Published:Updated:

`தனிநபர் ஆண்டு வருமானத்தில் வங்கதேசம் இந்தியாவை முந்தும்!' - ஐ.எம்.எஃப் கணிப்பு

உலகப் பொருளாதாரம் நடப்பு 2020 மற்றும் வரும் 2021-ம் ஆண்டில் எப்படி இருக்கும் என்கிற கணிப்பு அறிக்கையை ஐ.எம்.எஃப் வெளியிட்டுள்ளது.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

கொரோனா வைரஸ் பரவல் பாதிப்பு இருக்கும் நிலையில் உலகப் பொருளாதாரம் நடப்பு 2020 மற்றும் வரும் 2021-ம் ஆண்டில் எப்படி இருக்கும் என்கிற கணிப்பு அறிக்கையை சர்வதேச நிதியம் (International Monetary Fund - IMF) வெளியிட்டுள்ளது.

தனிநபர் வருமானத்தில் பின்தங்கும் இந்தியா

ஜி.டி.பி-யில் இந்தியாவில் தனிநபர் ஒருவரின் ஆண்டு சராசரி வருமானம் (India's per capita GDP) 2021, மார்ச் 31–ம் தேதி நிலவரப்படி, 1,877 டாலராக (ரூபாய் மதிப்பில் 1,37,960) இருக்கும் என இப்போது ஐ.எம்.எஃப் கணித்துள்ளது. இது, முந்தைய கணிப்பைவிட 4.5% குறைவாகும். அதேநேரத்தில், பங்களாதேஷில் தனிநபர் ஒருவரின் ஆண்டு சராசரி வருமானம், 3.8% அதிகரித்து $1,888 டாலராக அதிகரிக்கும் என மதிப்பிடப்பட்டுள்ளது. இது இந்தியாவைவிட 11 டாலர் (ரூபாய் மதிப்பில் ரூ.808.50) அதிகமாகும்.

இது தொடர்பாக காங்கிரஸ் கட்சியின் ராகுல் காந்தியின் ட்விட்டர் டிரெண்ட் ஆகிக்கொண்டிருக்கிறது. ஐ.எம்.எஃப். கணிப்பின்படி, தெற்கு ஆசியாவில் பாகிஸ்தான், நேபாளத்துக்கு அடுத்து இந்தியா மூன்றாவது ஏழை நாடாக இருக்கும்.

இந்தியாவைவிட பங்களாதேஷ், பூடான், இலங்கை, மாலத் தீவுகள் ஆகிய நாடுகளில் தனிநபர் வருமானம் அதிகமாக இருக்கும் எனக் கணிக்கப்பட்டிருக்கிறது. நடப்பு 2020-ம் ஆண்டில் உலகப் பொருளாதார வளர்ச்சி 4.4% சரிவடையும். அடுத்த ஆண்டு 5.5% வளர்ச்சி காணும் என ஐ.எம்.எஃப் கணித்துள்ளது.

ராகுல் காந்தியின் ட்வீட்
ராகுல் காந்தியின் ட்வீட்

பல்வேறு நாடுகளின் பொருளாதார வளர்ச்சி எப்படி இருக்கும் எனவும் ஐ.எம்.எஃப் வெளியிட்ட இந்த அறிக்கையில் தெரிவிக்கப்பட்டுள்ளது. அமெரிக்க பொருளாதார வளர்ச்சி இந்த ஆண்டு 5.8% குறையும். ஆனால், 2021-ம் ஆண்டு 3.9% வளர்ச்சி காணும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இந்தியா வேகமாக வளரும் நாடு

இந்தியப் பொருளாதார வளர்ச்சி (மொத்த உள்நாட்டு உற்பத்தி – ஜி.டி.பி) நடப்பு 2020-ம் ஆண்டு 10.3% சரிவடையும். ஆனால், அடுத்த ஆண்டு 8.8% வளர்ச்சியுடன் மீண்டுஎழும் என ஐ.எம்.எஃப் தெரிவித்துள்ளது. அதன்மூலம், வேகமாக வளரும் நாடு என்ற அந்தஸ்தை இந்தியா மீண்டும் பெறும். கடந்த 2019-ம் ஆண்டில் இந்தியாவின் ஜி.டி.பி வளர்ச்சி 4.2 சதவிகிதமாக இருந்தது.

GDP / இந்தியா
GDP / இந்தியா

கொரானா தொற்று நோய் முதலில் தோன்றிய சீனாவில் மட்டும்தான் நடப்பு 2020-ம் ஆண்டில் பொருளாதார வளர்ச்சி பாசிட்டிவாக இருக்கும் எனக் கணக்கிடப்பட்டுள்ளது. அதாவது, சீனாவின் பொருளாதார வளர்ச்சி நடப்பு ஆண்டில் 1.9 சதவிகிதமாக இருக்கும் என சர்வதேச நிதியம் சொல்லி இருக்கிறது. வரும் 2021 -ம் ஆண்டில் சீனாவின் பொருளாதார வளர்ச்சி 8.2 சதவிகிதம் இருக்கும். இந்த வளர்ச்சி இந்தியாவைவிட 0.6% குறைவாகும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு