Published:Updated:

போட்டித் தோ்வுகளில் பொருளாதாரம் - 12 - ஆன்லைன் சந்தையில் ஐரோப்பிய ஒன்றியம் அதிரடி!

போட்டித் தோ்வுகளில் பொருளாதாரம் - 12 - ஆன்லைன் சந்தையில் ஐரோப்பிய ஒன்றியம் அதிரடி!
பிரீமியம் ஸ்டோரி
போட்டித் தோ்வுகளில் பொருளாதாரம் - 12 - ஆன்லைன் சந்தையில் ஐரோப்பிய ஒன்றியம் அதிரடி!

டாக்டா் சங்கர சரவணன்

போட்டித் தோ்வுகளில் பொருளாதாரம் - 12 - ஆன்லைன் சந்தையில் ஐரோப்பிய ஒன்றியம் அதிரடி!

டாக்டா் சங்கர சரவணன்

Published:Updated:
போட்டித் தோ்வுகளில் பொருளாதாரம் - 12 - ஆன்லைன் சந்தையில் ஐரோப்பிய ஒன்றியம் அதிரடி!
பிரீமியம் ஸ்டோரி
போட்டித் தோ்வுகளில் பொருளாதாரம் - 12 - ஆன்லைன் சந்தையில் ஐரோப்பிய ஒன்றியம் அதிரடி!

போட்டித் தேர்வு என்று வந்துவிட்டால், நம் நாடு தொடர்பான விஷயங்களைப் பற்றி மட்டுமே கேள்வி கேட்பார்கள் என்று நினைக்கக் கூடாது. உலக அளவிலான பிரச்னைகளைப் பற்றிய கேள்விகளும் கேட்கப்படும். 2017-ம் ஆண்டு ஐ.ஏ.எஸ் முதற்கட்டத் தோ்வில் கேட்கப் பட்ட கேள்விகளுள் ஒன்று, நமது சர்வதேசப் புலமைக்கு சவால்விடுவது. கேள்வி இதுதான்,   

போட்டித் தோ்வுகளில் பொருளாதாரம் - 12 - ஆன்லைன் சந்தையில் ஐரோப்பிய ஒன்றியம் அதிரடி!

1. The term Digital Single Market Strategy seen in the news, refers to

a) ASEAN        b) BRICS

ஒட்டுமொத்த விகடனுக்கும் ஒரே ஷார்ட்கட்!

c) EU            d) G20

ஐரோப்பிய ஒன்றியம் (European Union) முன்னெடுத்துள்ள டிஜிட்டல் திட்டம் 2020-ல் (Digital Agenda 2020) மிக முக்கிய அம்சமாக இருப்பது, டிஜிட்டல் ஒற்றைச் சந்தை உத்தி     (Digital Single Market Strategy). இதைச் சுருக்கமாக, டி.எஸ்.எம்.எஸ். (DSMS) என்கிறார்கள்.

ஆன்லைன் சந்தையில் ஆதிக்கம் செலுத்தும் பல பன்னாட்டு நிறுவனங்கள் அமெரிக்காவைச் சோ்ந்தவை. கூகுள், அமேசான், ஃபேஸ்புக் என ஆன்லைனில் ஆதிக்கம் செலுத்தும் அமெரிக்க பன்னாட்டு நிறுவனங்களைப் பார்த்து ‘ஐயோ வடை போச்சே’ என்று வருத்தப்பட்டு, பல ஆண்டுகளாக இருந்துவரும் டிஜிட்டல் தயக்கத்தை கைவிட்டுவிட்டு, ஆன்லைன் வா்த்தகத்தில் முன்னேற என்ன வழியென்று ரூம்போட்டு யோசிக்க ஆரம்பித்திருக்கிறது ஐரோப்பிய ஒன்றியம்.

