வாழ்வை மாற்றிய புத்தகம் - 80 வயதானாலும் அவள்தான் ஹீரோயின்!

நாடகக் கலைஞர் ஷைலஜா

“எழுத்தாளர் சிவசங்கரி யின் ‘மூக்கணாங்கயிறு’ சிறுகதைத் தொகுப்பின் ஆங்கில மொழி பெயர்ப்புதான் ‘பீட்ரேயல் அண்டு அதர் ஸ்டோரீஸ்’. சிவசங்கரியின் எழுத்துகளைப் படிப்பது எனக்கு எப்போதுமே ஒரு சுகானுபவமாக இருந்திருக்கிறது. அவர் எழுதிய பயணக்கட்டுரைகளைப் படித்த பிறகு அவர் எழுத்துகளின் மீதான ஈர்ப்பு பலமடங்கு அதிகரித்துவிட்டது. ‘அவன்’, ‘47 நாட்கள்’ படித்து பல வருடங்கள் கழித்துப் படித்த புத்தகம் இது.

சிவசங்கரிக்கு இந்த வருடம் 75 வயது. அதைச் சிறப்பிக்கும் வகையில் ஆங்கில நாடகமாகத் தயாரிக்கிற எண்ணமிருப்பதால், இந்தக் கதைகளை நான் ஆங்கில மொழிபெயர்ப்பிலேயே படித்தேன். அமிதா அக்னி ஹோத்ரியும் கீதா ராதாகிருஷ்ணனும் மொழிபெயர்த் திருக்கிறார்கள். சிவசங்கரியின் கதைகள், 30 வருடங்களுக்கு முன்பு எழுதப்பட்டவையாக இருந்தாலும், சமகாலத்துக்குப் பொருந்துகிற மாதிரி பார்க்க முடியும்.
இந்தத் தொகுப்பின் முதல் கதையான பீட்ரேயல்தான் ‘மூக்கணாங்கயிறு’ கதை. மென்மை யாக இருக்கும் ஒரு பெண், இறுதியில் அவளுக்குத் தெரிந்தவிதத்தில் சாதுர்யமாகப் பழிவாங்குகிறாள் என்பது இந்தக் கதையில் எனக்குப் பிடித்த விஷயம். ஒரே நபருக்குள் இருக்கும் அந்த இருமை இயல்பு என்னை ஈர்த்தது.

ஒரு கதையில் நாயகி, தனக்கு விருப்பமில்லாவிட்டாலும் பெற்றோரின் விருப்பத்துக்காகத் திருமணம் செய்துகொள்வாள். இன்னொரு கதையில் அதன் நாயகன் தனக்கு வரப்போகிற மனைவியை எப்படியெல்லாம் பார்த்துக்கொள்ள வேண்டும் என்கிற  கனவுகளுடன் ஒரு பெண்ணைத் திருமணம் செய்து கொள்வான்.

Do you like the story?

Please Appreciate the Author by clapping!

Editor’s Pick