Published:Updated:

இன்டர்ன்ஷிப்... வாய்ப்புக்கான புதிய தளம்!

இன்டர்ன்ஷிப்... வாய்ப்புக்கான புதிய தளம்!
பிரீமியம் ஸ்டோரி
இன்டர்ன்ஷிப்... வாய்ப்புக்கான புதிய தளம்!

நாணயம் எம்ப்ளாய்மென்ட்! - 20ஞா. சக்திவேல் முருகன்

இன்டர்ன்ஷிப்... வாய்ப்புக்கான புதிய தளம்!

நாணயம் எம்ப்ளாய்மென்ட்! - 20ஞா. சக்திவேல் முருகன்

Published:Updated:
இன்டர்ன்ஷிப்... வாய்ப்புக்கான புதிய தளம்!
பிரீமியம் ஸ்டோரி
இன்டர்ன்ஷிப்... வாய்ப்புக்கான புதிய தளம்!

ன்டர்ன்ஷிப் - இன்றைக்கு கல்லூரி மாணவர்கள் இடையே அடிக்கடி உச்சரிக்கப்படும் வார்த்தை இதுதான். கல்லூரியில் படிக்கும் மாணவர்கள் தங்களின் படிப்பு சார்ந்த நிறுவனங்களில் தாங்களாகவே விரும்பிப் போய் சில மாதங்களுக்கு வேலை பார்ப்பது தான் இந்த இன்டர்ன்ஷிப். இதை பயிற்சி வேலை என்றும் சொல்லலாம். இப்படி செய்யும்போது ஒரு நிறுவனத்தின் வேலைச் சூழலையும், எந்த வகையில் ஒரு நிறுவனத்தின் செயல்பாடுகள் உள்ளன என்பது குறித்தும் ஒரு கல்லூரி மாணவனால் தெளிவாக அறிந்துகொள்ள முடியும். இன்டர்ன்ஷிப் காலத்தில் சிறப்பாகச் செயல்படும் மாணவர்களுக்குப் படிப்பை முடித்தவுடன் அங்கேயே வேலை கிடைக்கவும் வாய்ப்புண்டு என்பது முக்கியமான விஷயம். 

முன்பு நிறுவனங்களில் இன்டர்ன்ஷிப்  சேர எந்தப் போட்டியும் இல்லாமல் இருந்தது. இப்போது அதற்கும் பெரிய போட்டி உருவாகிவிட்டது. எனவே, இன்டர்ன்ஷிப் சேர விரும்பும் மாணவர்களை நுழைவுத் தேர்வின் மூலமும், நேர்முகத் தேர்வின் மூலமும் தேர்ந்தெடுத்து வருகின்றன நிறுவனங்கள். தொழில்நுட்பப் படிப்பைப் படித்தவர்களை மட்டுமே தேர்ந்தெடுத்து வந்த நிறுவனங்கள் தற்போது எந்தப் பட்டப் படிப்பாக இருந்தாலும் திறன் பெற்ற மாணவர்களை இன்டர்ன்ஷிப் பயிற்சிக்குத் தேர்வு செய்கின்றன. சில நிறுவனங்களில் இன்டர்ன்ஷிப் செய்யும்போது குறிப்பிட்ட அளவு உதவித் தொகை வழங்கப்படுகிறது.  ஐ.டி நிறுவனங்கள் இன்டர்ன்ஷிப் வழங்குவதற்கு என்று தனித்தனியே இணையதளப் பக்கங்களை உருவாக்கி மாணவர்களை வரவேற்கின்றன.

இன்டர்ன்ஷிப்... வாய்ப்புக்கான புதிய தளம்!

இன்டர்ன்ஷிப் குறித்து, விப்ரோ நிறுவனத்தின் கேம்பஸ் இன்டர்வியூ பிரிவின் இயக்குநர் விஸ்வநாதனிடம் கேட்டோம்.

 “எங்கள் நிறுவனத்தில் இரண்டு வகையில் இன்டர்ன்ஷிப் தருகிறோம். ஒன்று, செப்டம்பர் முதல் அக்டோபர் வரையிலான மாதங்களில் கேம்பஸ் இன்டர்வியூ செய்கிறோம். கேம்பஸ் இன்டர்வியூவில் தேர்வான மாணவர்களை  விடுமுறைக் காலத்தில், எங்கள் நிறுவனத்தில் இன்டர்ன்ஷிப் பயிற்சி பெற அனுமதிக்கிறோம்.   இரண்டாவது, கல்லூரியில் மூன்றாம் ஆண்டு படித்து வருபவர்கள் நேரடியாக விண்ணப்பித்தும் தங்களுடைய செமஸ்டர் விடுமுறையான மே, ஜூன் மாதங்கள் மற்றும் நவம்பர், டிசம்பர் மாதங்களில் இன்டர்ன்ஷிப் பெறலாம்.

இன்டர்ன்ஷிப்க்கு விண்ணப்பம் செய்பவர்களைத் தேர்வு மூலமும், நேர்முகத் தேர்வு மூலமும் தேர்வுசெய்து வாய்ப்பை வழங்குகிறோம். இன்டர்ன்ஷிப் காலத்தில் ஊக்கத்தொகையாக ரூ.10,000 முதல் ரூ.20,000 வரை வழங்கவும் செய்கிறோம். இவர்கள் இன்டர்ன்ஷிப் காலத்தில் சிறப்பாகச் செயல்படும்போது அவர்களுக்கு வேலைவாய்ப்பை வழங்கவும் தயாராக இருக்கிறோம்.