மொத்தம் 28 உறுப்பு நாடுகளைக் கொண்ட ஐரோப்பிய ஒன்றியத்தின் மக்கள் தொகை 51 கோடி. இது மக்கள் தொகையில் வெறும் 7% மட்டுமே. ஆனால், உலக ஜி.டி.பி-யில் ஐரோப்பிய ஒன்றியத்தின் பங்கு, சுமார் 23%. ஐரோப்பிய ஒன்றியம் 45% இணைய அறிவையும் (Digital      literacy) கொண்டுள்ளது. இத்தனை சாதகமான அம்சங்கள் இருந்தும், ஆன்லைனில் சேவை வழங்குவதை இவ்வளவு நாளாக சற்று அச்சத்துடனே ஐரோப்பிய ஒன்றியம் அணுகக் காரணம், அதன் உறுப்பு நாடுகளிடையே காணப்படும் தொலைத்தொடா்பு கொள்கை வேறுபாடு, பதிப்புரிமைச் சட்டப் பாகுபாடு, ஐரோப்பிய ஒன்றிய உறுப்பு நாடுகளில் மக்கள் உள்ளூர் ஷாப்பிங்கில் காட்டும் ஆா்வம் போன்றவையே. 

ஐரோப்பிய உறுப்பு நாடுகள் பலவற்றில் எடுக்கப்பட்ட சா்வே ஒன்று, 85% மக்கள் உள்ளூர் ஷாப்பிங்கையே விரும்புவதாகத் தெரிவிக்கிறது. இதேபோல், 51 கோடி மக்களில் 6 கோடி போ் இன்டா்நெட்டையே பயன்படுத்தாதவா்கள் என்றும்,  இன்டா்நெட் பயன்படுத்துபவா்களிலும், 50% பேர் இசை கேட்பதற்கும், திரைப்படம் பார்ப்பதற்கு மட்டுமே இன்டா்நெட்டை பயன்படுத்துகிறார்கள் என்றும் சா்வே முடிவுகள் சொல்லின. ஐரோப்பிய ஒன்றியம், ஆன்லைன் வா்த்தகத்தில் அமெரிக்கா அளவுக்கு  ஆா்வம் காட்டாமல் இருந்ததற்கு இது முக்கியக் காரணம் என்கிறார்கள் சில பொருளாதார வல்லுநா்கள்.

போட்டித் தோ்வுகளில் பொருளாதாரம் - 12 - ஆன்லைன் சந்தையில் ஐரோப்பிய ஒன்றியம் அதிரடி!



ஒருங்கிணைந்த டிஜிட்டல் கொள்கைளை உருவாக்க ஐரோப்பிய ஒன்றியம் ஒரு தடையாகவே இருந்து வந்துள்ளது. டிஜிட்டல் வளா்ச்சியில் நார்டிக் நாடுகளான (Nordic countries) டென்மார்க், பின்லாந்து, ஸ்வீடன் போன்றவை மிகவும் முன்னேறிய நிலையில் உள்ளன. ஆனால், ஐரோப்பிய ஒன்றிய உறுப்பு நாடுகளான ரோமானியா, பல்கேரியா, கிரீஸ் போன்றவை டிஜிட்டல் வளா்ச்சியில் மிகவும் பின்தங்கியுள்ளன. எனவேதான், டிஜிட்டல் உரிமைகள் ஐரோப்பிய நாடுகளில் விற்கப்படும்போது சி.டி., டி.வி.டி போன்றவற்றின் உரிமைகள் மொத்த ஐரோப்பிய உரிமைகளாக விற்கப்பட்டாலும், ஆன்லைன் டிஜிட்டல் உரிமைகள், ஐரோப்பிய உறுப்பு நாடுகளில் காணப்படும் வேறுபட்ட வர்த்தகச் சட்டங்களுக்கேற்ப தனித்தனியாக விற்கப்          படுகின்றன. ஆனால், அமெரிக்காவில் இந்த நிலைமை இல்லை. அமெரிக்காவில் உள்ள மைய அரசு, அதன் மாநிலங்களிடையே ஆன்லைன் டிஜிட்டல் உரிமைகளை விற்பதற்கு, மாநில வருவாயோ, விற்பனைப் பொருளின் காப்புரிமையோ பாதிக்கப்படாத வகையில் பொதுவான டிஜிட்டல் சட்டங்களை இயற்றியுள்ளது.

