Published:Updated:

வங்கி வேலை... முயன்றால் நிச்சயம் கிடைக்கும்!

வங்கி வேலை... முயன்றால் நிச்சயம் கிடைக்கும்!
பிரீமியம் ஸ்டோரி
வங்கி வேலை... முயன்றால் நிச்சயம் கிடைக்கும்!

நாணயம் எம்ப்ளாய்மென்ட்! - 2ஞா.சக்திவேல் முருகன்

வங்கி வேலை... முயன்றால் நிச்சயம் கிடைக்கும்!

நாணயம் எம்ப்ளாய்மென்ட்! - 2ஞா.சக்திவேல் முருகன்

Published:Updated:
வங்கி வேலை... முயன்றால் நிச்சயம் கிடைக்கும்!
பிரீமியம் ஸ்டோரி
வங்கி வேலை... முயன்றால் நிச்சயம் கிடைக்கும்!
வங்கி வேலை... முயன்றால் நிச்சயம் கிடைக்கும்!

ன்றைக்கு வங்கி என்பது அவசியமான ஒன்றாக மாறி இருக்கிறது. வங்கியில் பணப் பரிமாற்றம் செய்யாமல் வாழ்க்கையை நகர்த்த முடியாது என்பதற்கு இன்றைக்கு ஏராளமானோர் வங்கி மற்றும் ஏடிஎம் வாசலில் வரிசைகட்டி நிற்பதே சாட்சி.

கடந்த ஐந்து ஆண்டுகளாக வங்கி வேலைக்கு இளைஞர்களிடையே போட்டி அதிகரித்து வருகிறது. இந்த,  டிசம்பரில் தொடர்ந்து எல்லா வார விடுமுறை நாட்களிலும் எட்டு வங்கித் தேர்வுகள் நடக்கவிருக்கின்றன. அடுத்த ஆண்டுகளிலும் இதுபோல் வங்கித் தேர்வுகள் வரிசையாக வரவுள்ளன.

இந்தப் போட்டியில் ஜெயித்து வங்கி வேலையினைப் பெறுவது குறித்து சென்னை ரேஸ் இன்ஸ்ட்டியூட் நிறுவனத்தின் இயக்குநர் பரத் வழங்கும் டிப்ஸ் இனி:

‘‘வங்கித் தேர்வுக்கு இளநிலை பட்டப்படிப்பு படிக்கும்போதே ஆரம்பித்துவிடலாம். இது சரியான சமயம். முப்பது வயது வரை தேர்வு எழுதலாம். என்றாலும், இளம் வயதிலேயே தேர்வு எழுதி வெற்றி பெறுவது எளிது. எந்தப் பட்டப் படிப்பு படித்தாலும் பரவாயில்லை. எளிதில் வங்கித் தேர்வு எழுதலாம். பட்டப்படிப்பு இறுதித் தேர்வு முடித்தவுடன் மூன்று, நான்கு மாதங்களில் வங்கித் தேர்வு எழுதி வேலைக்கு சேர்ந்துவிடலாம்.

வங்கித் தேர்வில் கணக்குப் பாடத்தில் கேட்கப்படும் கேள்விகள் எட்டாம் வகுப்பு வரை உள்ள கணக்குப் புத்தகத்தில் உள்ள கணக்குகள்தான். அதனால் எளிதாகவே இருக்கும். எட்டாவது படிக்கும்போது அந்தக் கணக்கு போடுவதற்கு ஐந்து நிமிடங்கள் தந்திருப்பார்கள். ஆனால், வங்கித் தேர்வில் ஒரு நிமிடத்துக்கும் குறைவான நேரத்தில் பதிலளிக்க வேண்டி இருக்கும்,  அவ்வளவே வித்தியாசம்.

கணக்குப் பாடம் தொடர்பான கேள்விகளுக்கு அடுத்து ரீசனிங் பிரிவில் இருந்து நிறைய கேள்விகள் வரும். இவைகள் புதிர் சார்ந்த வகையில கேள்விகளாக இருக்கும். இதுவும் எளிய முறையில்தான் இருக்கும். இதற்கு விடையினைக் கண்டுபிடிப்பதற்கு நிறைய ‘ஷார்ட் கட்’ இருக்கின்றன. திரும்பத் திரும்ப ரீசனிங் கேள்விகளுக்குப் பதிலளிக்கும்போது நாமே ஷார்ட் கட் முறையினைக் கற்றுக்கொள்ள முடியும்.

