நாகு - தெய்வ மனுஷிகள்

இத்தொடரின் மற்ற பாகங்கள்:

நாகு, கடுமையான உழைப்பாளி. கூலிக்கேத்த வேலைனு இல்லாம மனப்பூர்வமா உழைப்பா. இப்படி நாயாப் பேயா கெடந்து உழைச்சுக் கஷ்டப்பட்டதாலதான் இன்னிக்கு குந்த ஒரு சொந்தக் குடிசைகட்டி, பசியில்லாம சாப்பிட்டு, தூங்கி எழும்புறா. புள்ளைக்கும் நல்லது கெட்டது பண்ண முடியுது.

நாகு குடும்பத்தை இருபது வருஷத்துக்கு முன்னாடி இந்தக் கிராமத்துக்கு ஆண்டைக தான் அழைச்சுக்கிட்டு வந்தாக. ஊரு மழை தண்ணியில்லாம, தொழிலுக்கும் வாய்ப்பில்லாம பஞ்சத்துல சிக்கிக்கிடந்துச்சு. ‘மூணு வேளை சோறு, வேலைக்கேத்த கூலி’னு ஆண்டைக கூப்பிட்டதும் குடும்பத்தோடு கெளம்பி வந்துட்டாக.

பேராண்டை தோட்டத்துல தான் வேலை. அங்கே தொழிலாளியா இருந்த முனியன், நாகுவைப் பார்த்த நாள்லயே மயங்கிப்போனான். நாகுவுக்கும் அவன்மேல பிரியம் இருந்துச்சு. ஆனா, முனியன் குடும்பத்துல ஏத்துக்கலே. ஒருநா, எல்லாரும் அசந்துருந்த நேரத்துல நாகுவை பெருமா கோயிலுக்குக் கூட்டிக்கிட்டுப் போயி மாலை மாத்தி கல்யாணம் பண்ணிக்கிட்டு வந்துட்டான் பய. ஆயி, அப்பன் அவனை வீட்டுக்குள்ள சேக்கலே. கருவிக்கிட்டே துரத்திவிட்டுட்டானுக. ஆண்டைதான் குடிலுக்கு எடம் குடுத்துப் பாத்துக்கிட்டாரு.

முனியனும் கடுமையான உழைப்பாளிதான். பொண்டாட்டி மேல அன்பா இருப்பான். அந்த அன்புக்குச் சாட்சியா நாகு முழுகாம இருந்தா. என்னமோ ஊருக்காட்டுல எந்தப் பொம்பளையும் புள்ள பெக்காத மாதிரி, பொண்டாட்டியை ‘தாங்கு தாங்கு’னு தாங்குனான் முனியன். 

Do you like the story?

Please Appreciate the Author by clapping!

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்