Published:Updated:

வேலையை தக்கவைத்துக் கொள்ள என்ன செய்ய வேண்டும்?

வேலையை தக்கவைத்துக் கொள்ள என்ன செய்ய  வேண்டும்?
பிரீமியம் ஸ்டோரி
News
வேலையை தக்கவைத்துக் கொள்ள என்ன செய்ய வேண்டும்?

நாணயம் எம்ப்ளாய்மென்ட்! - 5ஞா.சக்திவேல் முருகன்

வேலையை தக்கவைத்துக் கொள்ள என்ன செய்ய  வேண்டும்?

டுத்த ஆண்டில் வேலைவாய்ப்புகள் கிடைக்குமா, கிடைக்காதா, வேலை வாய்ப்புச் சந்தைகள் எப்படி இருக்கும் என்ற விவாதம் ஒருபக்கம் ஜரூராக நடந்து கொண்டிருக்க, இன்னொரு பக்கம் பணியாளர்களை நினைத்த நேரத்தில் வீட்டுக்கும் அனுப்பும் கொடுமையும் நடந்து வருகிறது. வேண்டுமென்கிறபோது பணியாளர்களை வேலைக்கு எடுப்பதும், வேண்டாம் என்கிறபோது வீட்டுக்கு அனுப்புவதுமான சூழல் முன்னெப்போதும் இல்லாத அளவுக்கு உருவாகி இருப்பது பணியாளர்களிடையே பெரும் பதைபதைப்பை உருவாக்கி இருக்கிறது.

பணியாளர்கள் திடீரென வேலை இழப்பதைப் பார்த்து நமக்கும் அது மாதிரி ஆகிவிடுமோ என்று பயப்படவே செய்கின்றனர். இன்றுள்ள நிலையில், வேலையினை தக்கவைத்துக்கொள்ள நம்மிடம் என்னென்ன திறமை இருக்க வேண்டும் என்பதைத் தெரிந்துகொள்வது அவசியமாக இருக்கிறது. இது குறித்து ஸ்ரீராம் பிராபர்ட்டீஸ் நிறுவனத்தின் துணைத் தலைவரும், மனிதவளப் பிரிவின் தலைவருமான ஸ்ரீதர் ராஜேந்திரனிடம்  கேட்டோம்.

“2017-ம் ஆண்டின் முதல் மூன்று மாதங்களில் வேலைவாய்ப்பு சந்தையில் ஒரு அசாதாரண நிலை இருக்கலாம். அடுத்து வரும் நாட்களில் இந்தியாவில் ‘மேக் இன் இந்தியா’ செயல்பாடு பாசிட்டிவாக இருக்கிறது. அரசு, ‘மேக் இன் இந்தியா’ திட்டத்தை தீவிரப்படுத்துகிறது. இதனால் இந்தத் திட்டத்தில் இணைந்து செயல்படும் நிறுவனங்கள் சிறப்பாகச் செயல்பட வாய்ப்பு இருக்கிறது. அதே நேரத்தில், பண மதிப்பு நீக்க  அறிவிப்பு எந்த மாதிரி விளைவினை ஏற்படுத்தும் என்பது இன்னும் கணிக்க முடியாத அளவிலேயே இருக்கிறது. இதன் விளைவுகள் உடனே தெரியா விட்டாலும், இன்னும் கொஞ்சம் நாள் ஆகும். இதனால் ஒரு காலாண்டுக்கு வேலைவாய்ப்பு சந்தை அசாதாரண நிலையிலேயே இருக்கும்.

அமெரிக்காவில் புதிய அரசு பொறுப்பு ஏற்றுள்ளது. அவர்கள் என்ன மாதிரியான முடிவு எடுப்பார்கள் என்பது தெளிவில்லாமல் இருக்கிறது. இந்த நிலையில் அமெரிக்காவுடன் நேரிடையாகவும், மறைமுகமாகவும் சார்ந்து இருக்கும் துறைகள், என்ன மாதிரியான அறிவிப்புகள் வரும் என்பதைக் காத்திருந்து கவனித்து வருகின்றன.

வேலையை தக்கவைத்துக் கொள்ள என்ன செய்ய  வேண்டும்?

