Published:Updated:

வெற்றிகரமாக முடிந்த இந்தியன் வங்கி - அலகாபாத் வங்கி இணைப்பு! இந்தியன் வங்கிக்கு சாதகமா..?

இந்தியன் வங்கி
பிரீமியம் ஸ்டோரி
இந்தியன் வங்கி

B A N K M E R G E R

வெற்றிகரமாக முடிந்த இந்தியன் வங்கி - அலகாபாத் வங்கி இணைப்பு! இந்தியன் வங்கிக்கு சாதகமா..?

B A N K M E R G E R

Published:Updated:
இந்தியன் வங்கி
பிரீமியம் ஸ்டோரி
இந்தியன் வங்கி

ராமபத்ரன்

பொதுவாக, இரு பெரிய நிறுவனங்கள் இணைக்கப் படும்போது, பல பிரச்னை களை எதிர்கொள்ள வேண்டியிருக்கும். அந்தப் பிரச்னைகளைச் சமாளிக்க முடியாதபோது, அந்த இணைப்பே தோல்வியில் முடிந்துவிடும் நிலைகூட உருவாகும். ஆனால், சமீபத்தில் மேற்கொள்ளப் பட்ட அலகாபாத் வங்கி - இந்தியன் வங்கி இணைப்பு வெற்றிகரமானதாக முடிந்திருக்கிறது. இந்த இணைப்பால் யாருடைய வேலையும் பறிபோக வில்லை. இரு வங்கிகளும், அதில் வேலை பார்க்கும் ஊழியர்களும் தொடர்ந்து முன்னேறுவதற்கான அடித்தளமாகவும் இந்த இணைப்பு நடவடிக்கை அமைந்தது ஆச்சர்யமான விஷயம்.

மகிழ்ச்சியில் ஊழியர்கள்...

அலகாபாத் வங்கியில் 2005-ல் சேர்ந்த குமாரி மம்தாகுமாரி, பீகாரில் வளர்ந்தவர். இவர், இப்போது கேரளாவின் எர்ணாகுளத்தில் இந்தியன் வங்கியின் மண்டல மேலாளர். இந்த இணைப்பு நடவடிக்கை நடக்காமல் இருந்தால் இந்த இடத்தை எட்ட அவருக்கு ஒன்று அல்லது இரண்டு ஆண்டுகள் ஆகியிருக்கும். ‘‘தென் இந்தியாவில் தற்போது எனக்குக் கிடைத்துள்ள பொறுப்பு பெரும் சவாலாக இருக்கும் என நினைத்தேன். ஆனால், எந்தப் பிரச்னையும் இல்லாமல் அதைக் கடந்து வந்துவிட்டேன்’’ என்கிறார்.

அதேபோல், அலகாபாத் வங்கியின் ஜபல்பூர் மண்டல மேலாளராகப் பணிபுரிந்த தீரஜ் பாட்டியா, இந்த வங்கி இணைப்பு நடவடிக்கை மூலம் பதவி உயர்வு கிடைத்து டெல்லிக்கு மாற்றலாகி இருக்கிறார். மேலும், இணைப்புக்குப் பிறகு உயர் பதவி களில் பல காலியாக உள்ளன. இதனால் புதிய வாய்ப்புகள் உருவாகி, எளிதாக மாற்றலாகி, தன் குடும்பத்துடன் இருக்கிறார் தீரஜ்.

நினைத்தைவிட சுலபமாக முடிந்தது...

முதலில் அலகாபாத் வங்கியை, இந்தியன் வங்கியுடன் இணைப்பது கடினமானதாக இருக்கும் என்று இரு வங்கிகளைச் சேர்ந்தவர்களும் கருதினார்கள். காரணம், இரண்டுமே பெரிய வங்கிகள் என்பதுடன், 100 ஆண்டு வரலாறு கொண்டவையும்கூட.

இந்தியன் வங்கியுடன் ஒப்பிடும்போது அலகாபாத் வங்கியின் வர்த்தகம் சற்றுக் குறைவுதான். ஆனால், கிளைகளும் ஊழியர்களின் எண்ணிக்கையும் இந்தியன் வங்கியைவிட அதிகம். அலகாபாத் வங்கியின் கிளைகளின் எண்ணிக்கை 3,229, ஊழியர்கள் எண்ணிக்கை 23,210. இந்தியன் வங்கியின் கிளைகளின் எண்ணிக்கை 2,875, ஊழியர் கள் எண்ணிக்கை 19,604. ஆனால், பிற வங்கிகள் இணைக்கப்பட்டபோது மூடப் பட்ட கிளைகளின் எண்ணிக்கையை விடவும் இந்த இணைப்பில் மூடப்பட்ட கிளைகளின் எண்ணிக்கை மிகக் குறைவு.

