உணவு மட்டுமே நிறைவைக் கொடுக்கும்! - `செஃப்' கவிதா

எனக்குள் நான் ஆர்.வைதேகி, படங்கள் : தி.குமரகுருபரன்

மையலைக் கடமையாகப் பார்க்கிறவர்கள் மத்தியில் அதை நிஜமான கலையாகப் பார்ப்பவர் செஃப் கவிதா. `மால்குடி' கவிதா என்றால் ஊரறியும்; உலகறியும். ஆண்கள் ஆளும் துறைகளில் அரிதாக மலர்ந்தெழுகிற பெண்கள், அதே வேகத்துடன் அதிக காலம் நீடிப்பதில்லை. விதிவிலக்காக வியக்கவைக்கிறார் கவிதா. பார்ப்பதற்கு ஸ்ட்ரிக்ட்டாகத் தெரிந்தாலும் பழகுவதற்கு ஸ்வீட்டானவர். அறுசுவைகளுடன் அவரின் வாழ்க்கைப் பயணம் பகிர்கிறார்...

கவிதா `செஃப்' ஆனது எப்படி?

கடலூர் மாவட்டத்தில் உள்ள விருத்தாசலம் என் பூர்வீகம். அப்பா ஹைகோர்ட் வக்கீலாகவும் கம்மாபுரம் பஞ்சாயத்து யூனியன் கவுன்சிலின் முன்னாள் சேர்மனாகவும் இருந்தவர். அம்மா நர்ஸாக இருந்தவர். மூன்று அக்காக்கள், மூன்று தங்கைகள், மூன்று தம்பிகள், நான் எனப் பெரிய குடும்பம். என்.சி.சி-யிலும் ஸ்கவுட்டிலும், விளையாட்டிலும் இருந்த ஆர்வம் எனக்குப் படிப்பதில் இல்லை. விளையாட்டில் ஜெயிக்கும் ஒவ்வொரு முறையும் காவல் துறை அதிகாரிகளின் கைகளால் பரிசு வாங்குவேன்.

அப்பாவைப் பார்க்க நிறைய காவல் துறை அதிகாரிகள் அடிக்கடி வீட்டுக்கு வருவார்கள். காக்கி உடையின்மேல் அப்போதிலிருந்தே ஒரு மயக்கம். `என்னைப் பார்த்து சல்யூட் அடிக்க எத்தனையோ பேர் இருக்கும்போது, உனக்கு எதுக்கு அந்த வேலை?' எனக் காக்கிக் கனவை அப்போதே கசக்கி எறிந்தார். கடலோரக் காவல் படையில் சேர விண்ணப்பித்தேன். அதையும் அப்பா அனுமதிக்கவில்லை.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்