நம்மால் எதையும் சமாளிக்க முடியணும்! - ரித்விகா - ஜானகி | Riythvika and her sister jolly interview - Aval Vikatan | அவள் விகடன்

நம்மால் எதையும் சமாளிக்க முடியணும்! - ரித்விகா - ஜானகி

சிஸ்டர்ஸ்

‘இரண்டாம் உலகப் போரின் கடைசி குண்டு’ படத்தின் மூலம் சினிமாவில் தனது ரீ-என்ட்ரியை ஆரம்பிக்கிறார் ரித்விகா. ‘பிக் பாஸ்’ நிகழ்ச்சியில் தன் அமைதியையும் ஆரவாரமற்ற அணுகுமுறையையுமே ஆயுதங்களாக்கி, டைட்டில் ஜெயித்தவர். அவை போட்டிக்காக அவர் பயன்படுத்திய `ஸ்ட்ராட்டஜி' என்று பலராலும் விமர்சிக்கப் பட்டாலும், ரித்விகாவின் இயல்பே அதுதான் என்பது அவரை அறிந்தவர்களுக்கு மட்டுமே தெரியும்.

ரித்விகாவை அவரைவிடவும் அதிகம் புரிந்து வைத்திருப்பவர் அவரின் அக்கா ஜானகி. சென்னையின் பிரபல மருத்துவமனையில் ஹெச்.ஆர் பிரிவில் வேலை பார்க்கிற ஜானகி, தன் பாசப் பிணைப்பைப் பகிர்கிறார்.

‘`நாங்க ரொம்ப சாதாரணக் குடும்பத்தைச் சேர்ந்தவங்க. பஸ்லதான் போவோம். அப்போ பக்கத்துல இருக்கிறவங்களுடைய கையையே பார்ப்போம். அந்தக் கை கொஞ்சம் கலரா இருந்துட்டா அவ்வளவுதான்... ‘பாருடி... எவ்வளவு கலரா இருக்காங்க’னு நான் சொல்வேன். ரித்விகாவோ, ‘அதெல்லாம் ஒரு விஷயமே இல்லக்கா. நம்ம கலர்தான்க்கா நம்ம ஸ்பெஷலே. இதுக்காக நாம பெருமைதான் படணும்’னு சொல்வா. ரித்விகாவின் கலரை வெச்சுக் கலாய்ச்சவங்களுக்கெல்லாம் தன் நடிப்புத் திறமையாலும், டப்பிங் தேவைப்படாத சொந்தக் குரலில் பேசறது மூலமாகவும் பதிலடி கொடுத்தாள். சினிமாவுக்கு வந்த பிறகும்கூட அவளுக்குத் தன் ஸ்கின் கலர் பத்தின வருத்தம் கிடையாது. சருமத்தை ஆரோக்கியமா வெச்சுக்கணும்னு நினைப்பாளே தவிர, எப்படியாவது கலராயிடணும்னு நினைச்சதே இல்லை’’ - ரித்விகா அரிதாரமற்றவர் என்பதற்கு அக்காவின் அறிமுக உரையே போதும்..

Do you like the story?

Please Appreciate the Author by clapping!

Editor’s Pick