அனுபவங்கள் பேசுகின்றன!

ஒவ்வொன்றுக்கும் பரிசு: ரூ. 200

புத்தகம் இருக்க சாக்லேட் எதற்கு?

சமீபத்தில் பேருந்து நிலையம் ஒன்றை ஒட்டியுள்ள தேநீர் மற்றும் சிற்றுண்டி உணவகத்துக்கு சென்றேன். டீ, டிபன் அனைத்தும் நியாயமான விலையில் கிடைத்த துடன், சுவையாகவும் இருந்தன. சாப்பிட்டு முடித்துப் பணம் செலுத்துகிறபோது `சரியான சில்லறை கொடுத்து உதவவும்’ என்ற அறிவிப்பு கண்ணில்பட்டது. உண்மையிலேயே அந்த நேரத்தில் சரியான சில்லறை இல்லாததைத் தாழ்மையாக உணர்ந்தேன்.

பணம் பெறுபவர் என் நிலையை உணர்ந்துகொண்டு, `உங்களுக்கு ஆட்சேபனை இல்லையென்றால், இதில் ஒன்றைத் தேர்வு செய்து கொள்கிறீர்களா?’ என்றார். அப்போதுதான் கவனித்தேன்... தினசரி நாளிதழ் ரூபாய் 1, வார இதழ் ரூபாய் 2, மாத இதழ் ரூபாய் 3 எனக் குறிப்பிட்டு பழைய இதழ்களை அடுக்கி வைத்திருந்தனர். உணவுத் தயாரிப்பு, மாணவர்களுக்கான வினா - விடை, கல்விச் செய்தி எனப் பயனுள்ள விஷயங்களை உள்ளடக்கியதாக அந்த இதழ்கள் இருந்தன. மீதி சில்லறைக்கு மட்டுமன்றி, கூடுதலாகவும் பணம் செலுத்தி சில வார, மாத இதழ்களையும் வாங்கிக் கொண்டேன். மீதி சில்லறைக்குச்  சாக்லெட்டுகளைக் கொடுத்துக் காசு பார்ப்பவர்கள் மத்தியில், இந்த வித்தியாசமான முயற்சி பாராட்டும்படி இருந்தது.

- கோமதி பூபாலன், வேலூர்

Do you like the story?

Please Appreciate the Author by clapping!

Editor’s Pick