Published:Updated:

வங்கிக்கடன் வாங்கும்போது கடன் வழங்கல் கடிதத்தை சரிபார்ப்பது ஏன் முக்கியம்? #LoanVenumaSir - 19

Rupee ( Photo: rupixen )

பின்வரும் ஐந்து விஷயங்களை நீங்கள் கவனத்தில் கொண்டு செயல்பட்டால், கடன் வாங்குவது உங்களுக்குப் பெரிய பிரச்னையாக இருக்காது.

வங்கிக்கடன் வாங்கும்போது கடன் வழங்கல் கடிதத்தை சரிபார்ப்பது ஏன் முக்கியம்? #LoanVenumaSir - 19

பின்வரும் ஐந்து விஷயங்களை நீங்கள் கவனத்தில் கொண்டு செயல்பட்டால், கடன் வாங்குவது உங்களுக்குப் பெரிய பிரச்னையாக இருக்காது.

Published:Updated:
Rupee ( Photo: rupixen )

பொதுவாக, வங்கிக் கடன்களை வாங்கும்போது சில விஷயங்களை மறக்காமல் மனதில் வைத்திருக்க வேண்டும். பின்வரும் ஐந்து விஷயங்களை நீங்கள் கவனத்தில் கொண்டு செயல்பட்டால், கடன் வாங்குவது உங்களுக்குப் பெரிய பிரச்னையாக இருக்காது.

1. எளிமையாக வாழ முயற்சி செய்யுங்கள்

`எப்போது எளிமை உங்களிடமிருந்து விடைபெறுகிறதோ, அப்போது அழையா விருந்தாளியாக கடன் உள்ளே நுழைந்துவிடும்' என்று ஒரு பழமொழி இருக்கிறது. கடன் கிடைக்கிறது என்பதற்காக வாங்காதீர்கள். வரும் வருமானத்தில் வாழ்க்கை வசதிகளை அனுபவிக்க வேண்டியதுதான். ஆனால், வாழ்க்கை வசதிகளை அனுபவிக்க கடன் வாங்குவது என்பது, கொள்ளிக்கட்டையை எடுத்து முதுகை சொறிவது போலாகும். கடனுக்கான தேவை இருந்தால் மட்டுமே வாங்குங்கள். இதுவே நிதித் திட்டமிடுதலிலும், நிதி மேலாண்மையிலும் முதல் மற்றும் முக்கியமான மந்திரம் ஆகும்.

ஒட்டுமொத்த விகடனுக்கும் ஒரே ஷார்ட்கட்!

கடன்
கடன்

இது தனிநபர் மற்றும் நிறுவனங்களுக்கும் பொருந்தும். வசதிக்காக கடன் வாங்கி பொருள்களை வாங்கினீர்கள் என்றால் தேவைக்கான பணத்துக்காகப் பொருள்களை விற்க வேண்டியிருக்கும். எந்தக்கடன் வாங்கினாலும் அதைக் கொண்டு எந்தப் பொருளை வாங்கினாலும் அது நமக்கு உடனடித் தேவையா அல்லது அந்தப் பொருளை வாங்குவதைத் தள்ளிப் போடலாமா, அது நம் வருமானத்துக்குள் இருக்கின்றதா, அந்த கடனுக்கான மாதத் தவணையை சரியாகச் செலுத்த முடியுமா ஆகியவற்றைக் கணக்கில் கொண்டே வாங்க வேண்டும். வசதிகளை அனுபவிக்க வேண்டும் தவறில்லை. ஆனால், அது வருமானத்தை மீறிய ஒன்றாக இருக்கக்கூடாது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

2. எந்தக் கடன் எந்தக் காலத்துக்கு?

குறைந்த கால தேவைகளுக்காக நீண்டகால கடன்களும், நீண்டகால தேவைகளுக்காகக் குறைந்த கால கடன்களும் வாங்குவது சரியான திட்டமிடல் ஆகாது. நம்மில் சிலபேர் நான்கைந்து தனிநபர் கடன் வாங்கி வீடு வாங்க முயல்கிறார்கள். காரணம் கேட்டால் ஆவணங்கள் நம்மிடமே இருக்கும் என்று கூறுகிறார்கள். இது தவறான திட்டமிடல் ஆகும். ஏனெனில், தனிநபர் கடன் வட்டி விகிதம் அதிகம். மேலும் அவை குறைந்த காலமாக ஐந்து அல்லது ஆறு வருடங்களுக்கு மட்டுமே கொடுக்கப்படுகிறது. ஆதலால் மாதத் தவணை அதிகமாகி தங்களை நிதித் சுமையில் ஆழ்த்தும் வாய்ப்புள்ளது. அதேபோல் ஒரு வருட தேவைக்காக 15 வருட அடமான கடன் வாங்குவதும் தவறு.

வீட்டுக் கடன்
வீட்டுக் கடன்

3. விண்ணப்பம் பூர்த்தி செய்யும்போது...

