ஜெ.ஜெயலலிதா என்னும் நான்... - அம்மாவின் கதை - 22 | Jayalalithaa biography series - Aval Vikatan | அவள் விகடன்

ஜெ.ஜெயலலிதா என்னும் நான்... - அம்மாவின் கதை - 22

இத்தொடரின் மற்ற பாகங்கள்:
எஸ்.கிருபாகரன், படங்கள் உதவி : ஞானம்

“ஒருவரின் வாழ்க்கையில் துயரம் வரும்போது, அதையொட்டிய ஏதோவொரு நினைவையும் நம் மனதில் ஆழப்பதிய வைத்துவிடும். சில நேரம் சில சம்பவங்கள் அந்தத் துயரத்தின் அளவையும் அதிகரித்துவிடும். தீபாவளி வரும்போதெல்லாம் என் அன்னையைப் பற்றிய நினைவுகள் தானாகவே வருகின்றன. அவரோடு நான் கொண்டாடிய கடைசி தீபாவளியும் என் நினைவில் நிழலாடி நெஞ்சைப் பிழிகிறது” - ஜெயலலிதா 1972-ல் ஒரு சினிமா இதழுக்கு அளித்த பேட்டி இது.

கடந்த 2016-ம் ஆண்டு தீபாவளி தினம்... தமிழக அரசியலில் கிட்டத்தட்ட தன் வாழ்வின் சரிபாதி வருடங்களைத் துணிச்சல்மிக்க அரசியல் தலைவராகவே கழித்த ஜெயலலிதா, உயிருக்குப் போராடிக்கொண்டிருந்த தருணம் அது. ஒருவேளை சுயநினைவோடு இருந்திருந்தால் அவர் மனதிலும் சோகம் நிரம்பிய ஒரு தீபாவளி பற்றிய நினைவு வந்து போயிருக்கலாம்... அது, 1971-ம் வருட தீபாவளி...

பொதுவாக, தீபாவளி உள்ளிட்ட எந்தப் பண்டிகையிலும் ஜெயலலிதா அவ்வளவாக ஆர்வம்கொண்டிருந்ததில்லை. பத்திரிகை பேட்டி ஒன்றில் “நீங்கள் தீபாவளிக்குப் புத்தாடை அணிவீர்களா?” என்ற கேள்விக்கு, “நண்பர்களின் வற்புறுத்தலுக்காக மட்டுமே அணிவேன். என்னைப் பொறுத்தவரை தீபாவளி என்றால் எல்லோரும் தமாஷாக, வேடிக்கையாகச் சேர்ந்து கொண்டாடும் ஒருநாள் அவ்வளவுதான்!'' எனக் கூறியவர் அவர். இதே ஜெயலலிதாதான், அதற்கு முரண்பட்ட விதத்தில், அந்தத் தினங்களைத் தன் இளமைப்பருவத்தில் ஆவலுடன் எதிர்நோக்கி இருந்திருக்கிறார். அதற்கும் காரணம் உண்டு. சந்தியா பிசியான நடிகையாக ஆனபின்,  குழந்தைகளுடன் நேரம் செலவழிப்பது அரிதாக இருந்தது. அதனால் விசேஷ தினங்களையொட்டி, சந்தியா கண்டிப்பாகப் படப்பிடிப்புக்கு ‘குட் பை’ சொல்லிவிடுவாராம். தாயுடன் நேரம் செலவழிக்கப்போகிற இந்தப் பண்டிகை நாள்களை ஆவலுடன் எதிர்நோக்கிக் காத்திருப்பாராம் ஜெயலலிதா.

Do you like the story?

Please Appreciate the Author by clapping!

Editor’s Pick