நிறையபேர் தேர்ச்சி பெறாத பாடம் என்றால், அது ஆங்கிலம்தான். சுமார் 58% பேர் ஆங்கிலத்தில் தோல்வி அடைகிறவர்களாக இருப்பார்கள். வங்கித் தேர்வுக்கு நுழைபவர்கள் கணிதமும், ரீசனிங் பாடமும் கஷ்டம் என்று நுழைவார்கள்.

ஆனால், இந்தப் பாடங்களில் நல்ல மதிப்பெண் பெற்று, ஆங்கிலத்தில் தேர்ச்சி பெறாமல் இருப்பார்கள். ஆக, ஆங்கிலத்துக்கும் அதிக முக்கியத்துவம் தர வேண்டும். ஆங்கிலத்தில் அதிக மதிப்பெண் பெற ஆங்கில இலக்கணத்தை நன்றாக கற்றுக்கொள்ள வேண்டும். இதற்கு ஐந்தாவது வகுப்பு புத்தகத்தை படித்தாலேயே போதுமானது.

வங்கித் தேர்வுக்குத் தயாராக ஆரம்பிக்கும்போது ஆரம்பத்தில் சின்னச் சின்ன கணக்குகளுக்கு

வங்கி வேலை... முயன்றால் நிச்சயம் கிடைக்கும்!

ஒட்டுமொத்த விகடனுக்கும் ஒரே ஷார்ட்கட்!

விடையளிக்க ஆரம்பிக்க வேண்டும். ஆரம்பத்திலேயே பெரிய கணக்குகளுக்கு விடை அளிக்க முயற்சி செய்யும்போது களைப்படைந்துவிட வாய்ப்பு உள்ளது. அதன்பின் ஆர்வம் குறையலாம்.  ஆரம்பிக்கும்போது ஒரு மாதம் சின்னச் சின்னக் கணக்குகளை போட ஆரம்பிக்க வேண்டும். இவ்வாறு போடும்போது வேகமும், துல்லியத்தன்மையும் அதிகரிக்கும். ஆரம்பத்தில் ஒரு கேள்விக்கு பத்து நிமிடம் ஆனாலும் பரவாயில்லை என்ற வகையில் கணக்கு போட ஆரம்பிக்க வேண்டும். ஒரு மாதத்தில் இதனை ஒரு நிமிடத்துக்குக் கீழ் கொண்டு வந்துவிடலாம். இதற்கு தற்போது தரமான புத்தகங்கள் நிறையவே கிடைக்கின்றன. இதனை வாங்கி நீங்கள் பயிற்சிக்குப் பயன்படுத்திக் கொள்ளலாம்.  வங்கித் தேர்வில் திரிகோணம், தொகை கணிதம் சார்ந்த கணக்குகள் கேட்கப்படுவதில்லை. ஆகையால் கேள்விகள் எளிமையாகத்தான் இருக்கும்.

வங்கித் தேர்வுக்கு முழு நேரமாக உட்கார்ந்து தயார் செய்தால், ஆறு மாதத்தில் வெற்றி பெற்றுவிடலாம். தேர்வு நடப்பதற்கு சில மாதங்கள் முன் படிக்க ஆரம்பித்தால் தேர்ச்சி அடைவது கஷ்டமே. இப்போது நிறைய வாய்ப்புகள் வருகின்றன. பல வங்கிகளுக்கு விண்ணப்பிக்க லாம். ஆகையால், தொடர்ந்து பயிற்சி செய்துகொண்டே தேர்வு எழுதலாம்.

