இனி அம்மாவும் காப்பாளரே! - வழக்கறிஞர் வைதேகி பாலாஜி

இத்தொடரின் மற்ற பாகங்கள்:
சட்டம் பெண் கையில்

ஒரு வழக்கு... ஒரு தீர்ப்பு...

மைனர் குழந்தையின் தந்தை உயிருடன் இருக்கும்போது தாயை மட்டுமே தனிப் பாதுகாப்பாளராக நியமிக்க முடியாது என்கிற நிலையே 2016-ம் ஆண்டில் சட்டத்திருத்தம் செய்யப்படும் வரை இருந்தது. அப்போது சிங்கிள் பேரன்ட்டாக குழந்தையை வளர்க்கும் தாய்க்குச் சவாலாக இருக்கும் சட்டப் பிரிவுகளின் சிக்கலிலிருந்து அவரை விடுவிக்கும்விதமாக, உச்ச நீதிமன்றம் வழங்கிய தீர்ப்பு இது.

Gita hariharan & Anr vs Reserve Bank of India & Anr (AIR 1998 supreme court 1149).

தாயும் தந்தையும் பிரிந்து வாழ்கின்றனர். டெல்லி நீதிமன்றத்தில் விவாகரத்து வழக்கு நிலுவையில் இருந்தது. இந்தக் காலகட்டத்தில், ‘குழந்தைக்கு நான் மட்டும்தான் இயற்கையான பாதுகாப்பாளர். என் அனுமதியில்லாமல் எந்த முடிவையும் எடுக்கக் கூடாது’ என்று குழந்தையின் தந்தை வலியுறுத்தி வந்துள்ளார். இந்த நிலையில் மைனர் மகனின் பெயரில் ஒரு தொகையை தாய் வங்கியில் முதலீடு செய்தார். மகனுக்குப் பாதுகாப்பாளராகத் தனது பெயரை தாய் எழுதி அனுப்பினார். `தாய் கார்டியன்' என்பதை ரிசர்வ் வங்கி நிராகரித்தது. கார்டியனாக தந்தையின் கையெழுத்து வேண்டும் என அவரது விண்ணப்பத்தைத் திருப்பியனுப்பியது. தாய், கீழமை நீதிமன்றத்தை நாடினார்.  அங்கு சாதகமான தீர்ப்புக் கிடைக்காத நிலையில் உச்ச நீதிமன்றத்தை நாடினார்.

Do you like the story?

Please Appreciate the Author by clapping!

Editor’s Pick