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz


இப்படிக் காத்திருக்கும் துறைகளின் பட்டியலில் முதன்மையாக இருப்பது ஐ.டி மற்றும் ஐடிஇஎஸ். இதற்கடுத்து ஆட்டோமொபைல், எஃப்எம்சிஜி, மேனுஃபாக்சரிங், இன்ஃப்ராஸ்ட்ரெக்சர் போன்ற துறையில் இருக்கின்றன. இந்தத் துறைகளில்  என்ன மாதிரியான விளைவுகள் இருக்கும் என்பது கொஞ்சம் காத்திருந்துதான் கவனிக்க வேண்டும். இந்தத் துறைகளில் இருப்பவர்கள் வேலையினை தக்கவைத்துக்கொள்ள கவனம் செலுத்தி, முயற்சி எடுக்க வேண்டும்.

பொதுவாக, நிறுவனங்கள் எவ்வளவு செலவு செய்கிறது, எவ்வளவு வருமானம் வருகிறது என்பதைக் கட்டாயம் பார்க்கும். அதிகச் சம்பளமும், அதிகத் திறனையும், உழைப்பையும் கொண்டிருப்பவர்களுக்கு பிரச்னையில்லை. அதிகச் சம்பளமும், சராசரி திறனையும், உழைப்பையும் கொண்டிருப்பவர்கள் எச்சரிக்கையோடு இருக்க வேண்டும். அதிகச் சம்பளம் வாங்குபவர்கள் குறைவான உழைப்பினை அல்லது பணியினை கொண்டிருப்பவர்கள் அதிக எச்சரிக்கையுடனும் இருக்க வேண்டும். இவர்களின் தலைக்கு மேல் கத்தி தொங்கிக்கொண்டிருக்கிறது என்பதைக் கவனத்தில் கொண்டு வேலை பார்க்க வேண்டும். குறைந்த சம்பளத்தில் அதிக வேலை பார்ப்பவர்களுக்கு வாய்ப்புகள் நிறையவே கிடைக்கும். 

ஐ.டி மற்றும் ஐடிஇஎஸ், ஆட்டோமொபைல், எஃப்எம்சிஜி, மேனுஃபாக்சரிங், இன்ஃப்ராஸ்ட் ரெக்சர் போன்ற துறை நிறுவனங்களில் பணியாற்று பவர்கள் இங்கு வேலையினைத் தக்கவைத்துக் கொள்ள எக்ஸ்ட்ரா மைலேஜுடன் செயல்பட வேண்டும். அதாவது, நாம் செய்யும் வேலையில் மிகுந்த கவனத்துடன் செய்ய வேண்டும். நிர்ணயிக்கப்பட்ட கால அளவுக்கு முன்பே செய்து தரவேண்டும். தவறுகளை முடிந்த அளவுக்குத் தவிர்க்க வேண்டும். அலுவலக நேரத்துக்குள் வந்துவிட வேண்டும். அடிக்கடி விடுமுறை எடுப்பதைக் குறைத்துக்கொள்ள வேண்டும். வேலையில் காலம் தாழ்த்துவதும், தள்ளிப் போடுவதும் இருக்கக்கூடாது. முன்பு கண்ணுக்குத் தெரியாமல் போன சாதாரண தவறுகள் இப்போதுள்ள சூழ்நிலையில் பூதாகரமாக  தெரியும். ஆகவே, தவறுகள் செய்வதை அறவே தவிர்க்க வேண்டும்.

நம் வேலையில் புல்லட் புரூப்பாக அதாவது, பாதுகாப்புக் கவசம் அணிந்த பணியாளராக இருக்க வேண்டும். அதாவது, எந்தக் குறையினையும் சொல்ல முடியாத அளவுக்கு வேலை செய்ய வேண்டும். ஏற்கெனவே செய்துவந்த வேலையுடன் கூடுதலாகப் பொறுப்பெடுத்து செய்யக்கூடிய வாய்ப்புகள் இருந்தால், அதைக் கேட்டு செய்யலாம். அலுவலகத்தில் சராசரியாக ஐந்து வேலை செய்து வருபவர் எட்டு வேலையினை எடுத்துச் செய்து வருகிறார் என்ற மனநிலையினை உருவாக்க வேண்டும். உங்களுடைய திறனையும், செயலையும் பணியில் செலுத்துவது மட்டுமே உங்களுடைய வேலையினை தக்கவைக்க உதவி செய்யும்.

