Published:Updated:

பெரும் லாபத்தில் வங்கித் துறை... முதலீடு செய்யலாமா? நிபுணர் சொல்வது என்ன..?

லாபத்தில் வங்கித் துறை...
பிரீமியம் ஸ்டோரி
லாபத்தில் வங்கித் துறை...

B A N K S E C T O R

பெரும் லாபத்தில் வங்கித் துறை... முதலீடு செய்யலாமா? நிபுணர் சொல்வது என்ன..?

B A N K S E C T O R

Published:Updated:
லாபத்தில் வங்கித் துறை...
பிரீமியம் ஸ்டோரி
லாபத்தில் வங்கித் துறை...

கொரோனா ஊரடங்கு காரணமாக நமது நாட்டின் பொருளாதார வளர்ச்சி மிகவும் பாதிப்படைந்துள்ள நிலையில், வங்கித் துறை வரலாறு காணாத லாபத்தை ஈட்டியுள்ளது. 2018-19-ம் நிதி ஆண்டில் வங்கித்துறை ரூ.5,000 கோடி நஷ்டத்தைச் சந்தித்திருந்த நிலையில், 2020-21-ம் நிதி ஆண்டில் ரூ.1,02,252 கோடி லாபம் ஈட்டியுள்ளது.

எஸ்.பி.ஐ, ஹெச்.டி.எஃப்.சி வங்கிகள் வங்கித் துறையின் மொத்த லாபத்தில் 50 சதவிகிதத்துக்கும் மேல் பங்களித்துள்ளன. ஹெச்.டி.எஃப்.சி வங்கியின் நிகர லாபம் ரூ.31,116 கோடி ஆகும். முந்தைய நிதி ஆண்டைக் காட்டிலும் இது 18% அதிகம். அதே போல, எஸ்.பி.ஐ ரூ.20,410 கோடி லாபம் ஈட்டியுள்ளது. இது முந்தைய நிதி ஆண்டைக் காட்டிலும் 20% அதிகம். இதற்கு அடுத்தபடியாக ஐ.சி.ஐ.சி.ஐ வங்கி ரூ.16,192 கோடி லாபம் ஈட்டியுள்ளது. இது முந்தைய ஆண்டைக் காட்டிலும் இரண்டு மடங்கு வளர்ச்சி ஆகும்.

பெரும் லாபத்தில் வங்கித் துறை...
முதலீடு செய்யலாமா? நிபுணர் சொல்வது என்ன..?

தற்போதுள்ள 12 பொதுத்துறை வங்கிகளில் பஞ்சாப் அண்ட் சிந்த் பேங்க், சென்ட்ரல் பேங்க் ஆஃப் இந்தியா மட்டுமே நஷ்டம் அடைந் துள்ளன. தனியார் வங்கிகளில் யெஸ் பேங்க் மட்டும் ரூ.3,642 நிகர இழப்பைச் சந்தித்துள்ளது.

வங்கித்துறை ஈட்டியுள்ள ரூ.1,02,252 கோடி லாபத்தில், பொதுத்துறை வங்கிகளின் லாபம் ரூ.31,817 கோடி யாகவும், தனியார் வங்கிகளின் லாபம் ரூ.70,435 கோடியாகவும் பதிவாகியுள்ளது. ஆனால், 2019-2020-ம் ஆண்டில் பொதுத்துறை வங்கிகள் ரூ.26,015 கோடி நிகர இழப்பையும், தனியார் வங்கிகள் ரூ.21,078 கோடி நிகர லாபத்தையும் சம்பாதித்திருந்தன. கடந்த ஐந்து ஆண்டுகளில் முதன்முறையாகப் பொதுத்துறை வங்கிகள் நிகர லாபத்தை ஈட்டியிருக்கிறது.

நெருக்கடியான காலகட்டத்திலும் வங்கித்துறை சிறப்பாகச் செயலாற்றியதற்கான காரணம் குறித்து பங்குச் சந்தை நிபுணர் ஏ.கே.பிரபாகரிடம் பேசினோம்.

ஏ.கே.பிரபாகர்
ஏ.கே.பிரபாகர்

``கொரோனா நோய்த்தொற்றுப் பரவலில், ஓய்வில்லாமல் இயங்கிய துறைகளில் வங்கித் துறையும் ஒன்று. தற்போது வெளியாகியிருக்கும் தரவுகளின்படி, வங்கிகள் கொரோனா காலத்தில் அதிக லாபத்தை ஈட்டி யிருந்தாலும், ஒரு சில வங்கிகளின் கடன் வளர்ச்சி மட்டுமே சிறப்பாக இருக்கிறது. இதற்கு காரணம், பெரிய அளவில் கடன் வாங்கிய நிறுவனங்கள், அதைத் திருப்பிச் செலுத்த ஆரம்பித்திருக்கின்றன. உதாரணமாக, டாடா ஸ்டீல் நிறுவனம் மட்டுமே வங்கிகளில் வாங்கிய கடன்களில் சுமார் 28,000 கோடி ரூபாயை திருப்பிச் செலுத்தி யிருக்கிறது. அதேபோல, ஜே.எஸ்.டபிள்யூ ஸ்டீல், செயில் போன்ற நிறுவனங்களும் கடனைத் திருப்பிச் செலுத்தியிருக்கின்றன. சர்க்கரை உற்பத்தியில் உள்ள நிறுவனங்களும் கடனைக் கட்டத் ஆரம்பித்துள்ளன.

தற்போதைய நிலையிலும் வங்கி களிடமிருந்து கடன்களை வாங்கிக் கொண்டிருப்பது ரீடெய்ல் துறை சார்ந்த நிறுவனங்கள் தான். ஏனெனில், இன்னும் அவை கொரோனா ஏற்படுத்திய பாதிப்பி லிருந்து மீளவில்லை.

பெரும்பாலான வங்கிகள் பாதுகாப்பான தங்க நகைக் கடன் மற்றும் வீட்டுக் கடன்களை அதிகம் வழங்குகின்றன. குறிப்பாக, ஃபெடரல் பேங்க், சி.எஸ்.பி அதிகம் தங்க நகைக் கடன்களிலும் ஐ.சி.ஐ.சி.ஐ மற்றும் எஸ்.பி.ஐ வீட்டுக் கடன் வழங்கு வதிலும் கவனம் செலுத்துகின்றன.

இந்த நேரத்தில் வங்கிப் பங்குகளில் முதலீடு செய்ய நினைப்பவர்கள், தொழில்நுட்ப கட்டமைப்பு எந்த வங்கியில் சிறப்பாக இருக்கிறதோ, எந்த வங்கியால் தொழில்நுட்ப கட்டமைப்பை சிறப்பாகக் கொண்டு வர முடியுமோ, எந்த வங்கி வாடிக்கையாளர்களை அதிகம் ஈர்க்கிறதோ அந்த வங்கிகளைக் கவனித்து, அதில் முதலீடு செய்வது நல்லது’’ என்றார்.