Published:Updated:

ஆட்டோமேஷன் பயன்பாடு ... வேலைவாய்ப்புக் குறையுமா?

ஆட்டோமேஷன் பயன்பாடு ... வேலைவாய்ப்புக் குறையுமா?
பிரீமியம் ஸ்டோரி
ஆட்டோமேஷன் பயன்பாடு ... வேலைவாய்ப்புக் குறையுமா?

நாணயம் எம்ப்ளாய்மென்ட்! - 11ஞா.சக்திவேல் முருகன்

ஆட்டோமேஷன் பயன்பாடு ... வேலைவாய்ப்புக் குறையுமா?

நாணயம் எம்ப்ளாய்மென்ட்! - 11ஞா.சக்திவேல் முருகன்

Published:Updated:
ஆட்டோமேஷன் பயன்பாடு ... வேலைவாய்ப்புக் குறையுமா?
பிரீமியம் ஸ்டோரி
ஆட்டோமேஷன் பயன்பாடு ... வேலைவாய்ப்புக் குறையுமா?
ஆட்டோமேஷன் பயன்பாடு ... வேலைவாய்ப்புக் குறையுமா?

‘டிஜிட்டலைஷேசன், ஆட்டோமேஷன் மற்றும் ஆர்ட்டிஃபிஷியல் இன்டெலிஜென்ஸ் ஆகியவற்றின் வருகை நம் நாட்டின் வேலை வாய்ப்புச் சந்தையில் கடுமையான தாக்கத்தை ஏற்படுத்தும். இதனால் வேலைவாய்ப்புகள் குறைவதற்கு நிறைய வாய்ப்பு இருக்கிறது’ என்கிறது மேன்பவர் குரூப் அமைப்பு நடத்தி வெளியிட்ட சர்வே முடிவு.

ஆட்டோமேஷன் பயன்பாடு ... வேலைவாய்ப்புக் குறையுமா?

ஒட்டுமொத்த விகடனுக்கும் ஒரே ஷார்ட்கட்!



 ‘‘ஒவ்வொரு ஆண்டும் நவம்பர், டிசம்பர் மாதங்களில் கேம்பஸ் இன்டர்வியூ மூலம் பாதிப் பேருக்கு வேலைவாய்ப்புக் கிடைத்திருக்கும். ஆனால், இந்த வருடத்தில் 30 சதவிகிதம் பேருக்கு மட்டுமே வேலை வாய்ப்பு கிடைத்து இருக்கிறது. ஒவ்வோர் ஆண்டும் பன்னாட்டு நிறுவனங்கள் நூற்றுக்கும் மேற்பட்டவர்களைத் தேர்ந்தெடுத்து வந்தது மாறி, இந்த ஆண்டு சில பேருக்கு மட்டுமே வாய்ப்புகளை வழங்கி  உள்ளன. எப்போதும் கேம்பஸ் இன்டர்வியூ நடத்த முன்னணியில் இருந்த நிறுவனங்கள் இந்த ஆண்டு, ‘கேம்பஸ் இன்டர்வியூக்கு வாங்க’ என்று நாங்கள் அழைத்தாலும்,  தயக்கத்துடன் ‘கொஞ்சம் காலம் போகட்டும்’ என்று சொல்கின்றன. எங்களுடைய நிலை பரிதாபமாக இருக்கிறது’’ என்றார் தனியார் கல்வி நிறுவனத்தில் வேலைவாய்ப்புப் பிரிவு அதிகாரியாகப் பணியாற்றும் பேராசிரியர் ஒருவர்.

மேன்பவர் குரூப் அமைப்பு, வேலை வாய்ப்புச் சந்தையில் அடுத்த இரண்டு ஆண்டுகளில் என்ன மாதிரியான எதிர்பார்ப்பு இருக்கிறது, எந்த மாதிரியான மாற்றங்களும், தாக்கங்களும் நிகழும் என்பது குறித்து ஆறு துறைகளில், 43 நாடுகளில், 18,000 பணியாளர்களிடம் சர்வே நடத்தியது. இந்த சர்வேயில் டிஜிட்டலைசேஷன் மூலம் வேலை வாய்ப்பு அதிகரிக்குமா அல்லது குறையுமா என்று தற்போது பணியாற்றி வரும் பணியாளர்களிடம் கேட்டது. 

