Published:Updated:

ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?

ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?
பிரீமியம் ஸ்டோரி
ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?

ஞா.சக்திவேல் முருகன்

ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?

ஞா.சக்திவேல் முருகன்

Published:Updated:
ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?
பிரீமியம் ஸ்டோரி
ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?

டந்த வாரத்தில் தகவல் தொழில்நுட்ப நிறுவனங்களின் பங்குகள் விலைச் சரிவைச் சந்தித்தன. காரணம், வெளிநாடுகளில் இருந்து அமெரிக்காவுக்கு வேலை தேடிச் செல்லும் ஐ.டி பணியாளர்களுக்கு வழங்கப்படும் ஹெச்1-பி விசா குறித்த விதிமுறையில் மாற்றம் செய்வதற்கான மசோதாவை அமெரிக்க நாடாளுமன்றத்தில் கொண்டு வந்ததுதான்.

ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?

அமெரிக்காவில் குறிப்பிட்ட சில வேலையைச் செய்ய பணியாளர்கள் இல்லை என்பதால், வெளிநாட்டில் இருந்து நிறுவனங்கள் பணியாளர்களை அழைத்து வந்து, பணி செய்ய வழங்கப்படும் விசா முறைதான் ஹெச்1-பி விசா. அமெரிக்காவில் ஹெச்1-பி விசா பெற்று, ஒன்றிரண்டு வருடங்கள் பணி செய்யலாம். அதன் பின்பு மீண்டும் புதுப்பித்துக்கொள்ளலாம்.

இந்த விசாவைப் பெறுபவர்களுக்கு குறைந்தபட்ச ஊதியத்தை நிர்ணயம் செய்கிறார்கள். மேலும், குறிப்பிட்ட கல்வித் தகுதியைப் பெற்றிருக்க வேண்டும் என்று விதிமுறை உள்ளது. இந்த இரண்டு விதிமுறை களையும் தற்போது திருத்தி, புதிய விதிமுறை களாக ஹெச்1-பி விசாவில் செல்பவர்களுக்கு ஆண்டுச் சம்பளமாக ஒரு லட்சம் டாலர் கொடுக்க வேண்டும் என்றும், விசா பெறுகிறவர்கள் முதுநிலைப் பட்டப்படிப்பு முடித்தவராக இருக்க வேண்டும் என்றும் சொல்லப்பட்டு இருக்கிறது.

ஒட்டுமொத்த விகடனுக்கும் ஒரே ஷார்ட்கட்!

இந்த இரண்டு விதிமுறை மாற்றங்களும் தகவல் தொழில்நுட்பம் மற்றும் தகவல் தொழில்நுட்பச் சேவை நிறுவனங்களுக் கிடையே என்ன மாதிரியான விளைவுகளை ஏற்படுத்தும் என்பது குறித்தும், இந்த மசோதாவால் வேலைவாய்ப்பில் என்ன மாதிரியான மாற்றங்கள் ஏற்படும் என்பது குறித்தும் ஐ.டி துறையில் இருப்பவர்களிடம் பேசினோம்.

அல்டைம்டிரிக் தகவல் தொழில்நுட்ப நிறுவனத்தில் இயக்குநராக இருக்கும் மகேஷ் வெங்கட்ரமணி, “ஹெச்1-பி விசா வழங்குவதில் விதிமுறை மாற்றம் என்பது தகவல் தொழில்நுட்பத் துறையில் உள்ள பன்னாட்டு நிறுவனங் களுக்கு நிச்சயம் பெரிய பாதிப்பை ஏற்படுத்தும்.

ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?

அமெரிக்கா, ஒவ்வொரு வருடமும் ஒரு லட்சம் ஹெச்1-பி விசாவை வழங்கும். இந்த விசாவை உலகத்தில் உள்ள எல்லா நாட்டுப் பணியாளர்களும் பெறலாம். என்றாலும், 65,000 பேர் முதல் 67,000 வரை இந்தியர்கள்தான் இந்த விசாவைப் பயன்படுத்துகிறார்கள். அதாவது, 65% விசாக்களை இந்திய நிறுவனங்கள்தான் பெற்று வருகின்றன.  குறிப்பாக,  ஐ.டி நிறுவனங்கள்தான் 95% விசா பெறுகின்றன.

இதற்கு முன்பு மாதம் 5,000 டாலர் என்ற அளவில் ஆண்டுக்கு 60,000 டாலர் ஊதியம் பெறும் வகையில் நிர்ணயித்து இருந்தார்கள். இப்போது இதனை உயர்த்தி, ஆண்டுக்கு ஒரு லட்சம் டாலர் என்று நிர்ணயித்து இருக்கிறார்கள். இனி அதிக அளவில் தொகை கொடுத்து அனுப்ப வேண்டும். இதனால் நிறுவனங்கள் அதிக செலவு செய்ய வேண்டி இருக்கும். ஒவ்வொரு பணியாளரும் தங்களுடைய வருமானத்தில் 32 - 33% வரி செலுத்துகிறார்கள்.