இத்தனை இடா்பாடுகளையும் மீறி இப்போது, டிஜிட்டல் ஒற்றைச் சந்தை யுக்தியை 2020-க்குள் கொண்டுவந்துவிட வேண்டும் என்று ஐரோப்பிய ஒன்றியம் முனைப்புக் காட்ட முக்கியக் காரணம், 2016-ல் யூரோ மண்டல நாடுகளின் ஜி.டி.பி ஆன்லைன் வா்த்தகமின்மையால் 0.4%  குறைந்திருப்பதாக ஐரோப்பிய பொருளாதார வல்லுநா்கள் கூறியதே. டிஜிட்டல் வா்த்தகத்தை இப்போது பிடிக்காமல் விட்டுவிட்டால், வா்த்தகத் துறையில் ஐரோப்பிய ஒன்றியம் மிகவும் பின்தங்க நேரிடும் என்று சில பொருளாதார வல்லுநா்கள் எச்சரித்துள்ளனா். ஐரோப்பியா்களில் 90% போ் 4ஜி மொபைல் பயன்படுத்துவதும், 70%-க்கும் அதிகமானவர்கள் பிராட்பேண்ட் இன்டா் நெட் வசதியை வைத்துள்ளதும் ஐரோப்பாவில் ஆன்லைன் வா்த்தகத்தை வெற்றிகரமாகக் கொண்டுவர உதவியாக இருக்கும் என்று ஆன்லைன் வா்த்தக ஆா்வலா்கள் கூறிவருகிறார்கள்.

ஆன்லைன் பொருள்கள் மற்றும் வா்த்தகச் சேவைகளை வழங்குவது (Access to online products and services), டிஜிட்டல் நெட்வார்க் சேவைகளுக்கான நிபந்தனைகளை உருவாக்குவது (Conditions for digital networks and services), ஐரோப்பிய டிஜிட்டல் பொருளாதாரத்தை வளா்த்தெடுத்து வாழ்விப்பது (To grow and thrive Growth of the European digital economy) என மூன்று அம்சங்களை ஐரோப்பிய டிஜிட்டல் ஒற்றைச் சந்தை உத்தி, மூன்று தூண்களாகக் கொண்டுள்ளது. இந்த தூண்களை வலிமைப்படுத்த ஐரோப்பிய உறுப்பு நாடுகளிடையே இருக்கும் புவி வரம்புச் சட்டங்களைக் கடப்பது (Overcoming geoblocking), பதிப்புரிமைச் சட்டங்களை திருத்துவது, மின் வா்த்தகத்தை ஊக்குவிப்பது எனப் பல நடவடிக்கைகளை ஒருமித்த முறையில் ஐரோப்பிய ஒன்றியம் எடுத்தாக வேண்டும். இதில், ஐரோப்பிய ஒன்றியத்துக்கு வெற்றி கிடைக்குமா என்பதைப் பொறுத்திருந்துதான் பார்க்க வேண்டும்.

இந்தத் தலைவலியே வேண்டாம் என்றுதான் இங்கிலாந்து, ஐரோப்பிய ஒன்றியத்துக்கு டாடா சொல்லிவிட்டு (Brexit) ஒதுங்கிவிட்டது.

ஐரோப்பிய ஒன்றியம் – சில அருஞ்சொற்கள்!

1. உள்ளாறு நாடுகள் (Inner Six)


இன்னொரு உலகப் போர் வந்துவிடக்கூடாது என்று விரும்பிய ஆறு ஐரோப்பிய நாடுகள், தங்களின் தீவிர தேசியவாதக் கொள்கையைக் கொஞ்சம் மூட்டைக் கட்டி வைத்துவிட்டு, ஒன்றுபட்டுச் செயல்படுவோம் என்ற எண்ணத்தோடு பாரீஸ் உடன்படிக்கையின் (1951) அடிப்படையில், ஐரோப்பிய நிலக்கரி மற்றும் எஃகு சமூகம் (European Coal and Steel Community - ECSC) என்கிற அமைப்பினை ஏற்படுத்தின. பிற்காலத்தில் ஐரோப்பிய ஒன்றியம் உருவாகுவதற்குக் காரணமான இந்த அமைப்புக்கு அடித்தளமிட்ட பெல்ஜியம், பிரான்ஸ், இத்தாலி, லக்ஸம்பர்க், நெதர்லாந்த் ஆகிய ஆறு ஐரோப்பிய நாடுகளையும் உள்ளாறு நாடுகள் (Inner Six) என்பர்.

