Published:Updated:

ஜிஎஸ்டி - யினால் அதிகரிக்கும் வேலை வாய்ப்புகள்!

ஜிஎஸ்டி - யினால் அதிகரிக்கும் வேலை வாய்ப்புகள்!
பிரீமியம் ஸ்டோரி
ஜிஎஸ்டி - யினால் அதிகரிக்கும் வேலை வாய்ப்புகள்!

நாணயம் எம்ப்ளாய்மென்ட்! - 4ஞா.சக்திவேல் முருகன்

ஜிஎஸ்டி - யினால் அதிகரிக்கும் வேலை வாய்ப்புகள்!

நாணயம் எம்ப்ளாய்மென்ட்! - 4ஞா.சக்திவேல் முருகன்

Published:Updated:
ஜிஎஸ்டி - யினால் அதிகரிக்கும் வேலை வாய்ப்புகள்!
பிரீமியம் ஸ்டோரி
ஜிஎஸ்டி - யினால் அதிகரிக்கும் வேலை வாய்ப்புகள்!
ஜிஎஸ்டி - யினால் அதிகரிக்கும் வேலை வாய்ப்புகள்!

நாடு முழுவதும் ஒரே மாதிரியான வரி விதிப்பு முறையான ஜிஎஸ்டியை அறிமுகப்படுத்தும் போது பல துறைகளில் வேலை வாய்ப்பு, இரட்டை இலக்கத்தில் வளர்ச்சி இருக்கும் என்கிறது டீம்லீஸ் நிறுவனம். இந்த நிறுவனம் தனது ஆய்வு அறிக்கையில், ‘ஜிஎஸ்டி மூலம் பல துறைகளில் நிரந்தரமாகவும், தற்காலிகமாகவும் வேலை வாய்ப்புகள் அதிகரிக்கும். இதன் மூலம் வேலை  தேடுபவர்கள் ஜிஎஸ்டியின் மூலம் பயன் பெறுவார்கள். இந்தியாவின் மூலை முடுக்கிலும் வேலை செய்வதற்கு ஆட்கள் கிடைப்பார்கள்’ என்று தெரிவித்துள்ளது.

ஜிஎஸ்டி வரி முறையினால் அரசின் வரி வருமானம், 47 சதவிகிதத்தில் இருந்து 82% வரை உயரும் என்று குறிப்பிட்டு இருக்கிறது. ஆட்டோ மொபைல், லாஜிஸ்டிக்ஸ், ஹோம் டெக்கர், இ-காமர்ஸ், ஊடகப் பிரிவுகளில் தேவை உயர்ந்து வேலைவாய்ப்புகள் அதிகரிக்கும். சிமென்ட் உற்பத்தியிலும் லாப அளவு உயர்ந்து, வேலை வாய்ப்பும் கூடும். தகவல் தொழில்நுட்பம், நுகர்பொருள், பார்மாசூட்டிக்கல்ஸ், டெலி கம்யூனிகேஷன் போன்றவற்றிலும் அதிக லாபம் இருந்தாலும் வேலைவாய்ப்புகள் என்பது குறிப்பிட்ட அளவிலேயே கிடைக்கும் என்கிறது.  இதுகுறித்து டீம்லீஸ் நிறுவனத்தின் இணை நிறுவனரும், செயல் உதவித் தலைவருமான ரித்துபர்னா சக்ரபர்த்தி, நமக்கு விரிவாக எடுத்துச் சொன்னார். 

ஜிஎஸ்டி - யினால் அதிகரிக்கும் வேலை வாய்ப்புகள்!

ஒட்டுமொத்த விகடனுக்கும் ஒரே ஷார்ட்கட்!


“ஜிஎஸ்டி ரிப்போர்ட்டை புதிய வரிக்குப் பிந்தைய நிலையில் அந்தந்தத் துறையின் பொருளாதாரம், விற்பனை முடிவுகள், சேவைகள், அவர்களுக்குக் கிடைக்கும் விற்பனை வாய்ப்புகள், அதன் மூலம் கிடைக்கும் வருமானம், செலுத்தும் வரி, வரிக்குப் பிந்தைய லாபம், ஜிடிபி போன்றவற்றை எல்லாம் கணக்கில்கொண்டு தயாரித்திருக்கிறோம். இதன் மூலம் எந்தெந்தத் துறையில் வேலைவாய்ப்புகள் அதிகரிக்கவும், குறையவும் வாய்ப்புகள் இருக்கின்றன என்பதைக் கண்டறிந்து இருக்கிறோம்.

