'வாழவைக்கும் காதலுக்கு ஜே!’ - சின்னதிரை நிகழ்ச்சித் தொகுப்பாளர் மணிமேகலை | TV Anchor Manimegalai interview - Aval Vikatan | அவள் விகடன்
ஓட ஓட விரட்டப்பட்டவள்... ஓடி ஓடி உழைக்கிறேன்! - சௌபர்ணிகா
மனசு முடியும் என்று சொன்னால் உடலும் ஒத்துழைக்கும்! - பர்விந்தர் சாவ்லா

வெளியிடப்பட்ட நேரம்: 06:00 (22/01/2019)

'வாழவைக்கும் காதலுக்கு ஜே!’ - சின்னதிரை நிகழ்ச்சித் தொகுப்பாளர் மணிமேகலை

என் காதல் சொல்ல வந்தேன்

ணிரத்னம் சாரோட ரொமான்டிக் மூவியான ‘அலைபாயுதே’ எனக்கு ரொம்பவும் பிடித்த படம். சின்ன வயதில் படமாகப் பார்க்கும்போது எனக்குத் தெரிந்திருக்கவில்லை... நாளை நாமும் வீட்டை எதிர்த்து ரிஜிஸ்டர் மேரேஜ்தான் செய்யப்போகிறோம் என்று!’’ - கவிதையாக ஆரம்பிக்கிறார் சன் டி.வி நிகழ்ச்சித் தொகுப்பாளர் மணிமேகலை. திரைப்பட உதவி நடன இயக்குநர் ஹுசைன் உடனான திருமண வாழ்க்கையில் இரண்டாம் ஆண்டில் அடியெடுத்து வைத்திருக்கும் மணிமேகலை, ‘காதல்’ பற்றிப் பேச ஆரம்பித்தால், ‘நான் ஸ்டாப்' ஸ்வீட்டி!

‘`கோவையில் பிறந்து, சென்னையில் வளர்ந்த பொண்ணு நான். அதிக செல்லம். நான் என்ன கேட்டாலும் உடனே வாங்கித் தந்துவிடுவார் அப்பா. ஆனால், விவரம் தெரிந்து `விஜே' ஆனபின்பு, என் வாழ்க்கைத் துணையை நானே தேர்வு செய்துகொண்டு அவர் முன் நின்றபோதுதான், முதன்முறையாக... என் ஆசைக்கு எதிராக ‘நோ’ சொன்னார். காரணம், நான் இந்து, என்னவர் முஸ்லிம்!''

18 வயதிலேயே டி.வி நிகழ்ச்சித் தொகுப்பாள ராகக் களம் இறங்கிய மணிமேகலை, டி.வி வழியாகவே தனக்குக் காதல் அரும்பிய அந்த அழகான அனுபவத்தை விவரிக்கத் தொடங்கினார்.

‘`சின்ன வயதிலிருந்தே எனக்கு டான்ஸ் என்றால் கொள்ளைப் பிரியம். வீட்டிலோ, ‘டான்ஸ் கத்துக்கிட்டு என்ன பண்ணப் போறே... பாட்டு கிளாஸ் வேண்டுமானால் போ’ என்று வலுக்கட்டாயமாகப் பாட்டு வகுப்பில் கோத்து விட்டுவிட்டார்கள்.