கடன் விண்ணப்ப வடிவத்திலோ, கடன் ஒப்பந்தத்திலோ எக்காரணம் கொண்டும் பூர்த்தி செய்யப்படாமல் தங்களின் கையொப்பத்தை இட வேண்டாம். அதுவும் நீங்கள் முகவர் மூலமாகக் கடன் வாங்கும் பட்சத்தில், அந்த முகவர் தங்களுக்கு ஏற்கெனவே அறிமுகம் இல்லாதபட்சத்தில், பூர்த்தி செய்யப்படாத கடன் விண்ணப்ப படிவம் மற்றும் கடன் ஒப்பந்தத்தில் கையொப்பம் இடுவது ஏற்புடையதல்ல. இதனால் வங்கி முகவர்களைக் குறை கூறுவதாக எடுத்துக்கொள்ள வேண்டாம். எல்லா விதமான பரிவர்த்தனைகளிலும் பயனாளியே முன்னெச்சரிக்கையாக இருக்க வேண்டும்.

அவ்வாறு ஆவணங்களைக் கொடுக்கும்போது எல்லா ஆவணங்களிலும், தங்கள் கையொப்பத்தை இட்டுத் தர வேண்டும். இதை ஆங்கிலத்தில் Self Attestation என்று சொல்வார்கள். அதாவது, கொடுக்கப்பட்டுள்ள ஆவணங்களில் கூறப்பட்டுள்ள தகவல்கள் உண்மையானவை என நீங்கள் உறுதி கூறுகிறீர்கள் என்று அர்த்தம்.

4. எந்த வகையில் கடன்?

ஆவணங்களை வங்கி முகவர்களிடம் கொடுக்கும்போது அவர்கள் எந்த வங்கியில் தங்களின் கடனுக்கான விண்ணப்பத்தை கொடுக்கப்போகிறார்கள் என்று தெரிந்துகொள்ள வேண்டும். மேலும், அவர்கள் பெற்றுக் தரப்போகும் கடன் தொகை, வட்டி விகிதம் மற்றும் இதர கட்டணங்கள் போன்றவற்றையும் விசாரித்துத் தெரிந்துகொள்ளுதல் நலம். ஏதேனும் ஒரு காரணத்துக்காகத் தங்களிடம் சொல்லப்பட்ட வங்கியில் விண்ணப்பிக்காமல், வேறு ஏதாவது வங்கியிலோ, வங்கிசாரா நிதி நிறுவனத்திடம் விண்ணப்பித்தால், அதற்கான காரணத்தைக் கேட்டு தெரிந்துகொள்ளுதல் நலம்.

debt
debt

5. ஒப்புகை எண் அவசியம்!

தங்களின் கடன் விண்ணப்பம், வங்கியிடம் கொடுக்கப்பட்டு விட்டால் அவர்கள் அந்தக் கடன் விண்ணப்பத்தைப் பெற்றுக் கொண்டதற்கு ஒப்புதல் ஆக ஒரு ஒப்புகை எண் (Login Number) கொடுப்பார்கள். அந்த எண்ணைக் கொண்டு தங்களின் கடன் விண்ணப்பம் எந்த நிலுவையில் இருக்கிறது என்பதைத் தெரிந்து கொள்ளலாம். இந்த ஒப்புகை எண் தங்களுக்கு கடன் கொடுக்கப்படும் வரையே உதவிகரமாக இருக்கும். கடன் பரிசீலனை முடிந்து, தங்களுக்குக் கடன் கொடுக்கப்பட்டு விட்டால், தங்களுக்கு கடன் கணக்கு எண் (Loan Account Number) என்று ஒன்றைத் தருவார்கள். தங்களின் மாதாந்தரத் தவணைகள் முடியும்வரை, அந்தக் கடன் கணக்கில் ஏதேனும் குறைகள் இருந்தால், இந்தக் கடன் கணக்கு எண்ணைக் குறிப்பிட்டு வங்கியிடம் நிவாரணம் பெற முடியும்.

நீங்கள் வங்கியிடமிருந்து அல்லது வங்கிசாரா நிதி நிறுவனத்திடமிருந்து வாங்கும் ஒவ்வொரு கடனுக்கும் கடன் வழங்கல் கடிதம் தங்களுக்குக் கொடுக்கப்படும். அதில் தங்களுக்கு அளிக்கப்பட்ட கடன் தொகை, வட்டி விகிதம், கடனை திருப்பிச் செலுத்தும் காலம், மாதாந்தரத் தவணைத் தொகை, இதர கட்டணங்கள் போன்றவை குறிப்பிடப்பட்டிருக்கும். இந்த விவரங்கள் தங்களுக்கு ஏற்புடையதுதானா என்பதை ஒருமுறைக்கு இருமுறை சரிபார்த்துக்கொள்ள வேண்டும்.

இந்த விவரங்களின்படியே தங்களுக்குரிய கடன் தங்களுக்கு வழங்கப்படும். ஆகையால், பெரும்பாலான வங்கி மற்றும் வங்கி நிதி நிறுவனங்கள் இந்தக் கடன் வழங்கல் கடிதத்தில் தங்களின் ஒப்புகை கையொப்பத்தைப் பெற்றுக்கொள்வார்கள். அவ்வாறு நீங்கள் இந்தக் கடன் வழங்கல் கடிதத்தில் ஒப்புகை கையொப்பமிட்டுக் கடனைப் பெற்று, எதிர்காலத்தில் மாதாந்தரத் தவணை பற்றியோ, வட்டிவிகிதம் பற்றியோ நீங்கள் புகார் கூறும் பட்சத்தில் அது பெரும்பாலான சமயங்களில் வங்கிகளால் நிராகரிக்கப் படக்கூடும்.

- முற்றும்