2. ஐரோப்பிய பொருளாதார சமூகம் (European Economic Community)

1957-ம் ஆண்டு கையெழுத்திடப்பட்ட ரோம் உடன்படிக்கையின்படி, ஐரோப்பிய பொருளாதார சமூகம் என்ற வார்த்தை நடைமுறைக்கு வந்தது. 1993-ல் மாஸ்ட்ரிக்ட் உடன்படிக்கையின்படி, ஐரோப்பிய ஒன்றியம் (European Union) என்ற பெயர் நடைமுறைக்கு வரும் வரை ஐரோப்பிய பொருளாதார சமூகம் என்ற பெயர் வழக்கத்தில் இருந்தது.

3. ஐரோப்பிய ஒன்றியம் (European Union)

1993-ம் ஆண்டு நவம்பர் முதல் நாள் மாஸ்ட்ரிக்ட் உடன்படிக்கையின்படி, ஐரோப்பிய ஒன்றியம் செயல்படத் தொடங்கியது. 1995-ல் ஆஸ்திரியா, ஸ்வீடன், பின்லாந்து ஆகிய நாடுகள் ஐரோப்பிய ஒன்றியத்தில் இணைந்தன. 2004-ம் ஆண்டு, மால்டா, சைப்ரஸ், ஸ்லோவேனியா, எஸ்டோனியா, லாட்வியா, லித்துவேனியா, போலந்து, செக் குடியரசு, ஸ்லோவாகியா, ஹங்கேரி ஆகிய 11 நாடுகள் ஐரோப்பிய ஒன்றியத்தில் உறுப்பினராயின.         2007-ல் ரொமேனியாவும், பல்கேரியாவும் இணைந்தன.

4. யூரோ மண்டலம் (Euro zone)

இந்த அமைப்பு யூரோ நாணயத்தைப் பயன்படுத்தும் ஐரோப்பிய நாடுகளின் கூட்டமைப்பாகும். யூரோ மண்டலம், 1998-ல் யூரோ நாணயத்தை ஏற்றுக்கொண்ட 11 உறுப்பு நாடுகளைக் கொண்டு உருவானது. 1999 ஜனவரி முதல் தேதி முதல் யூரோ நாணயம் நடைமுறைக்கு வந்தது. இந்த யூரோ மண்டலத்தில் கிரேக்கம், ஸ்லோவேனியா, சைப்ரஸ், மால்டா, ஸ்லோவாகியா போன்றவை பின்னர் உறுப்பினராயின. டென்மார்க், கிரேட் பிரிட்டன் ஆகிய நாடுகள் யூரோ மண்டலத்தில் இணையவில்லை.

2008-ல் ஐரோப்பாவில் ஏற்பட்ட பொருளாதார நெருக்கடியின்போது, டென்மார்க், போலந்து, லாட்வியா போன்ற நாடுகள் யூரோ மண்டலத்தில் இணைய ஆா்வம் காட்டின. இப்போது, அந்த நாடுகளில் பொருளாதார நெருக்கடி ஓரளவுக்குச் சரியாகிவிட்டதால் அந்த மூன்று நாடுகளும் யூரோ மண்டலத்தில் இணையும் எண்ணத்தை கைவிட்டுவிட்டதாகக் கூறப்படுகிறது. சமீப காலத்தில் பொருளாதார நெருக்கடியைச் சந்தித்துவரும் ஐஸ்லாந்து யூரோ மண்டலத்தில் சேர ஆர்வம் காட்டி வருகிறது. 2009-ம் ஆண்டு யூரோ மண்டலக் கடன் சிக்கல் (Euro zone dept crisis) ஏற்பட்டது. 28  ஐரோப்பிய ஒன்றிய நாடுகளில் 19 நாடுகள் யூரோ மண்டலத்தில் உறுப்பினர்களாக உள்ளன. கொசாவா, மான்டநெக்ரு ஆகிய இரு ஐரோப்பிய நாடுகளும் யூரோ நாணயத்தைப் பயன்படுத்தியபோதிலும், யூரோ மண்டலத்தில் உறுப்பினராக இல்லை.