இந்தியன் வங்கி
இந்தியன் வங்கி

எதிரும் புதிருமான அணுகுமுறை...

இந்தியன் வங்கி தென் இந்தியாவிலும், அலகாபாத் வங்கி மத்திய மற்றும் கிழக்கு இந்தியாவிலும் பரவி இருந்தன. இந்த இரு வங்கிகளையும் இணைக்கும்போது, அதில் பணிபுரிபவர்களின் கலாசாரம் மற்றும் சூழல் இணைப்புக்குப் பிறகு எப்படி இருக்கும் என்பது போன்ற கேள்விகள் எழுந்தன. அது மட்டுமல்ல, இந்தியன் வங்கி மிகவும் நிதானமாகச் செயல்படும் ‘கன்சல்வேட்டிவ்’ வங்கியாகவே பலரும் கருதினார்கள். ஆனால், அலகாபாத் வங்கியோ தீவிரமாகச் செயல்படும் ‘அக்ரெசிவ்’ வங்கியாகக் கருதப்பட்டது. இரு வங்கிகளும் வெவ்வேறு பகுதிகளில், வெவ்வேறு மொழி பேசுபவர்கள், வெவ்வேறு கலாசார அடிப் படைகளில் செயல்படுபவை என்பதெல்லாம் வங்கி நிர்வாகத்தை மிகவும் யோசிக்க வைத்தது.

சுறுசுறுப்பான செயல்பாடுகள்...

மேலும், இந்த இணைப்பு நடவடிக்கையின்போதுதான் உயர்மட்ட அளவில் பத்துக்கும் மேற்பட்ட மேலாளர்கள் 2020 ஜனவரி முதல் ஆகஸ்ட் வரை யிலான காலத்தில் ஓய்வு பெறு வதற்கான கட்டத்தில் இருந்தனர். இதனால் தலைமைப் பொறுப்பு களில் பெரிய வெற்றிடம் உருவாகும் சூழலும் ஏற்பட்டது. வங்கியின் மனிதவளப் பிரிவின் ஒருங்கிணைந்த செயல்பாட்டால் இந்த இணைப்பு நடவடிக்கையை எந்தவிதப் பிரச்னையும் இல்லாமல் நிறைவேற்றியது இந்தியன் வங்கியின் நிர்வாக இயக்குநர் மற்றும் சி.இ.ஓ பத்மஜா சுந்துருவின் தலைமையிலான குழு. சரியான, துரிதமான தகவல் பரிமாற்றம் இதைச் சாத்தியப் படுத்தியதுடன், ஆறு மண்டலங் களின் இரு வங்கிகளின் பணி யாளர்களையும் சந்திக்க வைத்து, தேவையான நடவடிக்கைகளைச் சுறுசுறுப்பாக எடுத்தது பத்மஜா தலைமையிலான குழு.

இரு வங்கிகளின் நிர்வாகம் செய்ய நினைத்ததைப் பணி யாளர்களும் புரிந்துகொண்டு, இணைப்புக்குத் தேவையான ஆதரவை அனைத்து வகையிலும் தந்தது ஆச்சர்யம்தான். அதே சமயம், இரு வங்கிகளின் அதிகாரிகளும் சந்தித்து தங்களுடைய கொள்கைகளையும் நோக்கங்களையும் வணிகத் திட்டங்களையும் தொழில் நடைமுறைகளையும் பகிர்ந்து கொண்டார்கள். இணைப்புக்குப் பிறகு, அவற்றைச் செயல் படுத்துவது குறித்தும் தெளிவு படுத்திக்கொண்டார்கள்.

இணைப்பால் செலவு குறையும்...

