என் நிறம் பெரிய தடையா இருந்துச்சு! - ஈஸ்வரி ராவ் | Actress Easwari Rao interview - Aval Vikatan | அவள் விகடன்

என் நிறம் பெரிய தடையா இருந்துச்சு! - ஈஸ்வரி ராவ்

அழியாத கோலங்கள்

“இப்போகூட கனவு மாதிரிதான் இருக்கு. என் சினிமா கரியர் முடிஞ்சுடுச்சுன்னு நினைச்சு, ஒரு  குடும்ப நிர்வாகியா என் குழந்தைகளைப் பார்த்துக்கிட்டு இருந்தேன். ஆனா, இயக்குநர் இரஞ்சித் சார் எனக்கு
ரீ- என்ட்ரி வாய்ப்பை ஏற்படுத்திக்கொடுத்தார்; ரஜினி சார் என்னைப் பிரகாசப்படுத்திட்டார். நீ, நான்னு ரஜினி சார்கூட ஜோடியா நடிக்க போட்டியிருக்கிற சூழல்ல, அவருக்கு நான் ஜோடியா நடிக்க சம்மதிச்சது பெரிய விஷயம். என் வாழ்நாள் முழுக்க இவங்க ரெண்டு பேருக் கும் நன்றிகடன்பட்டிருப்பேன்” - நெகிழ்ச்சி யும் மகிழ்ச்சியுமாகத் தொடங்குகிறார், நடிகை ஈஸ்வரி ராவ். ‘காலா’ செல்வியாக அசத்திய வரின் கோலிவுட் கிராஃப் இப்போது இன்னும் வேகமெடுத்துள்ளது.

12 வருட இடைவேளைக்குப் பிறகான கேமரா அனுபவம் எப்படி இருந்தது?

நம்பமுடியாத பயணம். ‘காலா’ படம் தொடர்பா இரஞ்சித் சார் ரெண்டு மாசமா என்கிட்ட பேசிட்டு இருந்தார். மூணாவது மாசம்தான், படத்தில் ரஜினி சாருக்கு ஜோடியா நான் நடிப்பது உறுதியாச்சு. அதை என் குடும்பத்தினரிடம் சொன்னேன். யாரும் முழுசா நம்பலை. முதல்நாள் ஷூட்டிங் போன பிறகுதான் எனக்கே நம்பிக்கை வந்தது.

வாழ்க்கை எனக்கு நிறைய அனுபவங் களைக் கொடுத்திருக்கு. அதனால, 12 வருட இடை வெளிக்குப் பிறகு நடிச்சாலும், இந்தப் படத்துக்குன்னு எந்தத் தயாரிப்பும் தேவைப் படலை. மொத்த டீமும் எனக்கு உதவியா இருந்ததாலதான், நெல்லைத் தமிழ் பேசும் ‘செல்வி’யா உயிர்ப்போடு நடிக்க முடிஞ்சது.

Do you like the story?

Please Appreciate the Author by clapping!

Editor’s Pick