எந்த நிறுவனமும் சமூகச் சேவையின் அடிப்படையில் சம்பளம் வழங்குவதில்லை. நிறுவனங்கள் எவ்வளவு செலவு செய்கிறார்கள் என்பதையும், அதன் மூலம் எவ்வளவு வருமானத்தைப் பெறுகிறார்கள் என்பதையும் பார்த்துக்கொண்டே இருப்பார்கள். ஆகையால், உங்கள்  தேவையை உணர்த்தும் வகையில் செயல்பட வேண்டும்.

 2016-ம் ஆண்டில் ஸ்டார்ட் அப் நிறுவனங்களும்,  இ-காமர்ஸ் நிறுவனங்களும் பெரிய அளவில் செயல் பாட்டினைக் கொண்டிருக்கவில்லை. இங்குப் பணியாற்றுபவர்களும் எச்சரிக்கை யுடன் இருக்க வேண்டும். பேங்கிங் சர்வீஸ், பார்மா அண்ட் ஹெல்த்கேர், டெலிகாம், எஜுகேஷன் போன்ற துறைகள் சிறப்பாகச் செயல்பட்டு வருவதால், இந்தத் துறைகளில் நல்ல வளர்ச்சி இருக்கிறது. இந்தத் துறைகளில் நல்ல வாய்ப்பு கிடைக்கும்போது உடனடியாக மாறுவதில் எந்தத் தவறும் இல்லை. அடுத்த ஆண்டில் இந்தத் துறைகளில் இருப்பவர்களுக்குச் சராசரியாக 10-12% சம்பள உயர்வு கிடைக்க வாய்ப்பு இருக்கிறது என்று கணித்திருக்கிறார்கள். இதுவே திறன் மிகுந்தவர்களுக்கு இன்னும் அதிக அளவில் சம்பள உயர்வை  எதிர்பார்க்கலாம்.

பொதுவாக, ஏப்ரல் மாதத்துக்குப்பின் வேலைத் தேர்வு செய்வது அதிகமாக இருக்கும். இப்போது  பட்ஜெட்டில் என்ன அறிவிப்பு வரும் என்று காத்திருக்கிறார்கள். ஆகையால், முதல் மூன்று மாதத்தில் வேலையினைத் தக்கவைத்துக்கொள்ள வேண்டியது பணியில் இருப்பவர்களின் பொறுப்பு. ஏப்ரலுக்குப் பிறகு நிலைமை மாறலாம். ஆகையால் ரிஸ்க் உள்ள துறையில் இருப்பவர்கள் எச்சரிக்கையுடன் இருக்க வேண்டும். வேலையில் முழுத் திறனையும் செலுத்த வேண்டும். தவறுகள் ஏற்படாத வகையில் புல்லட் புரூப்புடன் போர் வீரர் போல் செயல்பட வேண்டும். இவ்வாறு செய்யும்போது, கால மாற்றத்தில் நீங்களே சிறந்த பணியாளராக இருப்பீர்கள் என நிறுவனம் கருதி கூடுதல் பதவி வாய்ப்பையும் சம்பள உயர்வையும் தர வாய்ப்பு இருக்கிறது” என்று முடித்தார் அவர்.

வேலை முக்கியம் என்கிற நிலையில், நம் திறமையை வளர்த்துக் கொள்வதைத் தவிர வேறு வழியில்லை!

சிண்டிகேட் வங்கியில் 400 பேருக்கு வேலைவாய்ப்பு!

பணியின் பெயர் : புரபேஷனரி ஆபீஸர் பணி (தேர்வு செய்யப்படுபவர்கள்  முதுநிலை வங்கி - நிதிப் பணிகளுக்கான பயிற்சிக்குப் பின்னர் பணி நியமனம் செய்யப்படுவார்கள்).

வேலையை தக்கவைத்துக் கொள்ள என்ன செய்ய  வேண்டும்?


கல்வித் தகுதி : பட்டதாரி. 60% மதிப்பெண்களுக்கு மேல் பெற்றிருக்க வேண்டும். தாழ்த்தப்பட்டோர், பழங்குடி மற்றும் மாற்றுத்திறனாளிகள் 55% மதிப்பெண் பெற்றிருக்க வேண்டும்.

வயது வரம்பு : 28 வயதுக்கு உட்பட்டவராக இருக்க வேண்டும். பிற்படுத்தப்பட்டோர் மற்றும் தாழ்த்தப்பட்டோருக்கு வயது வரம்பு விலக்கு உண்டு.

