“தாக்குதல்களால் சோர்ந்துபோக மாட்டேன்!” | Tamil nadu congress MLA Vijayadharani and her family - Aval Vikatan | அவள் விகடன்

“தாக்குதல்களால் சோர்ந்துபோக மாட்டேன்!”

உற்சாக ரகசியம்கு.ஆனந்தராஜ், படம் : ரா.வருண் பிரசாத்

“தொகுதி மக்களைச் சந்திச்சுட்டு இன்னிக்குதான் சென்னைக்கு வந்தேன். நாளைக்கு ஒரு கேஸ் விஷயமா சுப்ரீம் கோர்ட்ல வாதாடப் போகணும். காலாண்டுத் தேர்வு நடக்கிறதால பையனுக்குப் பாடம் சொல்லிக்கொடுக்கணும். நைட் டி.வி விவாத நிகழ்ச்சி ஒன்றில் கலந்துக்கணும். கட்சி வேலைகளும் நிறைய இருக்கு. பேட்டியைக் கொஞ்சம் சீக்கிரம் முடிச்சுடுங்க!” - வேண்டுகோள் வைத்துவிட்டுப் பேச ஆரம்பிக்கிறார் விஜயதாரணி எம்.எல்.ஏ. அகில இந்திய மகிளா காங்கிரஸ் பிரிவின் பொதுச்செயலாளர். நாம் பார்க்கும் அரசியல் முகம் தவிர்த்து சிங்கிள் பேரன்ட், வழக்கறிஞர் எனத் தன் பர்சனல் பக்கங்களையும் நம்முடன் பகிர்ந்துகொள்கிறார்.

“என்னோட கொள்ளுத்தாத்தா கவிமணி தேசிய விநாயகம் பிள்ளையும், என் தாத்தா வும் சுதந்திரப் போராட்டத் தியாகிகள். பெற்றோர் இருவரும் டாக்டர்கள். 70-களின் இறுதிவரை அப்பா பத்மநாபன் அரசியல் தலைவர்கள், சினிமா பிரபலங்கள் பலருக்கு பர்சனல் டென்டிஸ்ட்டா இருந்தார். அப்பாவுக்கு அரசியல் ஆர்வமில்லையென்றாலும், காமராஜர் அய்யா மேலிருந்த அதீத அன்பால் அவர்கூடவே ஓய்வுநேரங்களைக் கழிப்பார். எங்க வீட்டில் மூணு சகோதரிகள்ல நான் ரெண்டாவது பெண். நாங்க கன்னியாகுமரியில பிறந்தாலும், வளர்ந்ததெல்லாம் சென்னைதான். என்னோட ஒன்பது வயசுல அப்பா இறந்துட்டாரு. சிங்கிள் மதரா எங்களை வளர்த்து ஆளாக்க, அம்மா ரொம்பச் சிரமப்பட்டாங்க. என்னோட மாமா மகாதேவன்பிள்ளை, தமிழக காங்கிரஸ் கமிட்டி தலைவரா இருந்த சூழல்ல, அம்மாவுக்கும் காங்கிரஸ் கட்சி மேல ஈடுபாடு வந்தது. டாக்டர் பணிக்கு இடையே தொடர்ந்து அரசியல்லயும் கவனம் செலுத்தினாங்க.

Do you like the story?

Please Appreciate the Author by clapping!

Editor’s Pick