``நான் மட்டும்தான் உயிரோட இருக்கேன்!” - 80 வயதிலும் சதிர் ஆடும் முத்துக்கண்ணம்மா

கடைசி வாரிசு

‘‘விராலிமலை முருகன் கோயிலுக்குப் பொட்டுக்கட்டி விட்டப்போ, எனக்கு ஏழு வயசு. கோயில்ல நடக்கற பூஜைகளுக்கு, என்னோடு இருந்த 32 தேவதாசிகளும் சேவகம் செய்வோம். கோயில் திருவிழான்னா, நாங்க ஆடும் சதிராட்டத்தைப் பார்க்கவே கூட்டம் ஜேஜேனு வரும்’’ எனத் தனது கடந்த கால நினைவுகளை அசைபோடும் 80 வயது முத்துக்கண்ணம்மா, பரதநாட்டியத்தின் முன்னோடியான தேவதாசிகளின் சதிராட்டக் கலையின் கடைசி சாட்சியம்.

‘‘விராலிமலை சுப்ரமணிய சுவாமி கோயிலைச் சுற்றி 200-க்கும் அதிகமான இசை வேளாளர் குடும்பங்கள் இருந்தன. எங்கப்பா ராமச்சந்திரன் நட்டுவனார் சதிராட்டம், குறவஞ்சி உள்ளிட்ட கலைகள்ல பிரபலமாயிருந்தவர். தமிழ்நாடு முழுக்க பல்வேறு கலைஞர்களுக்குப் பயிற்சி கொடுத்தார். பிரபல பரதநாட்டியக் கலைஞரான பத்மா சுப்பிரமணியம் உள்ளிட்டோர் அவர்கிட்ட கலை கத்துக்கிட்டாங்க. முருகனுக்கு சேவகம் செய்வதில் மிகுந்த ஈடுபாடுகொண்ட குடும்பம் என்பதால், எங்க வீட்டின் ஏழு தலைமுறைப் பெண்களும் சதிராட்டம் ஆடினவங்கதான். வீட்டில் ஐந்தாவதா பிறந்த என்னை, விராலிமலை முருகன் கோயிலுக்குப் பொட்டுக்கட்டி விட்ட நிகழ்ச்சியை, ஒரு திருமணம்போல விமரிசையா நடத்துனாங்க.  ‘நித்திய சுமங்கலி’யா கடவுளுக்காக வாழ்வதுதான் என் வாழ்க்கையா மாறிச்சு.

Do you like the story?

Please Appreciate the Author by clapping!

Editor’s Pick