ஆட்டோமொபைல்ஸ், லாஜிஸ்டிக்ஸ், ஹோம் டெக்கர், சிமென்ட், இ-காமர்ஸ், ஊடகப் பிரிவு களில் ஆண்டுக்கு 11 சதவிகிதத்தில் இருந்து 18%  வரை வேலை வாய்ப்புகள் அதிகரிக்கும். ஐடி, ஐடிஇஎஸ் மற்றும் ஃபைனான்ஷியல் துறைகளில் ஆண்டுக்கு 10% முதல் 12.5% அளவுக்கு வேலை வாய்ப்புகள் இருக்கும். பொருட்களின் பயன்பாடு, பார்மாசூட்டிக்கல் மற்றும் டெலிகம்யூனிகேஷன் துறைகளில் 10% முதல் 13% வரை வேலைவாய்ப்பு இருக்கும். இதில் தென் இந்திய அளவில் இ-காமர்ஸ் பிரிவில் 21% வேலைவாய்ப்பும், இதே பிரிவில் வட இந்தியாவில் 17% வேலைவாய்ப்பும் இருக்கும் என்றும், லாஜிஸ்டிக்ஸ் பிரிவில் தென் இந்தியாவில் 17.5% வளர்ச்சியும், வட இந்தியாவில் 17% அளவில் வளர்ச்சியும் இருக்கும் என்கிறது.

குறிப்பாக, சிமென்ட் தயாரிப்பு மற்றும் தகவல் தொழில்நுட்பம் சார்ந்த துறையைத் தவிர, இதர துறைகளில் தற்காலிக வேலைவாய்ப்பு கிடைக்கும். ப்ளூகாலர் மற்றும் வணிக நிறுவனங்களிலும் விற்பனைப் பணி அதிகளவில் கிடைக்கும். ஜிஎஸ்டி வரியினால் இ-காமர்ஸ் மற்றும் லாஜிஸ்டிக் துறை  வேகமாக வேலைவாய்ப்பினை உருவாக்கவும், தேவை மற்றும் லாபத்தை அதிகரிக்கவுமே செய்யும்.
ஹெல்த்கேர் மற்றும் பார்மாசூட்டிக்கல் பிரிவிலும், டெலிகம்யூனிகேஷன் பிரிவிலும் 4% கூடுதலாக வேலைவாய்ப்பினை வழங்கும். ஐ.டி மற்றும் இ-காமர்ஸ், இன்டர்நெட் ஸ்டார்ட் அப் நிறுவனங்களில் ஒரு சதவிகிதத்துக்குக் கூடுதலாக வேலைவாய்ப்பினை வழங்கும். பின்தங்கிய பிரிவுகளில் பார்க்கும்போது, ரீடெயில் (-6%), மேனுஃபேக்சரிங், இன்ஜினீயரிங் மற்றும் இன்ஃபராஸ்ட்ரெக்சர் (-5%), எஃப்எம்சிஜி (-3%), ஃபைனான்ஷியல் சர்வீசஸ்(-1%) போன்றவற்றையும் குறிப்பிட்டு இருக்கிறது.

வேலைவாய்ப்பு வளர்ச்சியில் மும்பை (3%), பெங்களூரு (2%), ஹைதராபாத் (1%), அகமாதபாத்(1%) போன்றவை முன்னேற்றத்திலும், கொல்கத்தா (-3%), டெல்லி (-2%), புனே (-2%), சென்னை (-15) நகரங்கள் பின்னோக்கியும் இருக்கின்றன. பெருநகரங்களில் வேலைக்காக ஆள் எடுப்பு குறைந்து டயர் 2, டயர் 3 நகரங்களில் வேலைவாய்ப்பு அதிகரிக்கத் தொடங்கியிருக்கிறது. குறிப்பாக, புதிதாக வேலை தேடுபவர்களுக்கு வாய்ப்புக் குறைந்து, ஏற்கெனவே பணி அனுபவம் பெற்றவர் களுக்கு வேலைவாய்ப்பு அதிகரித்து வருகிறது.

