#நானும்தான் - குறுந்தொடர் - 5 | MeToo campaign: mini series - Aval Vikatan | அவள் விகடன்

#நானும்தான் - குறுந்தொடர் - 5

இத்தொடரின் மற்ற பாகங்கள்:

ஷைலஜா லிஃப்டில் ஏறி, நான்காவது மாடிக்கான பட்டனை அழுத்த இருந்த நேரத்தில் ‘வெயிட்’ என வந்தான் தருண். அவளுடைய டீம் லீடர். சைலஜா புன்னகைத்து, அவனுடைய வருகைக்காக வழிவிட்டுக் காத்திருந்தாள். 13 பேர் செல்லலாம் எனப் பொறிக்கப்பட்ட அகலமான லிஃப்ட். ‘‘இதைக்கொஞ்சம் பிடி’’ - தருண்குமார் அவன் கையில் இருந்த ஃபோல்டரைக் கொடுத்தபோது படக்கூடாத இடத்தில் பட்டான். விஸ்தாரமாக இடமிருந்தும் நான்கு மாடி தூரத்துக்குள் அவன் இரண்டுமுறை சர்வ இயல்பாகத் தோள்மீது சாய்ந்தான்.

லண்டன் புராஜெக்டுக்கு இன்ஜினீயர்களைத் தேர்வு செய்யும் பொறுப்பு அவனுக்கு வழங்கப் பட்டிருந்தது. அவனுடைய கோரைப் பற்கள் வெளியே தெரிய ஆரம்பித்தது அதன் பின்புதான்.

எட்டு சாஃப்ட்வேர் இன்ஜினீயர்களைத் தேர்வு செய்ய வேண்டும். சைலஜாவுக்கு எட்டில் ஒருவராகத் தேர்வாக எல்லா அடிப்படைகளும் இருந்தன. ஆனால், கிடப்பில் வைத்திருந்தான். ‘‘சி.இ.ஓ-வுக்கு லிஸ்ட் அனுப்பிட்டேன்’’ என்று மட்டும் சொன்னான். அதில் அவள் இருக்கிறாளா என்பதைச் சொல்ல வில்லை. இரண்டு முறை போய் கேட்டு விட்டாள். உற்றுப் பார்த்துவிட்டு, அப்படியே வேறு பேச்சுக்குத் திரும்பி விட்டான்.

ரேகா, ‘‘அவன் நினைச்சா செலெக்ட் பண்ணி அனுப்ப முடியும். சி.இ.ஓ சைன் பண்ணுவார். அவ்வளவுதான். சான்ஸை விட்டுடாதே’’ என்றாள்.

Do you like the story?

Please Appreciate the Author by clapping!

Editor’s Pick