பிற இணைப்புகள் போல் அல்லாமல் இந்த வங்கிகளின் இணைப்பில் மிகக் குறைவான எண்ணிக்கையிலேயே வங்கிகள் மூடப்பட்டுள்ளன. இந்தியன் வங்கி 200 கிளைகளை மட்டுமே குறைத்துள்ளது. மேலும், 50 கிளைகள் அடுத்த 6-9 மாதங்களில் குறைக்கப்படலாம். ஏறக்குறைய 2,000 பணியாளர்கள் இந்த இணைப்பு நடவடிக்கைகளில் இடமாற்றம் ஆகியுள்ளனர். ஏப்ரல் 1, 2020-க்குப் பிறகு 94 பணியாளர்கள் விருப்ப ஓய்வு பெற்றுச் சென்றுள்ளனர்.

இந்த வங்கிகளின் இணைப்பு குறித்து பங்குச் சந்தை நிபுணர் வ.நாகப்பன், ‘‘பொதுத்துறை வங்கிகள் இணைந்து தனியார் வங்கிகளின் போட்டியை எதிர்கொள்வது நல்ல விஷயம் தான். மேலும் இதுபோன்ற இணைப்பு பெருமளவிலான செலவுகளைக் குறைக்க உதவியாக இருக்கும். தொழில் நுட்ப மேம்படுத்தல்களும் எளிதாகவும், செலவு குறைவாக வும் இருக்கும்’’ என்றார்.

பத்மஜா சுந்துரு
பத்மஜா சுந்துரு

இந்தியன் வங்கியின் எதிர்காலம்...

இந்த இணைப்புக்குப் பிறகு இந்தியன் வங்கியின் அதன் அனைத்துப் பிரிவுகளிலும் அதாவது, கார்ப்பரேட், எம்.எஸ்.எம்.இ, ரீடெய்ல் மற்றும் அக்ரி என அனைத்துப் பிரிவுகளிலும் உள்ள வாய்ப்புகளைப் பயன் படுத்திக்கொள்ள மக்கள் தயாராக இருக்கிறார்கள். மேலும், டிஜிட்டல் சேவைகளிலும் வங்கியின் கவனம் அதிகரித்து உள்ளது. IndOASIS மொபைல் செயலி அனைத்து விதமான வங்கிச் சேவை களையும் வழங்குகிறது. கடன் வழங்கு வதற்கான அத்தனை செயல்பாடு களும் டிஜிட்டல் மூலமாகச் செயல்படுத்துவதற்கான வசதி களும் உள்ளன. எனவே, 2021- 22-ம் நிதி ஆண்டில் 10-12% வளர்ச்சியை எதிர்பார்க்கலாம்.

வங்கியின் சி.ஆர்.ஏ.ஆர் (Capital-to-Risk weighted Assets Ratio - CRAR) 2020 டிசம்பர் நிலவரப்படி, 14.06 சதவிகிதமாக உள்ளது. இது ஒழுங்குமுறை ஆணையம் நிர்ணயிக் கப்பட்ட அளவைவிட அதிகம். ரூ.4,000 கோடி அளவுக்கு பங்கு மூலதனத்தைத் திரட்டிக்கொள்ளவும் இந்தியன் வங்கி யின் இயக்குநர்கள் குழு ஒப்புதல் அளித்துள்ளது. வங்கியின் இயக்குநர் குழுவால் அங்கீகரிக்கப்பட்ட ஒரு நீண்டகால உத்தி சார்ந்த திட்டத்தால் டிஜிட்டல் முன்னெடுப்புகள், வருவாய் அதிகரிப்பு மற்றும் செலவுக் குறைப்பு, பணியாளர்களின் வளர்ச்சி ஆகிய வற்றிலும் அதிக கவனம் செலுத்தப்படும்.