ஹெல்த்கேர் மற்றும் அதனைச் சார்ந்த பிரிவுகளில் முதலீடு அதிகரித்து வருகிறது. இதனால் வேலை வாய்ப்பும் அதிகரிக்க வாய்ப்புள்ளது. தற்போது அதிகரித்து வரும் மொபைல் இணைய பயன்பாட்டினால், மொபைல் தயாரிப்பு நிறுவன அளவிலும், ரிலையன்ஸ் ஜியோ சேவை வரவால் டெலிகாம் துறை சார்ந்த பிரிவுகளிலும் வளர்ச்சி அடைய வாய்ப்பு இருக்கிறது.

ஜிஎஸ்டி - யினால் அதிகரிக்கும் வேலை வாய்ப்புகள்!

ஐடி துறையில் வளர்ச்சி இன்னும் பாசிட்டிவாகவே இருக்கிறது. ஆனால், ஏராளமானோர்களை வேலைக்கு எடுத்த ஐ.டி துறையில் இந்த ஆண்டு ஆட்கள் தேர்வு குறைந்தாலும், திறமையானவர்களுக்கு இன்னும் வாய்ப்புள்ள துறையாகத்தான் இருக்கிறது. ஆப்பிள் நிறுவனமும், ரிலையன்ஸ் நிறுவனமும் வளர்ச்சிக்கான ஆராய்ச்சிப் பிரிவை தொடங்குவதற்கு, மைக்ரோசாஃப்ட் நிறுவனமும், நாஸ்காமும் ஸ்டார்ட் அப் நிறுவனங்களுக்கான இங்குபேஷன் சென்டருக்காக 1.4 பில்லியன் ஒதுக்கியதையும் கவனத்தில்கொள்ள வேண்டும். பலவிதமான சென்டிமென்ட்களினால் ரீடெயில் வளர்ச்சியில் வீழ்ச்சி ஏற்பட்டுள்ளது. இந்தத் துறையில் பணி அனுபவம் உள்ளவர்களுக்கு வேலைவாய்ப்பினை  ரீடெயில் நிறுவனங்கள் வழங்க உள்ளன. ஐகேயா (IKEA) மற்றும் லூலு போன்ற வெளிநாட்டு நிறுவனங்களின் வருகையால் புதிய வேலைவாய்ப்புகள் உருவாகவும் வாய்ப்பு இருக்கிறது.

தற்போது டிஜிட்டல் இந்தியாவில் முக்கிய இடத்தில் இருக்கிறது ஃபைனான்ஸ் சர்வீசஸ். பல வங்கிகளும் மொபைல் ஆப்ஸ்களின் வழியே சேவையினை வழங்க ஆரம்பித்து இருக்கின்றன. மேலும், பல நிறுவனங்கள் ஊரகப் பகுதியில் வங்கி களைத் திறக்க அனுமதி வாங்கி இருக்கின்றன. எஸ்பிஐ வங்கி ஸ்டார்ட் அப் நிறுவனங்களுக்கு உதவவும், ஐடிஎஃப்சி வங்கி டோக்கியோ - மிட்சுபிஷி வங்கியுடன் இணைந்து விரிவாக்கம் செய்யவும் தயாராக உள்ளன. இதனால் இந்தத் துறையிலும் கணிசமான வேலைவாய்ப்பினைப் பெறலாம்.

நல்ல முறையில் ஸ்மார்ட் போன் மற்றும் டேப்லெட் விற்பனை இரட்டை இலக்க அளவில் இருக்கிறது. வருகிற காலங்களிலும் அதிக வேலை வாய்ப்பினை வழங்கி தரமான பொருட்கள் தயாரிப்பிலும், விற்பனையிலும் வேகத்தைக் கூட்டலாம். உடற்பயிற்சி சாதனங்களின் விற்பனையும் கூடி வருகிறது. பெருநகரங்கள் வளர்ச்சி உள்ள மூன்று துறைகளில் மும்பையில் ஹெல்த்கேர் மற்றும் பார்மா 4%, இ-காமர்ஸ் மற்றும் இன்டர்நெட் ஸ்டார்ட் அப் பிரிவில் 3%, டெலிகம்யூனிகேஷன் 2%, டெல்லியில் ஃபைனான்ஷியல் சர்வீசஸ் 2%, ரீடெயில் 2%, இ-காமர்ஸ் மற்றும் இன்டர்நெட் ஸ்டார்ட் அப் 1%,  சென்னையில் ஹெல்த்கேர் மற்றும் பார்மா, ஐ.டி துறை தலா 1%, பெங்களூருவில் இ-காமர்ஸ் 4%, ஹெல்த்கேர் மற்றும் பார்மா 3%, புனேவில் ஐ.டி துறை 2% வளர்ச்சி அடையும் என்கிறது டீம்லீஸ் ஆய்வறிக்கை.

