ஹாலிடே... ஜாலிடே! - கோடையைக் குதூகலமாக்க 10 ஐடியாக்கள்! | 10 Ideas for summer holidays - Aval Vikatan | அவள் விகடன்

வெளியிடப்பட்ட நேரம்: 06:00 (16/04/2019)

ஹாலிடே... ஜாலிடே! - கோடையைக் குதூகலமாக்க 10 ஐடியாக்கள்!

சிறியவர்கள் முதல் பெரியவர்கள் வரை எல்லோரும் எதிர்பார்த்துக் காத்துக்கொண்டிருந்த கோடை விடுமுறை ஆரம்பமாகிவிட்டது. ஸ்பெஷல் கொண்டாட்டங்கள் அரங்கேறும் இந்த விடுமுறை நாள்களை, எப்படி குடும்ப உறுப்பினர்களுடன் கொண்டாடுவது, அவர்களுடன் உற்சாகமாக இருக்க என்னென்ன செய்யலாம் என யோசித்துக் கொண்டிருப்பீர்கள்.

கவலையை விடுங்கள்... நீங்கள் உங்கள் குடும்ப உறுப்பினர்களுடன் ஆனந்தமாக இருக்க, 10 ஐடியாக் களை வழங்குகிறோம். குறைவில்லாமல் கொண்டாடி மகிழலாமே!

உற்சாகம் தரும் ஸ்விம் அவுட்டிங்!

குழந்தைகளுக்குப் பேரானந்தம் தரக்கூடிய இடங்களில் மிக முக்கியமானவை நீர்நிலைகள். சென்னை மாதிரியான மெட்ரோ நகரங்களில் நீச்சல் குளங்கள் நிறையவே உண்டு. அதுவே கிராமம் என்றால், அருவி, ஆறு, குளம், வாய்க்கால் என நீர்நிலைகள் குறைவில்லாமல் இருக்கும். வெயில் வாட்டிவதைக்கும் கோடை விடுமுறை நாள்களுக்கு இதுபோன்ற இடங்கள்தான் சரியான தேர்வு. வசிக்கும் இடத்துக்கு அருகில் இருக்கும் நீச்சல் குளங்கள் அல்லது இதர நீர்நிலைகளைத் தேடி, குடும்ப உறுப்பினர்களுடன் சென்றுவருவது, கோடைக்காலத்தின் மகிழ்ச்சியை இரட்டிப்பாக்கும்.

குழந்தைகளை அங்கே விளையாட விடும்போது, பெரியவர்கள் துணையிருப்பது மிக முக்கியம்.