Do you like the story?

Please Appreciate the Author by clapping!

Editor’s Pick