தொழிலாளி to முதலாளி - 5: தோல்வியிலிருந்து வெற்றி... இப்போ ஆறரை கோடி வருமானம்! - சிந்து | Employee to Employer series - Aval Vikatan | அவள் விகடன்

வெளியிடப்பட்ட நேரம்: 06:00 (02/04/2019)

தொழிலாளி to முதலாளி - 5: தோல்வியிலிருந்து வெற்றி... இப்போ ஆறரை கோடி வருமானம்! - சிந்து

இத்தொடரின் மற்ற பாகங்கள்:

தொழிலாளியாக இருந்து, உழைப்பாலும் திறமையாலும் முதலாளியாக உயர்ந்த சாதனைப் பெண்களின் வெற்றிப் பயணங்களைத் தொகுக்கும் இன்ஸ்பிரேஷனல் தொடர் இது. இந்த இதழில், திருப்பூர் மாவட்டம் உடுமலைப்பேட்டையைச் சேர்ந்த தேங்காய் ஏற்றுமதி மற்றும் செக்கு எண்ணெய் தயாரிப்பு நிறுவனமான `அக்ரி ப்ரோ இண்டஸ்ட்ரீஸ்’ (Agri Pro Industries) இணை உரிமையாளர் சிந்து.

பொள்ளாச்சியைப் பூர்வீகமாகக்கொண்ட சிந்துவின் பெரியப்பா, தென்னை நார் தொழில் செய்துவந்துள்ளார். அண்ணனும் சுயதொழில் செய்துவர, சிந்துவுக்கும் தொழில்முனை வோராகும் ஆர்வம் ஏற்படுகிறது. எனவே, பி.டெக் படித்துக்கொண்டே பிசினஸ் பயணத்துக்கான தேடலிலும் ஈடுபடுகிறார். வீடு, கல்லூரி எனக் குறுகிய வட்டத்துக்குள்ளேயே வளர்ந்த நிலையில், வெளிநாட்டில் மேற்படிப்பு படிக்க நினைக்கிறார். பெற்றோர் ஆசிரியர்களே என்பதால், கல்விக்குத் தடையிருக்கவில்லை. ஆனால், பள்ளியில் தமிழ்வழியில் படித்தவருக்கு ஆங்கில மொழி தடையாக இருந்திருக்கிறது. தோழியின் உதவி, பயிற்சி வகுப்பு என்று அதில் தன்னை மெருகேற்றிக்கொள்கிறார். பொருளாதாரச் சிரமங்களுக்கிடையில் கடன் பெற்று லண்டன் செல்கிறார். அங்கு எம்.எஸ்ஸி., இன்பர்மேஷன் சிஸ்டம்ஸ் அண்டு மேனேஜ்மென்ட் படித்துக்கொண்டே, ஓர் உணவகத்தில் பகுதிநேர பணியிலும் ஈடுபடுகிறார். படிப்பு முடிந்ததும், அந்நாட்டிலுள்ள ஒரு நிறுவனத்தில் ஓராண்டு வேலை செய்கிறார். சொந்த ஊரில் பிசினஸ் செய்வதே சிந்துவின் இலக்கு என்பதால், ஊர் திரும்புகிறார்.