உதாரணமாக, தற்போது 60 ஆயிரம் ரூபாய்க்கு வரி செலுத்துபவர், இனிவரும் காலங்களில் ஒரு லட்சம் ரூபாய்க்கு வரி செலுத்த வேண்டும். இதன் மூலம் அமெரிக்க அரசின் வருமானம் அதிகரிக்கும். 

ஊழியர்களுக்கு அதிக அளவில் சம்பளம் கொடுக்க இருப்பதால், ஐ.டி நிறுவனங்கள் தங்களுடைய வாடிக்கையாளர்களிடம் அதிக தொகையினை வழங்க வேண்டும் என்று உடனே கேட்க முடியாது. கூடுதலாக ஆகும் செலவினை ஐ.டி நிறுவனங்கள் தங்கள் கையில் இருந்துதான் செலுத்த வேண்டும். இது அவர்களுடைய லாப அளவில் விளைவினை ஏற்படுத்தும்.

இரண்டாவதாக, முதுநிலைப் பட்டப் படிப்புக்கு விலக்கு வழங்கி இருந்தார்கள். தற்போது அந்த விலக்கினை விலக்கிக் கொண்டு, இனி இந்த விசா பெறுபவர்கள் முதுநிலைப் பட்டப்படிப்பு படித்தவர்களாக இருக்க வேண்டும் என்று நிர்ணயித்து இருக்கிறார்கள். இப்போது பி.எஸ்சி., பி.இ., பி.டெக் படித்தவர்கள் ஹெச்1-பி விசா பெற்று அமெரிக்காவுக்குச் சென்று பணி செய்து வந்தார்கள். இனி எம்.எஸ்சி, எம்.சி.ஏ, எம்.இ, எம்.எஸ் படித்தவர்கள் மட்டும் செல்ல முடியும் என்ற நிலை ஏற்பட்டிருக்கிறது” என்றார்.

இதனால் இந்தியாவில் வேலைவாய்ப்பு குறையுமா என்று அவரிடம் கேட்டோம்.

“இனி ஹெச்1-பி விசா மூலம் பி.இ, பி.டெக் படித்தவர்கள் செல்ல முடியாது. இதனால் மாஸ்டர் டிகிரி படித்தவர்களுக்கு வேலைவாய்ப்பு கிடைக்க வாய்ப்பு இருக்கிறது. பல காலமாக, தகவல் தொழில்நுட்ப நிறுவனங்கள் எம்.எஸ்சி, எம்.சி.ஏ படித்தவர்களுக்கு வேலைவாய்ப்பு மிகவும் குறைவாக வழங்கி வந்தன அல்லது தேர்ந்தெடுக்காமல் இருந்தார்கள். இதனால் இந்தப் படிப்பில் சேர ஆட்கள் இல்லாமல், பல கல்லூரிகளில் இந்தப் படிப்பினை மூடிவிட்டார்கள். ஆனால், இனிவரும் காலங்களில் எம்.எஸ்சி, எம்.சி.ஏ படித்தவர்களுக்குக் கூடுதலாக வேலைவாய்ப்பு கிடைக்கும். இவர்கள் வெளி நாடுகளுக்குச் சென்று பணியாற்றும் வாய்ப்பும் கிடைக்கும். இதுநாள் வரை வெளிநாட்டுப் பணி களுக்குக் குறைவாகச் சம்பளம் பெற்றவர்கள், இனி வரும் காலங்களில் அதிக சம்பளம் பெறுவார்கள்.  இதுவும் பணியாளர்களுக்கு கூடுதல் சிறப்புதான்.

ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?

முக்கியமான விஷயம், எண்ணிக்கையைக் குறைக்காமல் வைத்திருக்கிறார்கள். இதனால் அமெரிக்காவில் நுழைபவர்களின் எண்ணிக்கை அதே அளவில்தான் இருக்கும். ஆனால், தகுதியான நபர்கள் மட்டும் உள்ளே நுழைய முடியும். இது கொஞ்சம் சாதகமான விஷயம்” என்றார்.

வேறு என்ன மாற்றங்கள் வர வாய்ப்பு உள்ளது என்று கேட்டோம்.

“இன்னமும் ட்ரம்ப் அமெரிக்க அதிபராக பதவி ஏற்கவில்லை. அவர் பதவியேற்ற பின்பு என்ன மாதிரியான கொள்கையைக் கடைப்பிடிப்பார் என்பதற்குத் தகுந்தாற்போல் மாற்றங்களை எதிர்பார்க்கலாம். ட்ரம்ப், அமெரிக்கர்களின் நலன் சார்ந்தே அதிக அளவில் நடவடிக்கை எடுப்பார்.