ஒட்டுமொத்த விகடனுக்கும் ஒரே ஷார்ட்கட்!

இன்டர்ன்ஷிப்... வாய்ப்புக்கான புதிய தளம்!



குறிப்பாக, தற்போது வளர்ந்து வரும் டேட்டா அனலிட்டிக்ஸ், கிளவுட் கம்ப்யூட்டிங் போன்ற பிரிவுகளிலேயே வேலை வாய்ப்புக் கிடைக்கும். இத்தகைய வாய்ப்பைக் கல்லூரி இளைஞர்கள் பயன்படுத்திக்கொள்ள வேண்டும்” என்கிறார்.

இன்டர்ன்ஷிப் பயிற்சியை அனுபவமாக எடுத்துக்கொண்டு, வேலையில் நுழைவதற்கு நிறுவனங்கள் வாய்ப்பை வழங்குகின்றன. இதன் மூலம் போட்டி நிறைந்த வேலைவாய்ப்புச் சந்தையில், போட்டியில்லாமல் வேலைவாய்ப்பைப் பெற உதவுகிறது இன்டர்ன்ஷிப் பயிற்சி. படிக்கும் போதே வேலையையும், துறையையும் அடையாளம் காண்பதால் படிப்பை முடித்தவுடன் வேலை தேடலுக்கான அலைச்சல் குறைகிறது.

 மேலும்,  நிறுவனத்தில் பணியாற்றுபவர்களுக்கும், மாணவர்களுக்கும் இடையே நல்ல இணக்கம் ஏற்பட வாய்ப்பாக அமைகிறது. இதனால், மாணவர்கள் உதவித்தொகை கிடைத்தால் மட்டுமே பணியாற்றுவேன் என்று சொல்வதற்குப் பதிலாக, உதவித்தொகை கிடைக்கவில்லை என்றாலும் கிடைத்த வாய்ப்பைப் பயன்படுத்திக் கொள்வது அவசியம். 

மருத்துவம், பொறியியல், தகவல் தொழில்நுட்பம், சட்டம், பத்திரிகை என அனைத்துப் பிரிவுகளிலும் வாய்ப்புகள் கொட்டிக்கிடக்கின்றன. ஒரு இன்டர்ன்ஷிப் மட்டுமல்ல, இரண்டு மூன்று இன்டர்ன்ஷிப்பைகூட மேற்கொள்ளலாம்.

பொறியியல் படிப்பவர்கள் மூன்றாம் ஆண்டிலும், முதுநிலை பட்டப்படிப்புப் படிப்பவர்கள் இரண்டாம் ஆண்டிலும், இளநிலை பட்டப்படிப்புப் படிப்பவர்கள் இரண்டாம் ஆண்டு முடித்தவுடனும் இன்டர்ன்ஷிப் வாய்ப்பைப் பயன்படுத்திக்கொள்ளலாம்.

இன்ஃபோசிஸ், டிசிஎஸ் உள்ளிட்ட பல நிறுவனங்கள் என்னென்ன பிரிவுகளில், என்னென்ன படிப்புகளுக்கு இன்டர்ன்ஷிப் பயிற்சி வழங்குகின்றன என்பதை இணையதளத்தில் வெளியிடுகின்றன. இந்தத் தகவல்களைப் பார்த்து மாணவர்கள் இன்டர்ன்ஷிப் பயிற்சியில் சேர பயன்படுத்திக்கொள்ளலாம்.

ஜாப் கார்னர்

இன்டர்ன்ஷிப்... வாய்ப்புக்கான புதிய தளம்!

திருச்சி பெல் நிறுவனத்தில் 770 பயிற்சி பணியிடங்கள்

பணியின் பெயர் :  ஃபிட்டர், வெல்டர், டர்னர், மெஷினிஸ்ட் உள்பட பலவித பயிற்சிகள் (அப்ரென்டிஸ்)

கல்வித்தகுதி : பத்தாம் வகுப்பில் (கணிதம் அறிவியல் பாடங்களுடன்) தேர்ச்சியுடன்     ஐடிஐ பயிற்சி

வயது வரம்பு : 27.

விண்ணப்பிக்கக் கடைசி நாள் : 20-4-2017.

மேலும் விவரங்களுக்கு:www.bheltry.co.in 

இன்டர்ன்ஷிப்... வாய்ப்புக்கான புதிய தளம்!

ஓரியன்டல் பேங்க் ஆஃப் காமர்ஸ் வங்கியில் 120 பணியிடங்கள்

பணியின் பெயர் :  சிறப்பு நிலை அதிகாரி - நிதி ஆய்வாளர்

கல்வித்தகுதி: எம்பிஏ (நிதி)/ நிதி தணிக்கையாளர் பட்டயப் படிப்பு / காஸ்ட் அக்கவுன்டன்ஸி படிப்பு

வயது வரம்பு : 30.

விண்ணப்பக் கட்டணம்: பொதுப் பிரிவு மற்றும் பிற்படுத்தப்பட்ட பிரிவினருக்கு ரூ.600, இதரப் பிரிவினருக்கு ரூ.100.

விண்ணப்பிக்கக் கடைசி நாள் :
26-04-2017.

மேலும் விவரங்களுக்கு : www.obcindia.co.in