விண்ணப்பக் கட்டணம் : தாழ்த்தப்பட்டோர் மற்றும் பழங்குடி வகுப்பைச் சார்ந்தவர்களுக்கு 100 ரூபாயும், மற்றவர்களுக்கு 600 ரூபாயும் கட்டணமாகச் செலுத்த வேண்டும்.

விண்ணப்பிக்கக் கடைசி நாள் : 28-12-2016.  மேலும் விவரங்களுக்கு: https://www.syndicatebank.in

நெய்வேலி நிலக்கரி நிறுவனத்தில் 100  பேருக்கு வேலைவாய்ப்பு!

பணியின் பெயர் : கிராஜூவேட் எக்ஸிகியூட்டிவ் டிரெய்னி. மெக்கானிக்கல் பிரிவில் 50 பேரும், எலெக்ட்ரிக்கல் - 15 பேர், எலெக்ட்ரானிக்ஸ் - 5 பேர், சிவில் இன்ஜினீயரிங் - 10 பேர், மைனிங் - 5 பேர், கம்ப்யூட்டர் சயின்ஸ் - 5 பேர்.

வேலையை தக்கவைத்துக் கொள்ள என்ன செய்ய  வேண்டும்?



கல்வித் தகுதி :  இளநிலை இன்ஜினீயரிங் பட்டப்படிப்பு. ‘கேட்’ தேர்வில் தேர்ச்சி பெற்றவராக இருக்க வேண்டும். ஏற்கனவே ‘கேட்’ தேர்வில் தேர்ச்சி பெறாதவர்கள், அந்தத் தேர்வு எழுத விண்ணப்பித்திருக்க வேண்டும்.

வயது வரம்பு : 30 வயதுக்கு உட்பட்டவராக இருக்க வேண்டும்

விண்ணப்பக் கட்டணம் : 300 ரூபாய்

விண்ணப்பிக்கக் கடைசி நாள் : 31-01-2017

மேலும் விவரங்களுக்கு : http://www.nlcindia.in/new_website/careers/gate2017_advt09122016.pdf

வேலையை தக்கவைத்துக் கொள்ள என்ன செய்ய  வேண்டும்?

கடற்படையில்  பணி!

பணியின் பெயர்: சமையல் மற்றும் சுகாதார பணி உதவியாளர்.

கல்வித் தகுதி :  சமையல் பணிக்கு பத்தாம் வகுப்பு, சுகாதாரப் பணிக்கு 6-ம் வகுப்பு.

வயது வரம்பு : 20 வயது உடையவராக இருக்க வேண்டும். திருமணம் ஆகாத இளைஞராக இருக்க வேண்டும்.

விண்ணப்பிக்கக் கடைசி நாள் : 2-1-2017.

மேலும் விவரங்களுக்கு: www.indiannavy.nic.in.

வேலையை தக்கவைத்துக் கொள்ள என்ன செய்ய  வேண்டும்?

தேசிய இயற்பியல் வேதியியல் ஆய்வகத்தில் வேலைவாய்ப்பு!

பணியின் பெயர்: டெக்னிக்கல் அசிஸ்டெண்ட்

கல்வித் தகுதி:
பி.இ (மெக்கானிக்கல், எலெக்ட்ரிக் கல், எலெக்ட்ரானிக்ஸ், சிவில் இன்ஜினீயரிங்)

வயது வரம்பு: 28 வயதுக்கு உட்பட்டவராக இருக்க வேண்டும்

விண்ணப்பிக்கக் கடைசி நாள்: 17-01-2017.

மேலும் விவரங்களுக்கு: http://www.nplindia.org/careers

அஞ்சல் துறையில் வேலைவாய்ப்பு!

பணியின் பெயர் : பல்வேறு பிரிவுகளில் ஸ்கில்டு பணி.

வேலையை தக்கவைத்துக் கொள்ள என்ன செய்ய  வேண்டும்?



கல்வித் தகுதி : ஐடிஐ

வயது வரம்பு : 30 வயதுக்கு உட்பட்டவராக இருக்க வேண்டும்.

விண்ணப்பக் கட்டணம் : 100 ரூபாய்

விண்ணப்பிக்கக் கடைசி நாள் : 10-01-2017.

மேலும் விவரங்களுக்கு : http://www.tamilnadupost.nic.in/rec/SkilledTradesman.pdf