அரசாங்கத்துக்கு ஒரு கோரிக்கை வைக்கிறோம்! - பாடகி ஸ்வாகதா - நடிகை மாயா

அக்கா தங்கை அசத்தல் சனா, படம் : சொ.பாலசுப்ரமணியன்

“நாங்க நாலு பொண்ணுங்க. இதுக்காக அம்மாவும் அப்பாவும் ஃபீல் பண்ணதே இல்ல. எங்க எல்லோரையுமே திறமையான பொண்ணுங்களா வளர்த்தாங்க. ரெண்டு அக்காக்களும் வேறு துறைகளுக்குப் போயிட் டாங்க. நானும் மாயாவும் சினிமாவைத் தேர்ந்தெடுத்துட்டோம்...” - உற்சாகமாகப் பேசத் தொடங்குகிறார்கள், ஸ்வாகதா - மாயா சகோதரிகள். மாயா, பலருக்கும் பரிச்சயமான முகம். ஸ்வாகதா, பத்து வருடப் போராட்டத்துக்குப் பிறகு ‘கரு’ படத்தின் ‘ஆழாலிலோ’ பாடல் மூலம் பாடகியாக இடம்பிடித்திருக்கிறார்,

“நாங்க பிறந்து வளர்ந்து எல்லாம் மதுரை. சினிமாவுல நானும் தங்கச்சியும் ஓடிக்கிட்டு இருக்கிறதுக்குக் காரணம் எங்க ஃபேமிலியும் டீச்சர்ஸும் கொடுத்த சப்போர்ட்தான். சின்ன வயசுலேயே பாட்டு கிளாஸுக்கு அனுப்பி வெச்சாங்க. என் குரு விஜயலட்சுமி மேடம் என் மேலே தனி கவனம் செலுத்தி, பாட சொல்லிக்கொடுத்தாங்க...” - ஸ்வாகதா சொல்லிமுடிக்க, மாயா தொடர்கிறார்.

“அதே பாட்டு கிளாஸுக்கு அப்பா என்னையும் அனுப்பி வெச்சார். ஆனா, நான் கிளாஸுக்குப் போனாலே தூங்கிடுவேன். இவதான், அருமையா பாடக் கத்துக்கிட்டா. ஸ்கூல், காலேஜ்ல படிக்கிறப்போ பாட்டுப் போட்டியில கலந்துக்கிட்டு நிறைய பரிசு வாங்கியிருக்கா...” - அக்காவைப் பற்றிப் பெருமையாகச் சொல்கிறார் மாயா.

“சும்மா சொல்றா... மாயாவும் ரொம்ப நல்லா பாடுவா. அவளுக்குள்ள இன்னும் பல திறமைகள் இருக்கு. இவளுடைய மேடை நாடகங்களைப் பார்த்து நான் மிரண்டு போயிருக்கேன். இவளுக்கு டைரக்டர் ஆகணும்கிற ஆசையும் இருக்கு. அந்தப்  படத்துக்கு நான்தான் மியூசிக் டைரக்டர்!” - செல்லம் கொஞ்சுகிறார், ஸ்வாகதா.

Do you like the story?

Please Appreciate the Author by clapping!