Published:Updated:

``இவங்களா எங்க ஹெட்மிஸ்ட்ரஸ்..?" - எழுத்தாளர் எஸ்.ராமகிருஷ்ணன் #VikatanVintage

Vikatan

ஒரு சின்ன காட்சிதான். ஆனா, இது எனக்குள்ள விதைச்ச தத்துவங்கள் நிறைய. நீங்களும் யோசிச்சுப் பாருங்களேன்...

"அறிவு சொல்றபடி கேக்குறவன் ஆண்.. உள்ளுணர்வு சொல்றதை கேட்குறவ பெண். நீங்க கவனிச்சிருக்கீங்களா? பெண்களுக்கு பார்த்த உடனே ஒருத்தரைப் பிடிச்சிடும்.. அதுக்குக் காரணம் சொல்லத் தெரியாது. அதேமாதிரி யாரையாவது பிடிக்காம போயிடும்.. அதுவும் ஏன்னு அவங்களுக்குத் தெரியாது'' - ஆண் பெண் உளவியலை மிக இயல்பாக அடுக்குகிறார் எழுத்தாளர் எஸ்.ராமகிருஷ்ணன்.

''என்னை வியக்க வச்ச பெண்கள் எல்லாரும் ரொம்ப சாதாரணமானவங்க. அவங்க யாரு... பேர் என்ன... எதுவுமே எனக்குத் தெரியாது. யோசிச்சுப் பார்த்தா முகம் கூட ஞாபகத்துக்கு வராது. ஆனா, என் கண் முன்னாடி அவங்க செஞ்ச சின்ன செயல், என்னை ரொம்ப யோசிக்க வைக்கும்.

ஒரு மழை நாள்ல ரோட்டோரத்துல நான் பார்த்த காட்சி இது. நடுங்குற கையில குடை பிடிச்சுக்கிட்டு ஒரு பாட்டி நடந்து போறாங்க. பேரப் பிள்ளைங்க ரெண்டு பேரு அவங்க குடையிலயே ஒண்டிக்கிட்டு நனையாம வர்றாங்க. குடை பிடிச்சிருக்குற பாட்டி அதை லேசா அசைச்சாக்கூட யாராவது ஒருத்தர் நனைஞ்சுடுவாங்க. ஆனா, அந்தப் பாட்டிக்குக் கை நடுங்குதே தவிர, குடை அசையலை.

பிரதோஷம் அன்னிக்கு கோயிலுக்குப் போய் பார்த்திருக்கீங்களா? பெண்கள் கூட்டத்துல ஒரே தள்ளுமுள்ளா இருக்கும். அந்தக் கூட்டத்துல கிட்டத்தட்ட பாதிப்பேர் ஒரு புகாரோடதான் கடவுளைப் பார்க்க வர்றாங்க.

நான் யோசிச்சுப் பார்த்தேன்... இந்த மழை மட்டும் இல்லைன்னா இந்தப் பசங்க பாட்டியோட இவ்வளவு நெருக்கமா சேர்ந்து நடப்பாங்களா? நிச்சயமா இல்லை. இது அந்தப் பாட்டிக்கும் தெரியுது. நனையாம இருக்கத்தான் நம்மளோட ஒட்டுதுங்க... அந்த நினைப்பு வீணாயிடக் கூடாதேனுதான் அத்தனை கவனமா குடை பிடிக்கிறாங்க பாட்டி. பேரப் பிள்ளைங்க ரெண்டு பேருமே குடை பிடிக்கிற அளவுக்கு வளர்ந்தவங்கதான். ஆனா, அவங்க யாரும் குடையை வாங்கலை. அவங்களுக்கே தெரியும்... யாரும் நனைஞ்சுடக் கூடாதுங்கற பொறுப்பு - அந்த சுயநலம் கடந்த பொறுப்பு பாட்டிக்கு மட்டும்தான் வரும்னு!

இது ஒரு சின்ன காட்சிதான். ஆனா, இது எனக்குள்ள விதைச்ச தத்துவங்கள் நிறைய. நீங்களும் யோசிச்சுப் பாருங்களேன்... ஒரு குடும்பத்தை நிர்வாகம் பண்றதும் குடை பிடிக்கிறதும் கிட்டத்தட்ட ஒண்ணு மாதிரி தோணலை..?

இதேமாதிரி இன்னொரு காட்சி.. என்னோட சின்ன வயசுலயே என்னை ரொம்பவும் பாதிச்ச காட்சி அது.

இது ஓர் ஆப் எக்ஸ்க்ளூசிவ் படைப்பு!

நீங்கள் விகடன் ஆப் பயன்படுத்துபவர் என்றால் கீழே க்ளிக் செய்து இதை App-ல் வாசிக்கலாம். இல்லை எனில், விகடன் ஆப் இன்ஸ்டால் செய்யவும்.

முதல்முறையாக ஆப் ரிஜிஸ்டர் செய்பவர்கள் அனைத்து விகடன் இதழ்களையும் விளம்பரங்களின்றி இலவசமாக வாசிக்கலாம்.