‘போதும் நம் வாழ்க்கை’னு நினைக்கக் கூடாது! - சுஹாசினி

எனக்குள் நான்

இன்றைய ஹீரோக்கள் யாரும் ஹேண்ட்சம்மாக இல்லை என்று ஒரு நிகழ்ச்சியில் உங்கள் கருத்தைச் சொல்லியிருந்தீர்கள். இன்றும் அதே கருத்துடன் இருக்கிறீர்களா?

ஹீரோக்கள் ஹேண்ட்சம்மா இல்லைனு நான் சொல்லலை. படங்கள்ல அவங்க ஹேண்ட்சம்மா இருக்கிற மாதிரி பிரெசன்ட் பண்ணிக்கிறதில்லை. தாடியும் மீசையுமா இருக்காங்கன்னுதான் சொன்னேன். அதை நான் சொல்லி மூணு, நாலு வருஷங்களாச்சு. பெண்கள் மட்டும்தான் அழகா இருக்கணுமா... ஆண்கள் ஹேண்ட்சம்மா இருக்க வேண்டாமா?

மலேசியா அமைச்சரவை யிலேருந்து என்னை அணுகி, `குரூமிங் ஆஃப் மென்' பற்றிச் சொல்லிக்கொடுக்கணும்னாங்க. `மலேசியப் பெண்கள் பலர் தமிழ் ஆண்களைக் கல்யாணம் பண்ணாம, பாகிஸ்தான் ஆண்களைக் கல்யாணம் பண்ணிக்கிறாங்க. அதனால இந்த ஆண்களுக்கு இன்னும் கொஞ்சம் குரூமிங் வேணும்'னு சொன்னாங்க. மாப்பிள்ளையா வர்றதுக்கே குரூமிங் வேணும்னா, ஹீரோவா வர எவ்வளவு குரூமிங் வேணும்? `அழகா இருக்கிற ஹீரோக்களை கசகசனு காட்டாம, இன்னும் கொஞ்சம் ஹேண்ட்சம்மா காட்டுங்க'னு சொன்னேன். அதுவும் குறிப்பிட்ட  ஒரு படத்துக்குச் சொன்னேனே தவிர, நம்ம ஹீரோஸ் எல்லோருமே எப்பவுமே ஹேண்ட்சம்தான்!

கமல், ரஜினியின் அரசியல் பிரவேசம் பற்றிய உங்கள் கருத்து? இருவரில் நீங்கள் யார் பக்கம்?


ரஜினி ரொம்ப ஜனரஞ்சகமானவர். அவர் அரசியலுக்கு வருவதை மக்கள்  விரும்புவாங்கனு நினைக்கிறேன்.  அரசியல் பற்றி கமலுக்கு நல்லா தெரியும். பொது அறிவு, படிப்பறிவு எல்லாம் உண்டு. நல்ல உழைப்பாளியும்கூட. அவர் அரசியலுக்கு வந்தாலும் நல்லதுதான். அதனால ரெண்டு பேருமே அரசியலுக்கு வரலாம். நான் யார் பக்கம்னு உங்களுக்கே தெரியும்!

Do you like the story?

Please Appreciate the Author by clapping!