இப்போது வங்கித் தேர்வு ஆன்லைன் மூலம் மட்டுமே. இதில் தேர்வு எழுதும் நாள் அன்றே முடிவு தெரிந்துவிடும். இதில் கேள்வித்தாள் லீக் ஆகிவிட்டது என்றும் சொல்ல முடியாது. இந்தத் தேர்வு எழுதுவதற்கு முன்பு 40 மாதிரித் தேர்வுகளை எழுதி பார்த்துக்கொள்வது நல்லது. ஒரு மணி நேரம் தேர்வு எழுதினால், இரண்டு மணி நேரம் எதில் எல்லாம் நீங்கள் மேம்படுத்துவது என்பது குறித்து கவனம் செலுத்த வேண்டும். நூறுக்கு ஐம்பது மதிப்பெண் பெற்று இருந்தால், இன்னும் ஐம்பது மதிப்பெண் ஏன் பெறவில்லை என்று மதிப்பிட வேண்டும். இதற்கு வங்கித் தேர்வுக்கு தயாராகி இருக்கும் நண்பர் களுடன் விவாதிக்க வேண்டும்.

ஏற்கெனவே பரீட்சையில் பாஸ் செய்து வங்கியில் வேலைக்குச் சேர்ந்தவர்களுடன் பேசி, அவர்களுடைய அனுபவத்தைக் கேட்டு தெரிந்துகொள்ள வேண்டும். அவர்களுடைய குறிப்பேடுகளையும், பயிற்சி நூல்களையும் வாங்கிக்கொள்ளலாம்.

ஒரு நாளைக்கு எட்டு மணி நேரமாவது பயிற்சி செய்ய வேண்டும். ஒரு சிலர் நல்ல முறையில் பயிற்சி எடுத்து வரும்போது, திடீரென்று, டிஎன்பிஎஸ்சி பரீட்சைக்காகப் படிக்கத் தொடங்கிவிடுகிறார்கள். வங்கித் தேர்வில் கவனம் செலுத்துபவர்கள் வங்கித் தேர்வுகளில் மட்டும் முழுக் கவனம் செலுத்த வேண்டும். இன்னொரு தேர்வுக்கு மாறும்போது கவனம் மாறும். அதற்குரிய பயிற்சி பெறாவிட்டால், இரண்டு தேர்வுகளிலுமே தோல்வி அடையும் வாய்ப்பு உருவாகும். வங்கி வேலைக்கான வாய்ப்புகள் தொடர்ந்து வந்துகொண்டே இருப்பதால், ஒரு தேர்வில் வெற்றி பெறாவிட்டாலும் அடுத்தடுத்த தேர்வில் மதிப்பெண்களை அள்ள வாய்ப்பு அதிகம். ஆறு மாத காலத்துக்கு நண்பர்களுடன் அரட்டை, சினிமா, கிரிக்கெட், வாட்ஸ் அப், ஃபேஸ் புக், டிவி தொடர் போன்றவற்றை எல்லாம் தவிர்த்து விட்டு, இதில் மட்டுமே முழுக் கவனத்தையும் செலுத்தினால் நிச்சயம் ஜெயிக்கலாம். 

தேர்வு நடக்கும்போது ஒரு மணி நேரத்துக்கு முன்னதாக தேர்வு நடக்கும் இடத்துக்கு சென்றுவிட வேண்டும். கடைசி நேரத்தில் வருபவர்களை அனுமதிக்க மாட்டார்கள். இதன் மூலம் நீங்கள் பயிற்சி செய்த நாட்கள் வீணாகிவிடும்.

வங்கி வேலை... முயன்றால் நிச்சயம் கிடைக்கும்!

ஒரு சிலர் விண்ணப்பத்தைப் பூர்த்தி செய்யும் போது கவனக்குறைவாக நிரப்பிவிடுவார்கள். சான்றிதழில் உள்ளபடியே விண்ணப்பத்தில் பெயரை நிரப்ப வேண்டும். அப்படி  நிரப்பாத பட்சத்தில் நீங்கள் தேர்வு எழுதி வெற்றி பெற்றும் சான்றிதழ் சரிபார்க்கும்போது நிராகரிக்கப்பட வாய்ப்புகள் அதிகம். அது மாதிரியான பிரச்னை வந்தால், நோட்டரி சான்றிதழ் பெற்றுக்கொண்டு செல்ல வேண்டும்.