இன்னும் மூன்று மாதங்களில், வரும் நிதி ஆண்டுக்கான பட்ஜெட்டினை மத்திய அரசு  தாக்கல் செய்ய உள்ளது. இதில் பல முக்கிய அறிவிப்புகளை எதிர்பார்க்கலாம்’’  என்று முடித்தார்.    குட் லக் ஜாப் ஸீக்கர்ஸ்!

இந்தியன் வங்கியில் 324 பேருக்கு வேலை வாய்ப்பு!

பணியின் பெயர்: புரபேஷனரி ஆபீஸர் பணி

கல்வித் தகுதி: பட்டதாரி. 60% மதிப்பெண்களுக்கு மேல் பெற்றிருக்க வேண்டும். தாழ்த்தப்பட்டோர், பழங்குடி மற்றும் மாற்றுத்திறனாளிகள் 55% மதிப்பெண் பெற்றிருக்க வேண்டும்.

வயது வரம்பு: 28 வயதுக்கு உட்பட்டவராக இருக்க வேண்டும். பிற்படுத்தப்பட்டோர் மற்றும் தாழ்த்தப்பட்டோருக்கு வயது வரம்பு விலக்கு உண்டு.

விண்ணப்பக் கட்டணம்:
தாழ்த்தப்பட்டோர் மற்றும் பழங்குடி வகுப்பைச் சார்ந்தவர்களுக்கு 100 ரூபாயும், மற்றவர்களுக்கு 600 ரூபாயும் கட்டணமாக செலுத்த வேண்டும்.

விண்ணப்பிக்க கடைசி நாள்: 22-12-2016.

மேலும் விவரங்களுக்கு: http://www.indianbank.in/career.php

விமானப் படையில் அதிகாரி பணி!

பணியின் பெயர் : அதிகாரி பணி (கமிஷன்டு ஆபீஸர்- ஃபிளையிங், டெக்னிக்கல், கிரவுண்ட் டியூட்டி)

கல்வித் தகுதி : பட்டதாரி. 60% மதிப்பெண்களுக்கு மேல் பெற்றிருக்க வேண்டும். 10-வது மற்றும் +2-வில் கணிதம் மற்றும் இயற்பியல் பாடங்களை படித்தவராக இருக்க வேண்டும்.

வயது வரம்பு : 20 முதல் 26 வயது உடையவராக இருக்க வேண்டும். ஆண் - பெண் என இருபாலரும் விண்ணப்பிக்கலாம்.

விண்ணப்பிக்க கடைசி நாள் : 29-12-2016.

மேலும் விவரங்களுக்கு : http://careerairforce.nic.in/

எல்லைக் காவல் படையில் 157 பேருக்கு வேலைவாய்ப்பு!

பணியின் பெயர் : ஹெட் கான்ஸ்டபிள் பணி (121) மற்றும் உதவி சப்-இன்ஸ்பெக்டர் பணி (36)

கல்வி தகுதி : 12-ம் வகுப்பு. ஹெட் கான்ஸ்டபிள் பணிக்கு நிமிடத்துக்கு 35 வார்த்தைகள் தட்டச்சு செய்யவும், உதவி இன்ஸ்பெக்டர் பணிக்கு நிமிடத்துக்கு 60 வார்த்தைகள் குறிப்பெடுக்கும் திறமையும் இருக்க வேண்டும்.

வயது வரம்பு: 25 வயதுக்கு உட்பட்டவராக இருக்க வேண்டும்

விண்ணப்பிக்க கடைசி நாள் : 05-01-2017.

மேலும் விவரங்களுக்கு : http://www.bsf.nic.in/en/recruitment.html

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism