Published:Updated:

பயம்... சவால்... வேலையில் முன்னேற்றம்!

பயம்... சவால்... வேலையில் முன்னேற்றம்!
பிரீமியம் ஸ்டோரி
பயம்... சவால்... வேலையில் முன்னேற்றம்!

நாணயம் எம்ப்ளாய்மென்ட்! - 19ஞா. சக்திவேல் முருகன்

பயம்... சவால்... வேலையில் முன்னேற்றம்!

நாணயம் எம்ப்ளாய்மென்ட்! - 19ஞா. சக்திவேல் முருகன்

Published:Updated:
பயம்... சவால்... வேலையில் முன்னேற்றம்!
பிரீமியம் ஸ்டோரி
பயம்... சவால்... வேலையில் முன்னேற்றம்!

த்து, இருபது ஆண்டுகளுக்கு முன்பிருந்த நிலைமை இப்போதில்லை. முன்பு திறமை இருக்கிறதோ, இல்லையோ, ஒருமுறை வேலைக்குச் சேர்ந்துவிட்டால், வேலையிலிருந்து நீக்கப்படுவது என்பது எப்போதாவது நடக்கும் விஷயமாகவே இருக்கும்.

ஆனால், இப்போதோ நிலைமை தலைகீழாக மாறிவிட்டது. யார் வேண்டுமானாலும் எப்போது வேண்டுமானாலும் வேலையிலிருந்து நீக்கப்படலாம் என்பதே நிஜம். “சூழ்நிலைக்கேற்ப நம்மைத் தகவமைத்துக் கொண்டால் மட்டுமே நம் வேலையைத் தக்க வைத்துக்கொண்டு அடுத்தகட்ட வளர்ச்சியை நோக்கி முன்னேற முடியும்” என்கிறார் மேட்ரிக்ஸ் பிசினஸ் சர்வீசஸ் இந்தியா பிரைவேட் லிமிடெட் நிறுவனத்தின் தலைவரும், செயல் இயக்குநருமான பி.சி.பாலசுப்ரமணியன்.

“புதிதாகப் பணியில் சேரும்போது மிகுந்த முனைப்புடனும் ஆர்வத்துடனும் ஆரம்பிக்க வேண்டும். வேலைக்குச் செல்லும்போது ஏதோ கடமை என்று செல்லக்கூடாது. சந்தர்ப்ப சூழ்நிலையால் மட்டுமே வேலைக்குச் செல்லும் போது ஆர்வமும் பிடிப்பும் இருக்காது. எந்த வேலையையும் உற்சாகத்தோடும், தன்னம்பிக்கையோடும் செய்தால் மட்டுமே முன்னுக்கு வரமுடியும்” என்றவர், பணி தொடர்பான வளர்ச்சிக்கு நாம் நம்மை எப்படி மாற்றிக்கொள்ள வேண்டும் என்பது குறித்து விளக்கமாக எடுத்துச் சொன்னார். 

பயம்... சவால்... வேலையில் முன்னேற்றம்!

ஒட்டுமொத்த விகடனுக்கும் ஒரே ஷார்ட்கட்!

பயம் நல்லது

“வேலை விஷயத்தில் பயம் இருப்பது நல்லதுதான். முதல் பணியைத் தொடங்கும்போது கொஞ்சம் பயமும், சிறிய தடுமாற்றமும் இருக்கத்தான் செய்யும். இந்தப் பயமும், தடுமாற்றமும் பணியைச் சிறப்பாகவும், நன்றாகவும் செய்யவேண்டும் என்பதால் வருவது. இவை தன்னம்பிக்கையைக் குலைக்காமல் நம்பிக்கையைத் தருவதாக இருக்கவேண்டும்.

 நிறுவனம் குறித்த கவனம்

வேலையில் சேரும்போது, உங்களுக்கு ஒதுக்கப்பட்ட வேலையை மட்டும் கவனிக்காமல், நீங்கள் வேலைசெய்யும் நிறுவனம் குறித்து முழுமையாக அறிந்துகொள்வது அவசியம். நிறுவனத்தை யார் நடத்துகிறார்கள், முதன்மையான முதலீட்டாளர்கள் யார் யார், இயக்குநர்கள் யார் யார், நிறுவனம் என்னென்ன துறைகளில் ஈடுபடுகிறது, நிறுவனத்தின் போட்டியாளர்கள் யார் யார் என்பன குறித்து அறிந்துகொள்வது அவசியம். மற்றும் நிறுவனத்தின் கடந்த காலச் செயல்பாடுகள், தற்போது எப்படிச் செயல்பட்டு வருகிறது என்பன குறித்தும் விவரங்களை முழுமையாக அறிந்துகொள்ள வேண்டும். இதனை நேர்முகத் தேர்வுக்குச் செல்பவர்களும் கடைப்பிடிக்கலாம்.

 நிறுவனக் கலாசாரம் முக்கியம்

அலுவலகத்துக்கு செல்லும்போது நல்ல உடைகளை உடுத்திச் செல்வதுடன், தூய்மையாகவும், உங்கள் மீது நல்ல அபிமானத்தை ஏற்படுத்தும் வகையிலும் இருக்க வேண்டும். நிறுவனத்தின் கலாசாரத்துக்குத் தகுந்தாற்போல் நடந்துகொள்ள வேண்டும். எப்போதும் சிறிய புன்னகையுடன் இருப்பது அவசியம்.

 குழு செயல்பாடு

வேலையில் சேர்ந்தவுடன் உங்களது குழுவில் இணைந்து செயல்பட வேண்டும். இன்றைக்கு நிறுவனத்தின் வளர்ச்சியை ஒருவரால் மட்டுமே தீர்மானிக்க முடியாது. குழு அல்லது டீம் இணைந்து செயல்பட்டால் மட்டுமே நிறுவனம் முன்னுக்குவர முடியும். ஆகையால், வேலைக்குச் சேர்ந்தவுடன் உங்கள் குழுவுடன் ஓர் இணக்கமான நிலையுடன் செயல்பட வேண்டும்.

பயம்... சவால்... வேலையில் முன்னேற்றம்!



 பங்களிப்பைத் தெரிந்துகொள்ளுங்கள்


வேலைக்குச் சேர்ந்தவுடன் உங்களின் பங்கு அல்லது பொறுப்புகள் என்னென்ன என்பதைத் தெரிந்துகொள்ள வேண்டும். எந்த வேலையாக இருந்தாலும் நம்மிடம் என்ன எதிர்பார்க்கிறார்கள் என்பதைக் கேட்டுத் தெரிந்துகொள்வது அவசியம்.

 கற்றுக்கொண்டதைக் குறிப்பெடுங்கள்

ஒவ்வொரு நாளும் நிறுவனத்தில் என்னென்ன விஷயங்கள் நடந்தன. அதில் நம்முடைய பங்களிப்பு என்ன, நாம் என்ன கற்றுக்கொண்டோம் என்பதையும் குறிப்பெடுத்து வர வேண்டும். இதனைத் தொடர்ந்து செய்யும்போது குறிப்பிட்ட நாளில் என்ன செய்திருக்கிறீர்கள் என்பதை நீங்கள் அறிந்துகொள்ள முடியும்.

 சவால்களை ஏற்றுக்கொள்வோம்


அலுவலக வேலை என்பது தினமும் ஒரே மாதிரியானதே. ஆனால், சில சமயங்களில் சவாலான புதிய வாய்ப்புகளும் வரும். இந்த மாதிரியான வாய்ப்புகளால் தினமும் வராது. எப்போதாவது வரும். இதனைச் சவாலாக எடுத்துக் கொண்டு செய்துமுடிக்க வேண்டும். வாய்ப்பு கிடைக்கும்போது களத்தில் குதித்து வெற்றிகரமாக முடிக்கும்போது உங்கள் மீது நிர்வாகத்தில் உள்ளவர்களின் பார்வை பதியும்.

 சுய முன்னேற்றம் அவசியம்

உங்களது பணி சார்ந்து வேறு என்னென்ன விஷயங்கள் நடக்கின்றன என்பதைத் தெரிந்து வைத்துக்கொண்டு உங்களை மேம்படுத்திக்கொள்ள வேண்டும். உங்களுக்குள் தன்னம்பிக்கையை உருவாக்கிக்கொள்ள நிறையத் தன்னம்பிக்கை சார்ந்த புத்தகங்கள் இருக்கின்றன. இவற்றில் ஆசிரியரின் அனுபவத்தையும், பிறரின் அனுபவத்தையும் வைத்து நிறைய விஷயங்களைப் பகிர்ந்திருப்பார்கள். அதை உங்களுடைய சூழலுக்குத் தகுந்தாற்போல் பயன்படுத்தலாம்.

 வேலையில் தொடரலாமா?

நிறுவனத்தின் நெறிமுறைகள் என்ன? நிறுவனம் எந்த முறையில் பணியாளர்களைக் கையாளுகிறது  என்பது போன்ற விவரங்களைத் தெரிந்துகொள்வது அவசியம். சம்பள உயர்வு பெரிய அளவில் தரப் படலாம். ஆனால், பணியாளர்களைக் கையாளுவது மிகவும் மட்டமாக இருந்தால் அங்குப் பணியாற்றுவதற்கு யோசிக்க வேண்டும்.  ஆண்டுக்கு 5 - 10% அளவுக்கே சம்பள உயர்வு தருவார்கள். ஆனால், மரியாதையாக நடத்துவார்கள். இது உங்களுடைய வாழ்க்கைச் சூழலுக்கு உதவிகரமாக இருந்தால் அங்கே தொடரலாம்.

 சுய பரிசோதனை அவசியம்

ஒவ்வொரு நிறுவனத்திலும் மனித வளப் பிரிவு, நாம் எந்தளவுக்குச் செயல்பட்டு இருக்கிறோம் என்பதை அளவீடு செய்யும். ஆனால், இந்த அளவீட்டை நாமே செய்துகொள்ள முடியும். கடந்த ஆறு மாதத்தில் இப்படி இருந்தோம், இப்போது நாம் என்னென்ன புதியதாக கற்றுக் கொண்டோம், நம் திறன் கூடியிருக்கிறதா, கூடுதலாக ஏதாவது செய்திருக்கிறோமா, எவ்வளவு பயிற்சி எடுத்திருக்கிறோம், நிறுவனத்துக்கு நாம் என்ன செய்திருக்கிறோம் எனச் சுயபரிசோதனை செய்துகொள்ள வேண்டும். இதுபோல் செய்யும்போது உங்களுடைய வளர்ச்சியைத் தன்னால் எளிதாக உணர்ந்து, அடுத்தக் கட்டத்துக்கு உயர முடியும்’’ என்று முடித்தார்  பி.சி.பாலசுப்ரமணியன்.

இவர் சொல்வதுபடி நடந்தால், நாம் பார்க்கும் வேலையிலிருந்து நம்மை யாரும் நீக்க முடியாது.

படங்கள்: சொ.பாலசுப்ரமணியன்

மேலாண்மைத் துறையில் சாதிக்க வழிகாட்டும்

மெட்ராஸ் மேனேஜ்மென்ட் அசோசியேஷன்!

பயம்... சவால்... வேலையில் முன்னேற்றம்!



மேலாண்மை சார்ந்த பல்வேறு நிகழ்ச்சிகளால் நிரம்பி வழிகிறது, ‘மெட்ராஸ் மேனேஜ்மென்ட் அசோசியேஷன்.’ தொழில் துறையில் சிறப்பாகச் செயல்படு பவர்களையும், புதுமையானப் படைப்புத்திறன் கொண்டவர் களையும், சிறந்த தொழில்முனைவோர்களையும் கண்டறிந்து விருது வழங்கி ஊக்கப்படுத்தும் பணியைப் பிரதானமாகச் செய்துவருகிறது இந்த அமைப்பு. இந்த அமைப்பின் செயல்பாடுகள் குறித்து இதன் செயல் இயக்குநர் கேப்டன் விஜயகுமாருடன் பேசினோம்.

“அறுபது ஆண்டுகளுக்கு முன்பு, மேலாண்மை குறித்த சிந்தனைகளும் செயல்முறைகளும் பரவ வேண்டும் என்ற நோக்கில் ஒன்பது பேர் சேர்ந்து தொடங்கிய அமைப்புதான் `மெட்ராஸ் மேனேஜ்மென்ட் அசோசியேஷன்’. நாங்கள் உள்ளூர் மேலாண்மையில் இருந்து உலக மேலாண்மை வரை பல்வேறு பிரிவுகளில் சர்வதேச அளவில் புகழ்பெற்ற வர்களையும், தொழில் துறையில் வெற்றி பெற்றவர்களையும், மேலாண்மையில் சிறப்பு வாய்ந்தவர்களையும் அழைத்து வந்து ஆண்டுக்கு 600-க்கும் மேற்பட்ட மேலாண்மை சார்ந்த நிகழ்ச்சிகளை நடத்துகிறோம். இதன் மூலம் உலக அளவில் என்னென்ன மாற்றங்கள் நடந்து வருகின்றன என்பதை எங்களுடன் தொடர்பில் இருப்பவர்கள் அறிந்து கொள்ள முடியும்.

தொழில் துறையில் உயர வேண்டும் என்று ஆர்வம் இருப்பவர்கள், நாங்கள் நடத்தும் நிகழ்ச்சிகளில் கலந்துகொள்ளலாம். நிகழ்ச்சிகளை இணையம் வழியாகவும், ரேடியோ நிகழ்ச்சிகள் வழியாகவும் நேரடியாக ஒலிபரப்பு செய்கிறோம். இதற்காக ஒரு ஆப் (செயலி) உருவாக்கி யிருக்கிறோம்.  

எங்களது அலுவலகங்கள் சேலம், நாமக்கல், ஈரோடு, திருச்சி, ஓசூர் மற்றும் புதுச்சேரி ஆகிய இடங்களில் இருக்கின்றன. இங்கும் பல்வேறு நிகழ்ச்சிகள் நடந்து வருகின்றன. மேலாண்மை சார்ந்த பல சான்றிதழ் படிப்புகளை கல்வி நிறுவனங்களுடன் இணைந்து வழங்கு கிறோம். மாணவ உறுப்பினர்கள் குழுக்களை (Student Chapter) ஏற்படுத்தி, மேலாண்மைத் திட்டங்களை அவர்களுக்குக் கொண்டு சேர்க்கிறோம்.” என்றார் கேப்டன் விஜயகுமார்.

ஆர்வம் உள்ளவர்கள் mmachennai.org என்ற இணைய தளத்தில் மெட்ராஸ் மேனேஜ்மென்ட் அசோசியேஷன் குறித்து விவரங்களை அறிந்துகொள்ளலாம்.

ஜாப் கார்னர்

பயம்... சவால்... வேலையில் முன்னேற்றம்!

பேங்க் ஆஃப் பரோடா வங்கியில் 1,200 பணியிடங்கள்

பணியின் பெயர்: புரபேஷனரி அதிகாரி

கல்வித்தகுதி:
பட்டப்படிப்பு

வயது வரம்பு: 28

விண்ணப்பக் கட்டணம்: பொதுப் பிரிவு மற்றும் பிற்படுத்தப்பட்ட பிரிவினருக்கு ரூ.750, இதர பிரிவினருக்கு ரூ.100.

விண்ணப்பிக்கக் கடைசி நாள்:
01-05-2017.

மேலும் விவரங்களுக்கு:
http://www.bankofbaroda.com/careers/

பயம்... சவால்... வேலையில் முன்னேற்றம்!

ஜாப் கார்னர் நேஷனல் இன்ஷூரன்ஸ் நிறுவனத்தில் 205 பணியிடங்கள்

பணியின் பெயர்: நிர்வாக அலுவலர்

கல்வித் தகுதி: பட்டப்படிப்பு

வயது வரம்பு: 27

விண்ணப்பக் கட்டணம்: பொதுப் பிரிவு மற்றும் பிற்படுத்தப்பட்ட பிரிவினருக்கு ரூ.600, இதர பிரிவினருக்கு ரூ.100.

விண்ணப்பிக்கக் கடைசி நாள்: 20-04-2017.

மேலும் விவரங்களுக்கு: nationalinsuranceindia.nic.co.in

பயம்... சவால்... வேலையில் முன்னேற்றம்!

சிண்டிகேட் வங்கியில் 55 பணியிடங்கள்

பணியின் பெயர்: அலுவலக உதவியாளர் பணி

கல்வித்தகுதி: 12-ம் வகுப்பு

வயது வரம்பு: 26 வயது

விண்ணப்பிக்கக் கடைசி நாள்: 15-04-2017.

மேலும் விவரங்களுக்கு: https://www.syndicatebank.in