இதில், முக்கியமாக வெளிநாட்டில் இருந்து செய்யப்படும் அவுட்சோர்ஸிங் பணிகளை அமெரிக்காவில் உள்ளவர்களே செய்யும் வகையில் மாற்றத்தைக் கொண்டுவர வாய்ப்பு உள்ளது. கலிஃபோர்னியாவில் சீனர்களின் தாக்கம் அதிகம். சீனர்களுக்கு அடுத்த இடத்தில் இந்தியர்கள் இருக்கிறார்கள். அதனால் ட்ரம்ப் இவர்களின் தாக்கத்தைக் குறைக்கவே, அதிக அளவில் பாடுபடுவார். அடுத்த ஐந்து வருடத்தில் 4.5 லட்சம் வேலை வாய்ப்புகள் பறிபோகும்  என்று  கணித்திருக்கிறார்கள். பொறுத்திருந்து பார்க்க வேண்டியது அவசியம்” என்று முடித்தார் மகேஷ்.

ஹெச்1-பி விசா தொடர்பாக அமெரிக்க அரசாங்கம் எடுத்துவரும் நடவடிக்கைகளினால் ஏற்படும் மாற்றங்கள் இன்னும் சில மாதங்களில் தெரியவரும் என்பதால், எதற்கும் முன்னேற்பாட்டு டன் இருப்பது அவசியம்!

2016-ம் ஆண்டில் பன்னாட்டு நிறுவனங்கள் பெற்ற ஹெச்1-பி விசாக்களின் எண்ணிக்கை

இன்ஃபோசிஸ் - 33,289, டிசிஎஸ் - 16,553, ஐபிஎம் - 13,600, விப்ரோ - 12,201, அக்செஞ்சர் - 9,605, டெல்ய்ட் கல்சல்டிங் - 7,607, ஹெசிஎல் - 6,110, டெக் மகேந்திரா - 6,041, மைக்ரோசாஃப்ட் - 4,575, ஐகேட் - 4,553, எர்னஸ்ட் எங்க் - 4,163, கூகுள் - 4,048.

ஜாப் கார்னர்

ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?

நிலக்கரி சுரங்க நிறுவனத்தில் 1,318 பேருக்கு பணி

பணியின் பெயர் : மேனேஜ்மென்ட் டிரைய்னி

கல்வித் தகுதி: இன்ஜினீயரிங் பிரிவில் எலெக்ட்ரிக்கல், மெக்கானிக்கல், சிவில், மைனிங் படித்தவர்களுக்கும், எம்.பி.ஏ மேனேஜ்மென்ட் படிப்பில் நிதிப் பிரிவு, மனிதவளப் பிரிவு படித்தவர்களுக்கும் வாய்ப்பு உள்ளது.

வயது வரம்பு :
30 வயது

விண்ணப்பக் கட்டணம்: பொது மற்றும் பிற்படுத்தப்பட்டோர் வகுப்பைச் சார்ந்தவர்களுக்குக் கட்டணம் ரூ.1,000. இதர பிரிவினருக்குக் கட்டணம் கிடையாது.

விண்ணப்பிக்கக் கடைசி நாள் : 3.2.2017

மேலும் விவரங்களுக்கு : www.coalindia.in

ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?

மும்பை துறைமுகத்தில் 248 சிஸ்டம் அட்மின் அசிஸ்டென்ட் பணி

பணியின் பெயர்: சிஸ்டம் அட்மின் அசிஸ்டென்ட்

கல்வித் தகுதி : மெக்கானிக்கல், எலெக்ட்ரிக்கல் இன்ஜினீயரிங் பிரிவில் பி.இ அல்லது டிப்ளமோ முடித்தவர்கள் / ஐடிஐ படிப்புடன் கம்ப்யூட்டர் சான்றிதழ் படிப்பு முடித்தவர்கள்

வயது வரம்பு :
21 வயது

விண்ணப்பக் கட்டணம் : ரூ.20

விண்ணப்பிக்க கடைசி நாள் :
20.1.2017

மேலும் விவரங்களுக்கு :
http://mumbaiport.gov.in/

ஹெச் 1 பி விசா விதிமுறை மாற்றம்... ஐ.டி துறைக்கு நல்லதா?

இந்தியன் ஆயில் நிறுவனத்தில் 56 பேருக்கு பணி

பணியின் பெயர் : ஜூனியர் இன்ஜினீயர்

கல்வித் தகுதி : இன்ஜினீரியங் பிரிவில் புரொடக்‌ஷன், எலெக்ட்ரிக்கல், இன்ஸ்ட்ரு மென்டேஷன், ஃபயர் அண்ட் சேஃப்டி பாடப் பிரிவில் பி.இ அல்லது டிப்ளமோ

வயது வரம்பு : 26 வயது

விண்ணப்பக் கட்டணம் : பொது மற்றும் பிற்படுத்தப்பட்ட வகுப்பைச் சார்ந்தவர் களுக்கு கட்டணம் ரூ.1,000 ரூபாய். இதர பிரிவினருக்குக் கட்டணம் கிடையாது.

விண்ணப்பிக்கக் கடைசி நாள்:
23.1.2017

மேலும் விவரங்களுக்கு: www.iocl.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism