தூய்மையான அன்பும், அழகான அங்கீகரிப்பும்! - எழுத்தாளர் / இயக்குநர் தாமிரா

அவளும் நானும் நானும் அவளும்

ர் ஆணும் பெண்ணும் பழகறப்போ, இந்தச் சமூகம் ஒரு கேள்வி வெச்சிருக்கு, `உனக்கு அவன் யாரு?’. இந்தக் கேள்விக்கு விடை சொல்லாம யாரும் கடந்து போயிட முடியாது. இது எதுவும் இல்லாம அழகான ஓர் உறவு எப்பவாவதுதான் வாய்க்கும். அப்படி காலம் கொடுத்த ஒரு பரிசுதான் ஜெயகலா.

அது என் பள்ளிப்பருவம். அப்ப எங்க அத்தம்மா (பாட்டி) வெத்தலையைத் தட்டிக்கிட்டே ராஜகுமாரி கதை சொல்லுவா. அத்தம்மா சொல்ற ராஜகுமாரிகளை மறுநாள் பள்ளிக்கூடத்துல நான் பார்ப்பேன். அது ரொம்ப சுவாரஸ்யமா இருக்கும். இப்படியே கதை கேட்டு கதை கேட்டு, நானும் ஒரு கதைசொல்லியாகிட்டேன். அப்படியே கவிதை எழுதவும் ஆரம்பிச்சேன். நானும் என் கவிதைகளும் ஒரு வாசகனுக்காகக் காத்துக்கிடந்தப்பத்தான் ஜெயகலாவைச் சந்திச்சேன்.

நாகர்கோவிலுக்கு விடுமுறைக்குப்  போயிருக்கிறப்ப, ஒருநாள் எங்க மதினிப் பொண்ணு பாத்துமுத்து, ஜெயகலாகிட்ட என்னை அறிமுகப்படுத்தினா... `கலா, இது எங்க சின்னத்தா (சித்தப்பா). உன்னை மாதிரியே கவிதையெல்லாம் எழுதுவான்.’

ரெண்டு பேரும் பரஸ்பரம் ஒரு சிரிப்பு. அவ்வளவுதான். அதன் பிறகு நாங்க கவிதைகளைப் பரிமாறிக்கிட்டோம். நாங்க எழுதின எதுவுமே கவிதை இல்லை. ஆனா, எங்களுக்குள்ள கவித்துவமான ஓர் அன்பு உருவாச்சு. அதுமட்டும்தான் அழகான கவிதை.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்