அவர்கள், உலக அளவில் ஆட்டோமேஷன் மற்றும்  டிஜிட்டலை சேஷன் ஆகியவற்றினால்  வேலைகளில் மிகப் பெரிய மாற்றம் வரப் போகிறது என்று சொல்லி இருக்கிறார்கள். இந்தியா வில் கலந்துகொண்ட பலரும், டிஜிட்டலை சேஷனால் வேலைவாய்ப்புக் குறையும்; வேலைவாய்ப்பு இழக்கவும் வாய்ப்பு இருக்கிறது என்று சொல்லி இருக்கிறார்கள்.

இதுவரை வேலைவாய்ப்புச் சந்தையில் நுழையாத இளைஞர்கள், இனி தங்களுடைய திறனை மேம்படுத்திக் கொண்டால் மட்டுமே வேலை வாய்ப்பைப் பெறும் தகுதி படைத்தவர் களாக  மாறுவார்கள்.  ஏற்கெனவே ஐ.டி துறையில் பணியாற்றுபவர்கள் (83%) புதிய திறனை உள்வாங்கிக் கொள்ளவும், தங்களுடைய திறனை மாற்றி அமைத்துக் கொள்ளவும் வேண்டி இருக்கி றது. இவ்வாறு மாற்றிக் கொண்டால்  மட் டுமே வேலை வாய்ப்பைத் தக்க வைத்துக்கொள்ள  முடியும். பல்வேறு துறைகளில் ஆட்டோமேஷன் நடைமுறைக்கு வருவதன் மூலம் சுமார் 12% பேர் வேலைவாய்ப்பினை இழக்க நேரிடும் என்று சொல்லி இருக்கிறார்கள்.

ஆட்டோமேஷன் பயன்பாடு ... வேலைவாய்ப்புக் குறையுமா?

இது குறித்து நாஸ்காம் அமைப்பின் தென் இந்திய மண்டல இயக்குநர் புருஷோத்தமனிடம் பேசினோம்.

“இது குறித்து பலரும்  பல விதங்களில் அறிக்கை தருகிறார்கள். இவர்களில் பலர் மனிதவள ஆலோசனைப் பிரிவில் உள்ளவர்கள். இவர்கள் எதற்காக இந்த அறிக்கையினைத் தயாரிக்கிறார்கள் என்ற பின்புலத்தையும் ஆராய வேண்டும்.

பொதுவாக, ஆட்டோமேஷன்  என்றாலேயே ஆள் குறைப்பு என்று நினைக்கிறார்கள். டைப்ரைட்டிங் மெஷின் இருந்த காலத்தில் கம்ப்யூட்டர் வந்தபோது, டைப் ரைட்டிங் சார்ந்த வேலைகள் எல்லாம் குறையும் என்று நினைத்து, அதற்கு கடும் எதிர்ப்புத் தெரிவித்தார்கள். ஆனால், கம்ப்யூட்டர் வந்தபின்பே வேலை வாய்ப்பு பல மடங்கு அதிகரித்தது. அதுபோல, தற்போது ஆட்டோமேஷன் வந்தால் வேலைவாய்ப்புக் குறையும் என்று நம்புகிறார்கள்.

உண்மையில் ஆட்டோமேஷன் வந்தால், இப்போது நாம்  செய்துவரும் வேலைகள் இன்னும் மேம்படுத்தப்படும். திறம்பட பல வேலைகளைச் செய்ய முடியும். இதன் மூலம் வியாபாரம் இன்னும் சிறப்பாக நடைபெறும். ஆட்டோமேஷன் செய்யப்படுவதால், குறைந்த விலையில் அனைத்துப் பணிகளும் முடிக்கப்படும். உலக அளவில் ஆட்டோமேஷன் செய்யப்படுவதால், வேலைத் திறன் அதிகரித்து, உற்பத்திப் பெருகும்.  இதன் பயனை எல்லோரும் அனுபவிக்க முடியும். 