தற்போது இந்த வங்கி இந்தியா முழுவதும் சேவையை அளித்து வருகிறது. இது வங்கியின் மீதான நம்பிக்கையை அதிகரித்துள்ளது. எனவே, வங்கி மற்றும் வாடிக்கையாளர் இடையிலான உறவு மேலும் வலுவானதாக இருக்கும். அதிக அளவிலான வங்கிக் கிளைகள், இணையச் சேவை, மொபைல் பேங்கிங் சேவை மேலும் முக்கியமாகத் தொழில் சார்ந்த சேவைகள் ஆகியவை உள்ளன. வங்கியின் வர்த்தகம் நிலையான வளர்ச்சியை எட்டுவதற்கான அறிகுறிகள் 2020-21-ம் நிதி ஆண்டின் முதல் மூன்று காலாண்டுகளில் பார்க்க முடிந்தது. வங்கியின் வாராக் கடன் அளவும் வெகுவாகக் குறைந்துள்ளது. வங்கி யின் ரீடெய்ல், அக்ரி மற்றும் எம்.எஸ்.எம்.இ (RAM) வர்த்தகம் 56 சதவிகித மாகவும், கார்ப்பரேட் வர்த்தகம் 44 சதவிகிதமாகவும் உள்ளது. இந்த இரண்டுப் பிரிவுகளிலும் வளர்ச்சிக்கான சாத்தியங்கள் அதிகமாக உள்ளன. எனவே, வங்கியின் நிதிநிலை வரும் காலத்தில் சிறப்பான வளர்ச்சியைப் பதிவு செய்யும் என்று சந்துரு கூறியுள்ளார்.

வங்கிகள் இணைப்பு...
வங்கிகள் இணைப்பு...

ஆய்வாளர்களின் கருத்துகள்...

இந்த வங்கி குறித்து டார்ட் (DART - Dolat Analyst & Research Theme) நிறுவனம் கூறியுள்ளதாவது... “இந்தியன் வங்கி மற்ற பொதுத்துறை வங்கிகளுடன் ஒப்பிடுகையில் நிலையான வளர்ச்சியைப் பதிவு செய்திருப்பதுடன், அதன் சொத்து களின் தரமும் சிறப்பாக இருந்துள்ளது. அதன் கேப்பிடல் நிலையும் மற்ற பொதுத்துறை வங்கிகளைக் காட்டிலும் சிறப்பான அளவில் 10.35 சதவிகிதமாக உள்ளது. மேலும், கேப்பிடல் நுகர்வும் 49.6% என்ற அளவில் ஆரோக்கியமாக உள்ளது. எனவே, உடனடி கேப்பிடல் தேவையும் குறைவாகவே உள்ளது.”

வால்ஃபோர்ட் ஃபைனான்ஷியல் சர்வீசஸ் (Walfort financial Services ltd) நிறுவனம் இந்த வங்கி பற்றி கூறியிருப் பதாவது... ‘‘இந்த வங்கி இணைப்பு நடவடிக்கை இதுவரை இந்தியன் வங்கி பல்வேறு வழிகளில் பாசிட்டிவ்வாக மாறியுள்ளது. அதன் நிதிநிலை அறிக்கையின் மதிப்பு உயர்ந்துள்ளது. மேலும், இந்தியா முழுவதும் அதன் வர்த்தகம் அதிகரிக்க உள்ளது. இந்த இணைப் பின் மூலம் வங்கிக்கு பெரிய அளவில் திறமையான மனிதவளம் கிடைத் துள்ளதுடன், பல்வேறு சிறந்த திட்டங்கள் மற்றும் வாய்ப்புகள் உருவாகியுள்ளன. அதிகரித்துள்ள செயல்பாடு மற்றும் நடைமுறைச் செயல்திறன்களைப் பயன்படுத்தி மேலும் வளர்ச்சியடையும் சாத்தியமும் உள்ளது.’’

எம்.கே குளோபல் (MK Global) நிறுவனம் சொல்லி இருப்பதாவது... ‘‘இரு வங்கிகளின் இணைப்பு விரைவாகவும் சுமுகமாகவும் செயல்படுத்தப்பட்டதன் மூலம் அதன் காசா வலுவாகியுள்ளது. மேலும், புதிய ஒருங்கிணைந்த இந்தியன் வங்கியின் நிர்வாகம் செயல்திறன் மிக்கதாகவும், வலுவான தொழில்நுட்ப அம்சங்களைக் கொண்டதாகவும் உள்ளது. வங்கி மண்டலங்களின் எண்ணிக்கையைக் குறைத்துள்ளது. இதுவரை 200 கிளைகள் குறைக்கப்பட்டுள்ளன. இதனால் கணிசமாகச் செலவும் குறையும். இந்த இணைப்புக்குப் பிறகு காசா 41 சதவிகிதமாக உள்ளது. இதன் பலன் விரைவில் அதன் LDR/NIM-ல் (Loan-to-Deposit Ratio/Net Interest Margin) வெளிப்படும் என எதிர்பார்க்கலாம்!

தமிழில்: திவ்யா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism