ஆரோக்கியத்துக்கான தூண்கள் - கருஞ்சீரகம்

அஞ்சறைப் பெட்டி

சீரகம் தெரியும், பெருஞ்சீரகம் தெரியும்; அதென்ன கருஞ்சீரகம்? ஆரோக்கியம் தருவதில் சீரகமும் கருஞ்சீரகமும் ஒரே குடும்பத்தின் உறுப்பினர்கள். தாளிக்கும் பொருள்களின் கூட்டணியிலும் சமையல் வகையிலும் அதிகம் இடம்பிடித்த கருஞ்சீரகம், இப்போது கண்டுகொள்ளப்படுவதில்லை. ஆனால், கருமையான விதைகளுக்குள் ஒளிந்திருக்கும் நலம் பயக்கும் நுண்கூறுகள் நமது ஆரோக்கியத்துக்கான தூண்கள் என்றே சொல்லலாம்.


`மரணத்தைத் தவிர அனைத்து நோய்களுக்குமான அற்புத மருந்து’ என இஸ்லாமும், ‘கருஞ்சீரகம் நோய் தீர்க்கும்’ எனக் கிறிஸ்தவமும் கருஞ்சீரகத்தின் குணத்தைப் புகழ்ந்துள்ளன. `கருஞ்சீரகந்தான்… காய்ச்சல் தலைவலியுங் கண்வலியுங்…’ எனும் சித்த மருத்துவப் பாடல், கருஞ்சீரகத்தின் பயனைப் பட்டியலிட்டுள்ளது.

அரேபியாவில் `ஆசீர்வதிக்கப்பட்ட விதைகள்’ என்று கருஞ்சீரகத்தைக் குறிப்பிடுகின்றனர். பெர்சிய மருத்துவரான `அவிசென்னா’ தனது நூலில் கருஞ்சீரகத்தின் பயன் குறித்து விவரித்துள்ளார். `டட்’ (Tut) எனும் எகிப்திய அரசரின் கல்லறையில்  கருஞ்சீரக விதைகள் கண்டெடுக்கப்பட்டுள்ளன.

Do you like the story?

Please Appreciate the Author by clapping!

Editor’s Pick