உதாரணமாக, ரேஷன் கடையில் பொருட்கள் விநியோகம் செய்வதற்கு என கையடக்க அளவில் கருவி வந்து விட்டது. பொருட்கள் வாங்கியவுடன் குடும்பத் தலைவரின் மொபைல் போனுக்கு குறுச்செய்தி வந்துவிடுகிறது. இதனால் ரேஷன் கடையில் எந்த வேலை இழப்பும் ஏற்படவில்லை. ஆட்டோமேஷன் செய்யப்படுவதால்,  நிறைய விஷயங்கள் பற்றி நமக்கு லேட்டஸ்ட் தகவல் கிடைக்கும். இதன் மூலம் நம்மால் வேகமாக வேலை செய்ய முடியும். இதனால் ஐ.டி சார்ந்த பணிகள் குறையாமல் அதிகரிக்கவே செய்யும்.

ஏற்கெனவே தகவல் தொழில்நுட்பத் துறையில் புரோகிராமிங் பணிக்கும் ஆட்டோமேஷன் வந்து இருப்பதால், இந்தத் துறையில் இருப்பவர்கள் ஆட்டோமேஷனுக்கான புரோ கிராம் குறித்துக் கற்றுக்கொள்ள ஆரம்பித்து இருக்கிறார்கள். புதிதாக ஐடி துறையில் நுழைபவர்களும் இந்தத் தொழில் நுட்பத்தைக் கற்றுக்கொள்ள ஆரம் பித்திருக்கிறார்கள். இதனால் இவர்களுக்கு எளிதில் வேலை கிடைக் கும்” என்கிறார் புருஷோத்தமன்.

ஆட்டோமேஷன், டிஜிட்டலை சேஷன், ஆர்ட்டிஃபிஷியல் இன்டெலி ஜென்ஸ்  என எதுவந்தாலும், அதை எதிர்கொள்கிற திறமை  நம்மிடம் இருந்தால், வேலை போய்விடும் என்று பயப்படவேத் தேவை இல்லை!

ஆட்டோமேஷன் பயன்பாடு ... வேலைவாய்ப்புக் குறையுமா?

இந்திய ராணுவப் பயிற்சி பள்ளிகளில் 390 பணியிடங்கள்

பணியின் பெயர்: அதிகாரி

கல்வித்தகுதி: 12-ம் வகுப்பு தேர்ச்சி ( பிளஸ் டூ - வில் இயற்பியல், கணிதம் பாடங்களைப் படித்தவர்கள்)

வயது வரம்பு: 2-7-1998 தேதி முதல் 1-7-2001-ம் தேதிக்கு இடைப்பட்ட காலத்தில் பிறந்தவர்கள்

விண்ணப்பிக்கக் கடைசி நாள்: 10-2-2017.

விண்ணப்பக் கட்டணம் : ரூ. 100 (பொதுப் பிரிவு மற்றும் பிற்படுத்தப்பட்ட பிரிவினருக்கு. இதர பிரிவினருக்கு கட்டணம் கிடையாது.)

மேலும் விவரங்களுக்கு: www.joinindianarmy.gov.in

ஆட்டோமேஷன் பயன்பாடு ... வேலைவாய்ப்புக் குறையுமா?

ராணுவத் தளவாட தொழிற்சாலைகளில்  7048 பயிற்சிப் பணியிடங்கள் 

பணியின் பெயர்: அப்ரண்டிஸ்

கல்வித்தகுதி: 10-ம் வகுப்பு மற்றும் ஐடிஐ படித்தவர்கள்

வயது வரம்பு: 14 முதல் 22 வயதுக்குள்

விண்ணப்பிக்கக் கடைசி நாள்: 10-2-2017.

மேலும் விவரங்களுக்கு: www.ofb.gov.in

ஆட்டோமேஷன் பயன்பாடு ... வேலைவாய்ப்புக் குறையுமா?

ஸ்டேட் பேங்க் ஆஃப் இந்தியா வங்கியில் 44 மருத்துவ அதிகாரி   பணியிடங்கள் 

பணியின் பெயர்:   மருத்துவ அதிகாரி பணி (பகுதி நேரம் / முழுநேரம்)

கல்வித்தகுதி: எம்பிபிஎஸ் மருத்துவ படிப்புடன் அனுபவம்

வயது வரம்பு: 35 வயதுக்குள்

விண்ணப்பிக்கக் கடைசி நாள்: 6-2-2017.

மேலும் விவரங்களுக்கு: www.sbi.co.in