கிளார்க் பணிகளுக்கு நேர்முகத் தேர்வு கிடையாது. இப்போது ஒவ்வொரு தேர்வும் இரண்டு நிலையில் நடக்கின்றன. டயர் 1 மற்றும் டயர் 2 என்ற நிலையில் நடக்கின்றன. அதாவது, ஆரம்பத் தேர்வு மற்றும் இறுதித் தேர்வு என்ற இரண்டு தேர்வுகள்தான். சிறப்பு நிலைப் பணிக்கு செல்லும்போது இன்டர்வியூ வைப்பார்கள். இதற்கு முன்னதாக குரூப் டிஸ்கஷன் வைப்பார்கள். அதில் ஏதேனும் ஒரு தலைப்பு கொடுத்து பேசச் சொல்வார்கள். நீங்கள் எதைப் பற்றி பேசுகிறீர்கள் எனப் பார்க்க மாட்டார்கள். ஆனால், உங்கள் தன் நம்பிக்கையை எந்த அளவுக்கு வெளிப்படுத்து கிறீர்கள் என்பதைக் கட்டாயம் பார்ப்பார்கள். 

இன்டர்வியூவில் நீங்கள் சொல்வதில் இருந்தே கேள்வி கேட்க ஆரம்பித்துவிடுவார்கள். உங்கள் ஊர் கம்பம் என்றால், கம்பத்தில் என்ன சிறப்பு என்று கேட்டு, அதில் இருந்து கேள்விகளைக் கேட்பார்கள். கம்பத்தில் அதிகளவில் திராட்சை விளைகிறது என்றால், திராட்சை எந்த நாட்டில் அதிகம் விளைகிறது, இதில் விவசாயிகள் எதிர் கொள்ளும் பிரச்னைகள் என்ன, எங்கு ஏற்றுமதி யாகிறது, ஏற்றுமதியில் என்ன மாதிரியான பிரச்னை இருக்கிறது என்ற வகையில் கேள்விகளை கேட்பார்கள். இன்டர்வியூவில் ஐந்து வகையில் மதிப்பெண்ணை பிரித்து இருப்பார்கள். இதில் உங்கள் உடை, நீங்கள் பேசும் விதம், உங்கள் அறிவு போன்றவற்றுக்கு எல்லாம் தனித்தனியே மதிப்பெண் தருவார்கள்.

 இன்டர்வியூவை எதிர்கொள்ள நீங்கள் கண்ணாடி முன்பும், கேமரா முன்பும் நின்று பயிற்சி எடுத்துக்கொள்ள வேண்டும். மேலும் நேர்முகத் தேர்வு நடத்துபவர்களின் முகம் பார்த்து பேசவும், கொஞ்சம் புன்முறுவலுடன் பேசவும் செய்ய வேண்டும்’’ என்றார் பரத்.

வங்கி வேலைவாய்ப்புகள் இப்போது அதிகரித்து வருகின்றன. எல்லா காலத்திலும் இந்த வாய்ப்புகள் வரும் என்று சொல்ல முடியாது. ஆக வாய்ப்பு  உள்ளபோதே வங்கி அதிகாரி ஆவது  என்பது  பயிற்சியிலும், முயற்சியிலும் இருக்கிறது.

வங்கி வேலை... முயன்றால் நிச்சயம் கிடைக்கும்!

ஸ்டேட் பேங்க் ஆஃப் இந்தியா வங்கியில் 103 பேருக்கு வேலைவாய்ப்பு!

பணியின் பெயர்: ரிலேஷன்ஷிப் மேனேஜர் மற்றும் அக்யூஷிசன் ரிலேசன்ஷிப் மேனேஜர் 

கல்வித் தகுதி: ஏதேனும் பட்டப்படிப்புடன் வெல்த் மேனேஜ்மெண்ட் பிரிவில் ஒன்றிரண்டு ஆண்டுகள் பணி அனுபவம்

வயது வரம்பு: ஒவ்வொரு பிரிவுக்கும் வயது வரம்பு வேறுபடுகிறது. அதிகபட்சமாக 50 வயது வரை உள்ளவர்கள் விண்ணப்பிக்கலாம்.

விண்ணப்பக் கட்டணம்: பொது மற்றும் பிற்படுத்தப்பட்ட வகுப்பைச் சார்ந்தவர்களுக்கு விண்ணப்பக் கட்டணம் ரூ.600. தாழ்த்தப்பட்ட மற்றும் பழங்குடி வகுப்பைச் சார்ந்தவர்களுக்கும், மாற்றுத் திறனாளிகளுக்கும் கட்டணம் ரூ.100 மட்டுமே.

விண்ணப்பிக்க கடைசி நாள்: 12-12-2016.

மேலும் விவரங்களுக்கு: http://www.sbi.co.in/webfiles/uploads/files/CRPD-Rectruitment-Wealth-Management-English.pdf

வங்கி வேலை... முயன்றால் நிச்சயம் கிடைக்கும்!

ஐடிபிஐ வங்கியில் 1000 பேருக்கு வேலைவாய்ப்பு!

பணியின் பெயர்: கிளை மேலாளர் (கிரேடு ஏ)

கல்வித் தகுதி: 60% மதிப்பெண்ணுடன் ஏதேனும் ஒரு பிரிவில் பட்டப்படிப்பு

வயது வரம்பு: 20 முதல் 28 வயது வரை உள்ளவர்கள். தாழ்த்தப்பட்ட மற்றும் பழங்குடி இனத்தவர்களுக்கு வயது வரம்பில் தளர்வு உண்டு.

விண்ணப்பக் கட்டணம்: பொது மற்றும் பிற்படுத்தப்பட்ட வகுப்பைச் சார்ந்தவர்களுக்கு விண்ணப்பக் கட்டணம் ரூ.700. தாழ்த்தப்பட்ட மற்றும் பழங்குடி வகுப்பைச் சார்ந்தவர்களுக்கும், மாற்றுத் திறனாளிகளுக்கும் கட்டணம் ரூ.150 மட்டுமே.

விண்ணப்பிக்க கடைசி நாள்: 9-12-2016.

மேலும் விவரங்களுக்கு: http://www.idbi.com/pdf/careers/Detailed-Advertisment-MGES-2016-17.pdf

வங்கி வேலை... முயன்றால் நிச்சயம் கிடைக்கும்!

இந்தியக் கடற்படையில் வேலைவாய்ப்பு!


பணியின் பெயர்: கடற்படை ஆயுதப் பிரிவு அதிகாரி பணி

கல்வித் தகுதி: 60% மதிப்பெண்ணுடன் இன்ஜினீயரிங் படிப்பு. இறுதியாண்டு படிப்பவர்களும் விண்ணப்பிக்கலாம்.

வயது வரம்பு: 25 வயது வரை உள்ளவர்கள். திருமணமாகாதவர்கள்.

உடல் தகுதி: 157 செமீ உயரமும், உயரத்துக்குத் தகுந்த உடல் எடை இருக்க வேண்டும். நல்ல பார்வைத்திறன் இருக்க வேண்டும்.
விண்ணப்பிக்க கடைசி நாள்: 9-12-2016.

மேலும் விவரங்களுக்கு: http://www.nausena-bharti.nic.in/pdf/Multiqual/AdvEng.pdf

வங்கி வேலை... முயன்றால் நிச்சயம் கிடைக்கும்!

நொய்டா மெட்ரோ ரயில்  நிறுவனத்தில் வேலைவாய்ப்பு!

பணியின் பெயர்: கன்ட்ரோலர் / ரிலேசன்ஷிப் மேனேஜர் / என்ஜினீயர் பணி

கல்வித் தகுதி: கன்ட்ரோலர் பணிக்கு டிப்ளமோ படித்தவர்களும், ரிலேசன்ஷிப் மேனேஜர் பணிக்கு பட்டப்படிப்பும், இன்ஜினீயர் பணிக்கு இன்ஜினீயரிங் பட்டமும் பெற்றிருப்பவர்கள் விண்ணப்பிக்கலாம்.

வயது வரம்பு: 28 வயது வரை உள்ளவர்கள். 

விண்ணப்பிக்க கடைசி நாள்: 15-12-2016.

மேலும் விவரங்களுக்கு: http://eapplicationonline.com/NMRC2016/Document/Advertisement.pdf

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism