அனுபவங்கள் பேசுகின்றன!

இத்தொடரின் மற்ற பாகங்கள்:
ஒவ்வொன்றுக்கும் பரிசு: ரூ. 200 ஓவியம்: ராமமூர்த்தி

திறந்தவெளி உணவகங்கள் உஷார்... உஷார்!

நாங்கள் தொலைவிலுள்ள ஓர் ஊருக்குக் காரில் சென்றுவிட்டு, திரும்பிக்கொண்டிருந்தோம். அப்போது இரவு ஒரு மணி. வழியில் ஓரிடத்தில் மரத்தடியில் மேஜை நாற்காலிகள், ட்யூப் லைட் போட்டு டிபன், டீக்கடை வைத்திருந்தனர். நாங்கள் இறங்கி, சேர்களில் உட்கார்ந்துகொண்டு, டீ சாப்பிட்டுக்கொண்டிருந்தோம். ஒரு மேஜை மேலே பெரிய பாத்திரத்தில் இட்லி மாவு வைத்திருந்தனர். அது மூடப்படாமல் இருந்தது. அருகில் அடுப்பில் தோசை சுட்டுக்கொண்டிருந்தனர். அப்போது மரத்தின் மேலிருந்து என்னவோ வெள்ளையாக அந்த இட்லி மாவு பாத்திரத்தில் விழுந்தது. மேலே பார்த்தோம். அங்கே நிறைய காகங்கள் அமர்ந்திருந்தன. அவற்றின் எச்சங்கள்தாம் அந்த மாவு பாத்திரத்தில் விழுந்தன. யாரும் அதைக் கவனிக்கவில்லை. அந்த மாவில்தான் இட்லி, தோசை சுட்டுக்கொண்டிருந்தனர். எங்களுக்குக் குமட்டிக்கொண்டு வந்தது. `இப்படிப்பட்ட திறந்த வெளி டிபன் கடைகளில், அதுவும் இரவு நேரத்தில் சாப்பிடுவது மிகமிக கெடுதல்’ என்பதை உணர்ந்தோம். நீங்களும் உஷாராக இருங்கள் தோழிகளே!

- பி.பார்வதி பாலகிருஷ்ணன், நாமக்கல்

Do you like the story?

Please Appreciate the Author by clapping!

Editor’s Pick